#عروس_بديله
بقلم الكاتبه: فاطمه الموسوي
تكمله البارت الثاني
صلوا على من بعث رحمةً
للعالمين نبينا محمد (ﷺ) ༘🧡.ʚʚʚʚʚʚʚɞɞɞɞɞɞɞ꧂
.
.
.
.صابتني دهشه من الخبر يلي نزل
على مسامعي، كان كبير كفايه بنهياري، كبير انو يستوعبه عقليگعد ابوي يشرح لأمي بلتفصيل شنو صار
خالد: ابوها ضل يصيح ويكول هوه سوه علاقه وياها بدون علمنه ماسكت عنه وصارت مشدات بالكلام
ادخل شيخ من غير عشيره كالالشيخ: عندي حل يرضي الطرفين
الكل: شنوو هوه
الشيخ: الولد طلب البنيه على سنه الله ورسوله لاتخربون قسمتهم وتفرقون بينهم انت سيد خالد عندك بنيه ليش ماتنطيها الهم وتصيرون نسايب بدون مشاكل ولا قال وقيلل
خالد: شيخنه كلامك ع عيني وراسي بس بنتي مانطيها بعدها صغيره....
أمي: يمه عزا العزاني وشصار
رهف: عفت امي تحجي ويه ابوي ورحت لغرفتي ابجي واحجي ويه روحي
رهف: ما ما اتزوج لو مدري شني ايصير
بقيت كاعده وحدي مده طويله وامي وابوي بعدهم يتناقشون
شويه ودخلت عليه امي للغرفه وانه اعيوني ورمت من البجياجت گعدت يمي وانه اتقربت منهه احجي وابجي واتوسلهه بعيوني بلكت لگو حل ثاني
رهف: يوم حبابه گولي شي ما راح اتزوج مو ها گولي گولي
اتحسرت امي ونزلت راسه وانه گلبي احسه راح يوگف من الخوف
أمي: شوفي انتي لازم تزوجينه الخاطر اخوج انتي مو اتحبينه؟ يمه الزواج قسمه ونصيب وهاي قسمتج
انتفضت اصرخ بصوت عالي..
ولكم ما اريده ما اريده يعني تردون اتزوجوني غصب
_اتزوجي الخاطر اخوج يمه
_ما اريد تردين ادمر حياتي الخاطر اخوي صح انه احب اخواني بس هاذ ما يعني اتزوج واحد انه ما رايدته
_براحتج ما انجبرج احنه بس فكري زين
_استغفر الله ما اريد لا افكر ولا شي كلت ما اريده وخلاص
صار اليل وأنه على نفس حالتي بس ابجي واگول ما اريد
انفتح الباب ودخل عليهه ابوي يحجي ويايه
خالد: گومي بابا اتعشي لا تبقين هيج اتقهرين بروحج
رهف: ما اريد ما اريد انتو تردون اتزوجوني غصب عني ليش انه شنو ذنبي هاا
خالد: بابا انتي محد يوصل بمعزتج عندي مستحيل اسوي شي انتي ما راضيه عليه
حجيت بتوسل
رهف: يابه حباب حباب انه ما اريد اتزوج اريد اكمل دراستي حباب
خالد: هسه گومي غسلي وجهج واتعشي والله كريم منا الباجر ايحلهه الف حلال
ضل يحجي ويايه وقنعني اگوم وياه
رحت اتعشيت انوب صليت وقريت ادعيهه بلكت تنحل هاي المشكله
صارت الساعه ب11 كلهه دخلت الغرفهه علمود اتنام وانه ابد ما جايني نون
ضليت بفراشي اتگلب مثل السمجه كتلني التفكير وشنو راح ايصير بعدين
عطشت وگمت اشرب ماي من الثلاجه جانت الثلاجه بلمطبخ
طلعت برا الغرفه شفت اخوي صادق طلع برا اتمشيت وراه اشوف وين رايح
سمعته يحجي بلتلفون بصوت اقرب للهمس
صادق: حبيبتي انتي لا تبجين شنو بيدي وما سويته بس گليلي
هيه ما اعرف شنو ردت عليه صوتهه ناصي ما اسمعه
صادق: شلون ترديني افتح وياها الموضوع بعدهه اصغيره ع الزواج
افتهمت هنا جاي يحجون عني
صادق: شسوي بس فهميني غير مرت اخوج هيه يلي خربت علينه وراحت كالت لأخوج شبيدي بعد
ردت عليه ورجع جاوبهه
صادق: ايي ادري اختي الحجت طفله وما تفهم وصار يلي صار وجانت متحمسه قابل متقصده
صادق: عمري انتي مسحي اموعج وانشاء الله نلگه حل بس لا تبجين
ضل يحجي وياها تنهد وسده
رحت اتقربت منه اتمشيت عله كيفي وگعدت يمه
صادق: شمكعدج لهاذ الوقت
رهف: ما اگدر انام التفكير اكل عقلي
صادق: اححح شسوي تعبت
رهف: احمم يعني اذا اتريد اتزوج انه...
قاطعني ومخلاني اكمل
صادق: مستحيل اخليج اتوافقين بعدج اصغيره على الزواج تمام انتي لا اتفكرين وروحي نامي
رهف: بس انته اتحبهه
صادق: ولج انتي شمعرفج بهاي السوالف ثانياً اذا اضطر الوضع اتخله عن السالفه وما ترحين انتي ضحيه هاذ الموضوع
رهف: لا شوف انه راح اوافق لخاطرك بدون اعتراض تمام
صادق: سدي الموضوع وروحي نامي
رهف: اسمعني لخاطرك انه مستعده اضحي بنفسي وهم مثل ما گالت امي الزواج قسمه ونصيب وايجوز هاذ نصيبي
صادق: رهف كلت روحي نامي هاي الأمور صعب عقلج يفهمهه
رهف: بسس
صادق: عوفج من التفكير لا اتفكرين ولا تنقهرين روحي نامي حبيبتي انتي
رهف: تمام
عفته ورحت لفراشي
مقهوره عليه كله مني اني يلي خربت عليهه فرحتههاذ اللساني بس لو اكضهه اخخخ مني ضليت افكر حد ما اخذني النوم
يتبع...
لا تنسون التصويت✨
حسابي انستا.: ft36_5
![](https://img.wattpad.com/cover/366149649-288-k892283.jpg)
أنت تقرأ
عروس بديله"بنات الساده"
ChickLitقصه حقيقه اربع فتيات شابات لكل فتات قصه مختلفه عن الاخرى.... بقلميي