صباحك بيضحك يا قلب فريده
وحشتوني قد البحر و سمكاته
غبت عنكم كام يوم....كنت مشغوله جدا
بس رجعتلكم بتلت اخبار مفرحه
حبيت اشاركم فرحتي بيها
كنت عامله جروب فيه الناس القريبين مني....و الي اتعرفت عليهم لما بدات اكتب
اقترحو عليا اعمل جروب عالفيس لما روايه قلب الباشا نجحت و اتسرقت
قولتلهم معرفش و مش بفهم فيه
بعد خمس دقايق لقيت ملك دخلتلي خاص بعتالي لينك و بتقولي يلا انطلقي
جروب روايات كوكب السكر
عمري ما انسي الجمله دي
فرحت جدا بس بردو مش هعرف اعمل فيه حاجه
رجعنا للجروب تاني
لقيت
دينا...مياده ..تسنيم...شمس...مريم
بيقولولي احنا هنبقي ادمن
قولت تمام يلا بينا
بعد شهر فيه الي خرج بس لسه موجود و بقوه معانا.... و فضل ملك و دينا
انضمتلهم شيماء بعدها ميرو و اخرهم ضحي
و الي كان مجرد تطوع بقي شغل و التزام
بس الجمال فالموضوع انهم حابين الشغل ده و حابين صاحبته اكتر
اهتمو بيه و كبروه لحد ما وصل للشكل ده
انا حرفيا مليش اي فضل للي وصله جروب الفيس
كل الي بعمله انزل فصل لروايه او بوست و شكرا
و أقعد اتفرج عالكومنتات و الريفيو الي حرفيا بتفصلني ضحك او فرحه بالي فيها
و بعد اربع شهور تقريبا
بقي عندي ١٠٠٠٠ اخت و بنت و صاحبه ....هما أعضاء عيله كوكب السكر
و الاحلي من كل ده
ان الأعضاء نفسهم بيتعاملو كانهم ادمن بيردو علي اي حد بيسأل...بينزلو اعلانات او لينكات....حاجه تفرح القلب بجد
احلي حاجه بقي بجد ان مفيش كلمه تم...و لما بشوفها ...الي هو ايه ده انتي ايه الي جابك هنا🤣🤣🤣
تاني خبر انا شخصيا فرحت بيه جدا
مين بيحب الانمي
امممممم
طب مين بيحب روايه الاعمي
طب ايه رايكم لما الاعمي تبقي مسلسل انمي
دي المفاجأه التانيه
الي كانت اخداني منكم الكام يوم الي فاته
اتواصلت معايا الاستاذه الخلوقه سمر ياسر
صاحبه قناه حكايات واقعيه عاليوتيوب
عشان تعمل روايه الاعمي مسلسل انمي
حبيت الفكره جدا و وافقت فورا و انا واثقه انها هتطلعها بشكل رائع بامر الله
خلال أيام قليله هنزل لينك اول حلقه مع لينك القناه
و ختاما
روايه اهتديت بايه ...عدت المليون مشاهده
انا بحبكم جدا و مش مجرد كلمه لا ...كفايه كلامكم معايه....دعواتكم ليا ..
كفايه اصلا وجودكم في حياتي
ربنا يديمكم نعمه
فريده بنت الحلواني الي ربنا راضاها بيكم
بحبك
