اعلانات

اعلان

صباحك بيضحك يا قلب فريده

وحشتوني قد البحر و سمكاته

اكتر حاجه حبيتها في شغلي حاليا ...ان ربنا كرمني بتيم ...حقيقي اللهم لك الحمد ...اقدر اقول ان بجد مفيش زيهم ...و لا حد ممكن يلاقي ناس بتشتغل معاه بقلبها كده

علاقه جميله بيني و بينهم ملهاش مسمي معين غير الحب و الجدعنه بدون اي مصلحه او غيره او ان حد عايز يظهر نفسه علي حساب التاني

متفكروش ان الحكايه سهله و ان الموضوع مجرد ادمن بينزل بوست او بيرد علي تعليق....او حتي اني قاعده بكتب روايه تعجبكم و خلاص

حتي الفيديوهات الي بتشوفوها ...مش مجرد صور بتتركب مع اغنيه و خلاص ...ممكن اخلي شيماء تعيد التصميم مره و اتنين و تلاته لحد ما نستقر عالي ينزل

.....مشاكل كتير بتواجهنا و في حاجات صعبه و تحديات...بس كل ده هما فعلا كانو قدو ....و بيعدي ...عارفين ليه ...لان كل واحد فينا مش بيقول مش انا السبب او مليش فيه

ممكن نسهر مع بعض لحد سته الصبح عشان ندور علي حل مشكله...او يكون حد فيهم قال فكره حلوه و الكل بيتجمع عشان يشارك افكاره و تطلع اجمل مما صاحبتها تخيلت

و ده كله و حاجات كتير قدرت توصل جروب الفيس لفوق ال ١٤ الف مشترك

و الوتباد عدي ال ٩ الاف متابع

و الاجمل من ده كله ان المدونه في خلال شهرين و نص تحصل علي اكتر من ٣ مليون زياره

كل ده مش من فراغ ...و برغم ان ملك...و ميرو..و ضحي شايلين الدنيا

بس لما انضمت ليهم حبيبه ..الي هي فراوله ..و ندي ..الي هي الباشا ...الموضوع اختلف و بقي اجمل

هضحكم
من تلت ايام كان في مشكله جامده ...انا كنت قافله الواتس ...اول ما فتحت لقيت رساله من جلابه المصايب ...في وشي

المهم اليوم ده فعلا كان صعب جدا عليا و عليهم...و انا لما بتعصب حقيقي مش بشوف قدامي

طبعا قعدنا حوالي اربع ساعات نحاول نحل الدنيا ...و انا معنديش اعصاب اكتب رسايل ...فبقيت ابعتلهم فويس

صوتي كان مسمع ...و كلهم خايفين يفتحو اي فويس ببعتو

و الي يضحك بقي انهم بردو عشان عارفين ان ملك عندي في حته لوحدها بقو يدخلولها خاص يقوللها حاولي تهديها

و ملك اصلا خايفه تقرب مني
المهم اتحلت المشكله الحمد لله

بس الي يجنك بقي ان معايا حبيبه ...خليفه مرتضي منصور

بعد ما الدنيا تخلص الاقيها بتقولي معايا كل فويساتك....

طولت عليكم بس حبيت تشاركوني حاجه بسيطه مالي بنشوفو عشان فالاخر اي روايه او اعلان بتشوفوه ...تعرفو  ان وراه مجهود كبير

من ناس جميله بحمد ربنا علي وجودهم في حياتي

المفاجأه بقي...
اكراما ليهم بس...
كل واحده منهم
مشمشه ..فراشتي..
عسليه….الباشا ...فراوله...و تميمه حظي

ليها الحق في اختيار اتنين من اكتر المتفاعلين معانا في جروب الفيس

اممممممم

ياخدو روايه قلب الباشا ٣
سطوه عاشق هديه

يعني ١٢ عضو متفاعل هيحصلو علي الروايه مجانا

يا رب تكون المفاجاه عجبتكم

و لسه في مفاجات تانيه كتير و مسابقات بنظم ليها ....عشان بس وجودكم معانا يكون فارق معاكم و تحسو انكم فعلا ....وسط عيلتكم
احلي عيله
عيله كوكب السكر

بحبكم جدا علي فكره

فريده الحلواني