votes 88
;
comments 115
+++++++
6:00 صباحاً
صحى مشاري و وحس بنشاط وقال باستغراب
: غريبه صاحي بنشاط ؟
تمدد وابتسم وقال : على ذا المزاج يبغالها قهوه اوفف
قام بسرعه وتروش ومشط شعره وحدد دقنه وشنبه وطالع نفسه وقال : احدد وش من يوم طلع لي وهو نفسه
ضحك وطلع من الحمام ولبس بدلته وتعطر ونزل بسرعه وطالع المطبخ وقال باستعجال : مافي وقت بفطر برا
وبالفعل اخذ شنتطه وكان بيطلع قبل مايشوف المطر وقال : الله يا ماشاءالله وش ذي الاجواء الحلوهه
رجع واخذ مضلته وفتحها وتوجه لسيارته وركبها وحط شنتطه والمضله على جنب وفتح جواله ودق على محمد
: هلا ميشوو
:ارحبب
:ها شعندك داق
: قابلني في مقهى ..
: الله ماشاء الله عليك مروق
: مرهه! مين مايروق على ذي الاجواء
ضحك محمد وقال : يلا اجل جاي
سكر مشاري وتوجه للمقهى المفضل عنده وشبه يوميا ياخذ منه قهوته ، وصل واخذ مضلته بسرعه ونزل
دخل وتوجه لطاولته الي دايم يجلس عليها ومامرت دقايق الا محمد
داخل : هلا والله
صافحه مشاري وقال : اهلينن اجلس
جلسو وطلبو وقال محمد : ها في تقدم بالقضيه
عبس مشاري وقال : مروقين والاجواء حلوه ياخي خلك منها
دبلت كبدي
ضحك محمد وقال : اذا كذا اجل شبكني مع واحد عندكم بالشركه
شرب مشاري من العصير وطالعه وقال : تبغى تعال الشركه معي غير كذا مافيه
همهم محمد وقال : فكره حلوه اليوم ماعندي شغل
جلسو يسولفون لفتره قبل مايدخل شخص ويتوجه لطاولتهم، رفع مشاري عينه وتغيرت ملامحه
:مااشتقت لي؟
التفت محمد على المتكلم وماتوقع انه نفس الشخص الي خلى اعز اصدقائه يعيش اسوء ايامه بسببه
قام محمد بغضب ومسك تيشرت احمد وقال: وش جابك ياابن الكلب!!
ضحك احمد وقال : استرجع حبيبي
أنت تقرأ
مُحَقْق
Romanceإِنِّي رأيتُ مِنَ العيونِ عجائباً وأراكِ أعجب من رأيتُ عيونا ما كُنتُ أحسبُ أَنْ طَرْفاً ناعِساً قد يُورِثُ العقل السليم جُنونا بدائت: 2023-11-14
