خيانه لاتغتفر
البارت الثاني عشر والاخيرررررر
جمانه السعيدي
نازك...هسه يله ارتاح كلبي هاج هذا الذهب والفلوس خليهن عندج الباجر
نجلاء...وبعدين شراح تسووين
نازك...باجر ارفع علي قضية طلاك
رجعت البيت اهلي وبقيت منتضرتهم يجمعون
لازم اهلي يعرفون كلشي صار وياي حتى يساعدوني
نازك...تعالو عندي كلام مهم وياكم اريد احجي
اجمعو اهلي كلهم ماما وبابا وحمودي واختي الزغيره
نازك...اني اريد اطلك من بسام
امي...الله يستر ليش ماما
نازك....بسام ازوج مريم صديقتي واني بعد مااريد اكمل ويااا
بابا...مريم
امي....شكد حقيره مالكت غير بسام ولله اني من زمان مامرتاحتله
بابا...زين خل نتفاهم ويااا
نازك...ماكو اي تفاهم
بابا..والقرض تبقين اسددين انتي
نازك....راح ارفع عليه قضية طلاك واذكر القرض وياهن
بس احتاج شهود
بابا...اني وياج واخوج نشهد
نازك...بعد اكو شغله اليوم اني اخذت ذهب والفلوس سجلته على بسام بمكان الذهب الي اخذه مني
بابا....ههههه وكفو
ماما...يااا كل هذا يطلع منج
نازك...بعد ماشاف شي اني اعلمه اله اخلي يكدي بلشوارع
الضاهر هذا مو وجه نعمه
بابا...باجر اني وياج نرفع علي قضية طلاك
ثاني يوم رحت للمصرف اول شي اني عندي مبلغ وأخذت الذهب والفلوس الي عد نجلاء وخليتهن بحسابي
وطلعت للمحكمه رفعت قضيه طلاك وذكرت الذهب الي اخذه مني والقرض
دزوله تبليغ من المحمكه
العصر اجا علينا
بسام...عمي فدوه اروحلك زوجتي واريدها ليش اطلك
بابا...لان خاين وماغزر بيك اي شي
بسام...اطلك مريم نازك مااطلكه زوجتي احبه واريدها
بس خل ترجع الذهب
نازك...لا اني مااريدك
بسام...زين اطلكج موافق بس رجعي الذهب
نازك...كلشي ماارجع واطلكني وانت الممنون
بسام...مااطلك وشتردين اسووين سووي
نازك...اطلك وغصبا ماعليك
رجع بسام دز ناس عليه جمانه السعيدي حتى اقتنع وارجع ويطلك مريم
واني ماقبلت حتى خالتي وعمي وايات اجووو
بس اني مصممه على رائي ماارجع
اله اطلك بعد مااريد بسام
الصايغ بعد عدت مفاوضات اخذ منه ٥٠ مليون والباقي
قسطهن كل شهر ٥ مليون
حتى خمسه مليون هواي على بسام
واني بعد حرب طاحنة بلمحاكم استمرت اتلث اشهر ونص كدرت اطلك واخذ كل حقوقي حتى فلوس الذهب بس القرض ماكدرت اخذ فلوسي منه
لان اني برضاتي سحبته كانت أكبر غلطه سويته بروحي
ادهورت أوضاع بسام بعد مادفع للصايغ فلوسه
واني اخذت منه الحاضر والغايب
والمحامي الي وكله هم اخذ منه مبلغ محترم
كام مايكدر يجيب بضاعه للمحل لان ماعنده فلوس
جاب مريم تعيش بيت اهله حتى لا يدفع ايجار
كانت خالتي وعمي وحتى ايات كارهين وجودها بلبيت
وكل يوم مشكله
وبسام مقصر وياها بلفلوس لان مايشتغل مثل قبل
عافته وراحت كعدت بيت اهله
امه حيل مريضه مو مثل قبل والجناين شادات حيلهن عليه
لان هي السان وتتعارك وياهن
