خيانة لا تغتفر

خيانه لاتغتفر

خيانه لاتغتفر
البارت الثاني
جمانه السعيدي

نازك...فعلا مريم كل يوم تجي واني اكعد ادرسه ألمواد
الي طلعت إكمال بيهن
طبعا اخوها يجيبه البيتنا ويرجع ورا ساعتين يجي ياخذه
مايعوفونه تطلع وحدها يخافون عليه
الحد مايوم نزلنا اني وياها من فوك تريد ترجع البيتهم
بيومها اني انطيته فستان بنفسجي
مخصر وصدره بي تول طلع عليه بخبل
صممت تلبسه بيتنا وتطلع بي
اني شجعته كتله ابقي لا بسته حلو عليج يخبل

بس نزلنا اني وباا من غرفتي كانت صديقة ماما جايه عدنا خطار
سلمنا عليه ثنيبنه اني ومريم
صديقة ماما....الله الله شنو هلبنات الحلوات
نازك...شكرا خاله تسلمين
صديقةماما...منو هاي الحلوه
ماما...هاي مريم صديقة نازك

صديقة ماما....الله شنو هلجمال
مريم....الله يحفظج خاله من رخصتكم لان احمد منتضرني برا

نازك وصلت مريم للباب ورجعت
صديقة ماما....هاي صديقتج وين بيتهم منو اهله
ماما...ماتعرفيهم ناس على كد حالهم
صديقة ماما...ولله عجبتني
نازك...لا تعبين نفسج خاله هاي تريد واحد بلخارج ماتقبل تزوج بلعراق
صديقة ماما...اي عز الطلب اني ابن اخوي عايش بالسويد ويريد زوجه من العراق بس عندا مواصفات مايقبل باي شي
يررد حلوه تخبل

نازك...خاله شو الموضوع صار جد
ماما...انتي صدك تحجين
صديقة ماما...اي ولله واني جايه اسئلج تقبلين تنطين نازك تزوج بلخارج
ماما...يمه بنيتي لا طبعا ماازوجه بعيد عني والأهم من الزواج اريده تاخذه شهاده
شنو مستعجله على الزواج تتخرج وتعيين وتزوج براحته
بعدها طفله ليش تشيل المسؤليه من هسه
طارت الدنيا خوما طارت
صديقة ماما...نازك صديقتج تقبل تزوج بلخارج بس هو مستعجل لا تكولين تكمل دراسته
نازك...مااعتقد راح تقبل
صديقة ماما....انتي مو تكولين تريد واحد من الخارج بعد شنو
نازك...ترا هيج حجيته حجايه
صديقة ماما...اسئليه اذا تقبل واني ارجعلكم غير وكت

نازك...صعدت الغرفتي جمانه السعيدي وتخيلت مريم تزوج وتعوفني
وووين تزوج بلسويد يعني بعد مااكدر اشوفه
يا اكيد مراح تقبل قابل هي شتعرف منه
وبعدها مامكمله امتحانات

ثاني يوم رجعت اجت مريم حتى تدرس

نازك...اسكتي البارحه هاي صديقة ماما خطبتج
واني رديت عليه ماتريد اله تزوج بلخارج
مريم...اي اني ماازوج اله بلخارج وواحد زنكين ويدلعني ويسفرني ومايرفضلي طلب ابد
نازك...اي ولج ابن اخوها عايش بالسويد ويرد يزوج
مريم...تحجين صدك لو انتي ناصبه عليه
نازك....اي صدك بس انتي شنو توافقين
مريم...اي ليش لا
نازك...اس امتحني وانجحي وداومي كليه وعود بعدين فكري بلزواج
مريم...لا بله واذا طار مني اني شحصل من الدراسه بس دوخت الراس
نازك...ولج الشهاده ضمان
مريم...عود ادرس هناك اذا هو غني وعندا هواي فلوس
انا ليش اتوضف
هو يصرف عليه واني اعيش حياتي بعد عليمن مدوخه راسي وادرس
نازك..... لا تحجين هيج كملي دراستج ولله كريم
مريم...اذا رجعت اجتكم اخذي منه كل المعلومات عنهم فهمتي لولا يعني شيشتغل هناك شكد راتبه وين ساكن
شكد عمره اكلي كلبه بلاسئله
نازك...يااا هاي شببج تخبلتي تردين تزوجين وتعوفبن الدراسه على الاقل فكري ببه اني صديقتج
مريم...عود اتصل بيج كل يوم مرتين الله عليج اذا هذا الحجي صدك ساعديني خل اطلع من ببت اهلي واهج
واشوف العالم شلونه
بشرفج وحده مثلي وكل هذا الجمال تردين ابفه عايشه هنا وادفن شبابي وجمالي هنا
نازك...بس سمعت كلامج ضجت
مريم...ليش اضوجين ماتحبين صديقتج يتحسن مستواها
المعيشي وتطلع وتفتر العالم
نازك...ازوجي بلعراق ترا اكو هواي أمورهم الماديه زينه ازوجي بلعراق وعيشي هنا
على الاقل كدام عيونا ونكدر نطمن عليج