votes 87
;
comments 115
+ + + + + + +
12:00;pm
صحى عزوز وهو يمسك راسه من الصداع وقال : يلا عاد
قم اليوم مهم !
قام بسرعه وتروش ولف المنشفه حول خصره وركض لغرفه ايلان وفتح الباب : ايلان!
فزت ايلان بعد ماكانت تحط ميكب : بسم الله شفيك ؟ قلنا بيطلع راشد اليوم بس شفيك متحمس لذي الدرجه؟!
قلب عزوز عينه وقال : ياشيخه خله يسري مو عشان راشد ابغا تيشيرت الي بدون اكمام وينه؟
فتحت ايلان دالوبها وعطته وقالت : غريبه صاحي مبكر وش عندك؟
اخذ عزوز التيشرت وتنح وقال : اليوم يوم مصيري اهم يوم في حياتي !
همهمت ايلان واخذت عطر ورشت عزوز وقالت : حلو
بدا عزوز يكح بعد مادخل بفمه وعينه :وجع بغيتي تموتيني
ضحكت ايلان وقالت : رح رح تجهز ليومك المصيري
طلع عزوز بسرعه لغرفته ولبس التيشيرت وجينز ولبس كاب اسود وقال وهو يطالع عضلاته بالمرايه : وربي طلعت تدريبات عز بفايده
جلس يدور بالغرفه بعدها مسك جواله وقال : وش اقوله ؟؟
جلس فتره يفكر قبل مايجيه اتصال من ريان ، فز وقال
: يلعن ام الصدفه !
رد وقال : ه.هلا ريان
:هلا عزوز فاضي اليوم؟
:يب فاضي تجي عندي ؟
:تمام بس يمكن اجيك الليل
: تمام مو مشكله
:يلا قبل مايذبحني ابوي تاخرت
ضحك عزوز وقال : سلم لي عليه ياحبيله
:ابشر ابشر يلا معسلامه
سكر عزوز وقال بحزم : بصرف نفسي لين يجي الليل
فتحت ايلان الباب بقوه وقالت وهي الدمعه بعينها : عزوز ودني سحبو علي !
قال عزوز وهو يحاول يكتم الضحكه :" لاتضحكك ولا بتنفجر بكاء ووش يسكتها "
:اقعدي بيجون بعد شوي عشان اليوم عزيمه راشد
فزت وقالت : اي صحح لازم اجهز
ركضت بسرعه للمطبخ وهي تجهز مع الخدامات ، اما عزوز الي قرر انه يروح النادي يفرغ طاقته لانه يحس بتوتر فضيع
أنت تقرأ
مُحَقْق
Romanceإِنِّي رأيتُ مِنَ العيونِ عجائباً وأراكِ أعجب من رأيتُ عيونا ما كُنتُ أحسبُ أَنْ طَرْفاً ناعِساً قد يُورِثُ العقل السليم جُنونا بدائت: 2023-11-14
