خيانة لا تغتفر

خيانه لاتغتفر

خيانه لاتغتفر
البارت الحادي عشر
جمانه السعيدي

كنت ناويه هذا الاخيررر بس الأحداث هواي مو مال البارت الاخير     بعد بارت وتخلص القصه
انشاء الله   اكتبه وانزله اليله

نازك....لان بسام معاشرني صار اربع سنوات ويعرف اني شكد قنوعه
  وماتهمني الفلوس ابد   لان بت خير   وشايفه وعايفه
والفلوس اخر همي
وطول فترة زواجنا واني اشوف الفلوس بلكنتور كدامي وهو يكول اخذي منه
بس اني ماامد ايدي عليه ابد
واذا احتاج فلوس اخذ من اهلي ومااخذ منه
كان كلبه مامن مني    واخذني بايده
    اجا وياي للصايغ وهو مطمن جمانه السعيدي   كان يعتقد اني راح اشتري قطعه
او قطعتين بلزايد   يعني اذا كلش  اشتري زايد اشتري بمليون ونص ذهب   الان  يعرفني زين  مو استغلاليه
ومايهمني الذهب ابد     
عادي واذا ماعندي ذهب     الراحه مو بلبس الذهب
لا الراحه  بلعشره الحلوه وراحت البال
وصلني للصايغ اني ونجلاء
بسام...السلام عليكم
الصايغ...عليكم السلام
بسام... هاي زوجتي شنو يعجبه تاخذ براحته
الصايغ....تمام تدلل
نازك...اي شي يعجبني
بسام...مايغلى عليج شي اي شي يعجبج اخذي

هذا الكلام والتصوير سجلته كامرات المحل
خاف ينكر بعدين ويكول راحت وحدها
نازك اني كمت اماطل  هذا  لا هذا    التفتت على بسام 
نازك...انت روح حبيبي  اني اختار اي شي يعجبني
   ونجلاء وياي  ومناك اروح  اشتري باقي الشغلات الي محتاجتهن
وارجع للبيت
بسام....اي براحتج 
   التفت بسام على الصايغ  وكاله   انطيه اي شي يعجبه  ومن تخلص دزلي الفاتوره واني ادزلك الحساب
الصايغ....من عيوني
نازك بسام طلع  واني كمت انزل كله طخم من هذا الثكيل
وبتوت  وسوارات  ومحابس  وتراجي
الصايغ كان مستغرب  سئلني تاخذين ذني كلهن
نازك...اي ماسمعته يكول تاخذ اي شي يعجبه
لان عدنا مناسبه هليام  واريد  اشتري ذهب  اني من زمان مامشريه     طبعا الموديلات عدنك تخبل
الصايغ....زين ماشي  براحتج  اختاري اي شي يعجبج

نازك...حتى نجلاء كانت مستغربه مني ومامصدكه
اني الملاك البريئ يطلع مني كل هذا
مو كلنا احذر الحليم اذا غضب
ولله اله اندمه  على كل ساعه ضحك عليه بيه

كملت وبدأ الصايغ يوزن  الذهب ويحسب    كمل
الصايغ...١٠٠ مليون  و١٥ الف      ال١٥ واكعات  الخاطر بسام
واذا تردين ترجعين منهن عادي
نازك....لا ماارجع منهن شنو ارجع منهن  اصلا حيل عاجباتني
  ولا توكع ال١٥  هذا حقك   خليهن
سجل ٢٥  بمكان ال١٥  هذا بخشيش الهذا الولد لان هو الي راح ياخذ الوصل البسام  خليهن

بعلب  وجهزهن  من رخصتك
الصايغ فرح  خوش بيعه  يعني راح يحصل  ١٠٠ مليون
من بسام 
خلاهن بعلب   وصلناها اني ونجلاء   للباب
وطلعنا من المحل
طلع ويانه الولد الي يشتغل عدهم اخذ الفاتوره البسام
واحنا اجرنا تكسي وكبل للبيت