بس ماطلبت الطلاك من بسام كانت تطالب يكون عدها بيت وحدها
ومنتضره بسام يخليله بيت تسكن بي
وهنا اجا اخر انتقام من مريم لازم اخذ حقي منه
دزيت عليه شخص انطيته رقمها حتى يتواصل وياها
بحجة شايفه يم بسام بلشغل وعاجبته ويريد يزوجه وراح يدفع المهر الي تريده لان اني اعرفه تحب الفلوس
بقه اكثر من شهر يتواصل وياها
كانت ماخذه راحته على الآخر لان هي كاعده بيت اهله
زعلانه من بسام
كلام غرام وحب واني انطيته كم فلس حتى يدلعه اكثر
واكثر هذا الولد صعدها السابع سما بلكلام الحلو والغزل
حسسه مايكدر يستغني عنه ابد
الحد ماطلبت الطلاك من بسام
وهو كانه ماصدك يريد بس يخلص منه يعتبره فكر علي
لان خسر كلشي بسببه
هنا الولد سحب نفسه ودز كل المحادثات البسام حسب الاتفاق بيني وبينه
بسام شافهن وتخبل عليه
اخذهن ورفع عليه قضيه بلمحمكه
بسبب هاي المحادثات الغراميه وشغلات خليعه بينهم
كدر بسام يطلكه ويخلص منه
وكلشي ماحصلت منه
رجعت مريم حافيه وكلشي ماتملك اخوانه مانعينه من الطلعه لان اطلكت مرتين
حسره عليه الفلس من غير الغلط عليه من اخوانه
لان فشلهم بلمحكمه كدام الناس من بسام عرض المحادثات
بينه وبين هذا الولد جمانه السعيدي
لحد يكول ليش سويتي بيه هيج
هي لو انسانه شريفه ماتصادق واحد برأس زوجه جان انتضرت تطلك وبعدين تحب بكيفه
الولد ماضحك عليه هي كانت طماعه
كانت تكدر تصده وتبتعد عنه
اما بسام رجع مايملك اي شي غير محل زغير وبي بضاعه ماتسوه ابد بعد مادفع فلوس الذهب والحاضر والغايب
حتى اهله علاقته بيهم موزينه
بسبب تصرفاته
اطلكت سنة ٢٠١٧ ورجعت الحياتية الطبيعيه
كدرت استرد عافيني بعد كلشي مريت بي وصرت أقوى من قبل الف مره مابطلت طيبتي وياا الناس بس هلمره اتصرف بحذر
راح ابقه طيبه وياا الطيبين
وحذره وياا الشياطين
سنه ٢٠١٩ نجلاء سوت عيد ميلاد ابنه وعزمتنا كلنا الحفله كانت بنادي اليرموك
اني اشتريت فستان يخبل ورحت للصالون بيومه على فكره الكل يكول صرتي حلوه بعد الطلاك
يمكن لان لكيت نفسي الجانت ضايعه
المهم صديق زوج نجلاء شافني هناك وسئل عني
استاذ جامعي عمرا ٣٥ مامزوج جان عايش بلخارج
كل يوم يدز نجلاء عليه واخذ رقمي وكام يتصل عليه
سئلنا عليه خوش انسان والكل تمدح بأخلاقه
وأهم واحد كان يمدح بأخلاقه زوج نجلاء لان صديقه من زمان
ارتبطنا قبل أزمة كورونا سوينا عرس كلش حلو
شهر العسل خلصنا بلبيت بسبب كورونا
سنه ٢٢ صار عندي حمل هلمره عوض رب العالمين
حسيت العوض هلمره حلو ورب العالمين ماناسيني
٢٣ صار عندي ولد سميته علي
الف الحمد لله والشكر الله عوضني برجال يسوه الدنيا كله
وابني فرحت عمري
الطيبه ليست غباء الطيبه حسن ترببه
دمتم سالمين احبتي
أنت تقرأ
خيانة لا تغتفر
General Fictionاني نازك يدلعوني نونه مواليد ٩٠ اني حنطاوبه ملامحي حلوه شعري كيرلي النص ضهري
