Statfised (ZSWW Translation Completed)

Chapter 2

သည်​လို​နေ့တွင်​တော့ရိ​ပေါ်သည် သူတို့နိုင်ငံရှိအ​ကောင်းဆုံး​သော ​ဆေးရုံတစ်ခုတွင် က​လေး၏ကျန်းမာ​ရေးနှင့်သူ၏ခန္ဓာကိုယ်အတွက်စစ်​ဆေးရန်ချိန်းဆိုထားချက်ရှိ​နေ​ပေသည်။

အတိအကျကို ​ရှောင်းကျန့်က သူ့​နောက်လိုက်လာဖို့ရန်အတွက် ရိုက်ကူး​ရေးမှအ​ဆောတလျင်ထွက်လာ​ပေသည်။ ထိုသို့ သဲသဲလှူပ်ဂရုစိုက်ခံရဖို့ရန် သူမ​မျှော်လင့်ထားပါ​ပေ။ သူကသူ့အလုပ်သူလုပ်ချင်ရုံသာ။ သို့​သော် ကိုယ်ဝန်​​ဆောင်ချိန်အတွင်း ​ရှောင်းကျန့်က အချိန်​တော်​​တော်များများကို သူနဲ့အတူရှိရန်ကြိုးပမ်း​နေသည်ကိုသူလည်းသိပါ၏။ သူက​နေသားမကျရုံသာ။

   တစ်ခြားသူများ ​ရှောင်းကျန့်ကို သိပ်အာရုံမစိုက်မိစေရန် သူတို့သည်ကားကိုသီးခြားသုံးပြီး မြေအောက်ကားပါကင်မှာပဲဆုံဖို့လုပ်လိုက်ကြသည်။

ဤဆေးရုံသည် ​နောက်ခံမြင့်မားသောလူနာများစွာကို ဂရုစိုက်ပေးခဲ့ပြီးဖြစ်ကာ ၎င်းတို့၏လိုအပ်ချက်များကို ကိုင်တွယ်ဖြေရှင်းရန်လည်း ကောင်းမွန်စွာပြင်ဆင်ထားခဲ့​​ပေသည်။

ကံ​ကောင်းစွာပဲ ရိ​​ပေါ်မှာဆရာဝန်နှင့်​တွေ့ဆုံ​ဆွေး​​နွေးချိန်၊စစ်​ဆေးချိန်တို့ကိုအကြာကြီးမလုပ်ခဲ့ရ​ပေ။ သူအခုမှစိတ်သက်သာရာရသွား​တော့သည်။

သူတို့​​ဆေးရုံမြေ​အောက်ကားပါကင်သိ့အတူလမ်း​လျှောက်လာကြစဥ်​ရှောင်းကျန့်က​ပြောလာ​လေသည်။

“ကိုယ် ရိုက်ကူး​ရေးကိုပြန်သွား​​​စရာမလိုတော့ဘူး, ကိုယ််မင်းနဲ့ အိမ်ကိုပြန်မယ်"

ထိုသို့​​ပြောပြီး​နောက် ​ရှောင်းကျန့်ကသူ့ဖုန်းကိုတစ်ချက်စစ်လိုက်​သေးသည်။

“အင်း,”

ရိ​ပေါ်က ​ခေါင်းညိတ်ပြ​လေသည်။ သူအနည်းငယ်မျှအားနည်း​နေပြီးပင်လည်းပင်ပန်း​နေခဲ့သည်။

“လာ၊သွားကြရ​အောင်”

ရှောင်းကျန့်ကရိ​ပေါ်ရဲ့လက်ဖဝါး​လေး​တွေအသာ​ထွေးဆုပ်လို့ သူ့ရဲ့ရနံ့ကိုထုတ်လွှတ်​ပေးကာ သက်​တောင့်သက်သာဖြစ်​စေလိုက်ပါသည်။