صباحك بيضحك يا قلب فريده
عاملين ايه
عندي كام نقطه حابه اوضحها عشان بجد زهقت من الضغط ...و الكلام مش للناس الي ديما معانا
الكلام ده للناس الي عاملين نفسهم مش فاهمين او بيرمو الكلمه علي اساس سؤال بريء
مين قال انا بطلت كتابه عايزه افهم بس
مين قال اني بقالي فتره طوووويله مش بنشر روايات
مين قال اني هبيع كل رواياتي و مفيش مجاني
مين قال اني هحزف كل روايات الوتباد
مين قال اني مش هنشر عالوتباد تاني
مين الي معترض لا و بيهاجم اني ببيع روايات
كل ده بيتقالي و بكبر دماغي بس الموضوع بقي اوفر و انا فعلا مضغوطه و مش ناقصه تفاهه او ضرب من تحت الحزام
اولا ازاي هبطل كتابه و انا لاسه طالعه لايف بعلن عن الجديد
روايه الثعبان خلصت من حوالي عشر ايام او اقل يعني لو اخده فتره راحه اعتقد متكفيش
بس للاسف انا مش قاعده مرتاحه و لا مكبره دماغي انا بكتب في روايه المعرض و قولت الكلام ده من يومين
انا و لا حزفت و لا هحزف حاجه من عالوتباد و قولت الف مره الوتباد ده سبب شهرتي و عمري ما هاسيبه
روايه عدنان ارشفتها عشان بعدلها و هنشرها تاني
نيجي بقي للي بتقول اني مش هنزل مجاني تاني و ازاي ابيع روايه
و الله مضطره ارد بأدب احتراما بس للناس الي هنا
قبل ما ابيع روايه بكون وقتها بنزل واحده مجاني و اتنين كمان و ملتزمه في مواعيد النشر كل يوم عمري ما جيت قولتلكم معلش هوقف النشر لحد ما اخلص روايه الحجز
الي معترضه بقي اني ببيع ليه انتي انانيه ....ايوه انانيه و جدا كمان يعني المفروض انا اضيع وقت و مجهود و ادفع من جيبي فلوس نت و مرتبات عشان سيادتك عايزه تقري ببلاش
هو انتي لو بتشتغلي هتقوللهم لا مش عايزه مرتب
ايه ده بجد انا مشوفتش بجاحه كده هو انا شغاله عندك عشان اوصلك كل حاجه لحد عندك ايه ده بجد
هتقوليلي اصل ظروفي متسمحش هقولك كدابه اقل باقه نت ب ١٥٠ تقريبا يعني اكتر من نص تمن روايتي الي كل كام شهر علي ما افكر انزل حجز جديد و باقي الوقت كله مجاني
بلاش قله ادب بقي عشان قرفت بجد عندك بدل الروايه ١٤ مجانيه مجاتش عالي بفلوس و خلاص هتموتي لو مقرتهاش
قبل ما تقولو الكلام فكرو فيه بلاش حرق دم بقي
لان الحمد لله عامله الي عليه و ذياده و مش مقصره و هاتولي حد بيعمل زي
اخر حاجه اوعي تكوني مفكره ان الكتابه سهله و لا انا بسرق افكار حد و لا باخد روايه من حد و يا دوب بغير اسم الشخصيات و شويه أحداث عشان قال يعني تبقي بتاعتي
ربنا يعلم انا بتعب قد ايه و مش مسامحه اي حد يقلل من تعبي او يستكتر عليا اخد جزء بسيط من حق تعبي
اخر حاجه
الي استلم الروايه كده احنا بالنسباله مسؤوليتنا خلصت تليفونك باظ ولع اتسرق ده شيء ميخصنيش
انتي مش مشتريه تلاجه معاها ضمان عشروميت سنه
و بلاش بقي حركات انا حولت بس نسيت الاسكرين او السنترال ولع كفايه قرف بقي
# تعديل
بامر الله هنعمل زي روايه الباشا كل ادمن عندي هتختار اكتر اتنين متفاعلين و ياخدو الروايه مجانا
يبقي كده ١٢ روايه للادمن
و انا بإذن الله هختار ٨ عشان يبقو ٢٠ روايه هديه مننا لعشرين قمرايه بتحب الجروب و بتتفاعل فيه
فريده الحلواني
