بسم الله الرحمن الرحيم
لاتنسو خلو نجمه هذا يشجعني أكثر⭐
الروايه تتكلم عن ثلاث بطلات
(غرام_الجود_موضي)
و ثلاث ابطال
(متعب_عوض_مازن)
القصه واقعيه..
ثلاث بنات عايشات كل عمرهن مع بعض نفس العمر نفس المدينه و نفس المدرسه و نفس الصف و هذا الي خلا علاقتهم تقوى اكثر و اكثر و هم بنات عم كبرو و عاشو مع بعض...
في ذاك اليوم ..
ابو غرام:يلا يا أم غرام جهزو اغراضكم و كل قشكم و بنروح لديره نقضي اجازتنا الصيفيه هناك و مره وحده اشتروا اغراض لعرس ولد اخوي..
ام غرام: إن شاء الله يابو غرام بس منو ذا الي بيعرس ما وصلنا خبر..ما يهم يلا غرام قولي لخوانك يجهزو قشهم..
غرام: بابا مابي اروح مابي ماشي نت ولا مولات كيف بعيش هناك مابي بابا..
ابو غرام:بلا دلع زايد يلا قومي و انا بخذ لك رصيد وش كثره و اشتري الي تبيه من المولات و اي شي تحتاجيه اشتريه لا تخلي شي في خاطرك..(هي البنت الوحيده بين اخوانها و هي الصغيره)
غرام:اذا كذا طيب انا موافقه..(سكتت شوي)..طيب بابا عماني بيروحو معنا بروح اقول لموضي و الجود و نروح المول نشتري احتياجاتنا..
ابو غرام:طيب بابا يلا روحي و انا بقول لسواق يمرهم .
ام غرام:ي بنتي غراام يلا قومي سرعي لمي قشك و قولي لإخوانك يلا ي بنيتي..
غرام:طيب ماما.
_______________
راحت غرام تقول لاخوانها دخلت غرفه اخوها عبدالله و شافته نايم..
غرام:عبودي يلا قوم بنروح الديره يلااا قوم قووومم
عبدالله:غرامووه قومي من فوقي ..آه ظهري قوميي
غرام:يلا قوم طيب.
عبدالله:(قام من نومه و يمسح على عينه)اوف منك يا غرامي شذي الصدعه
غرام:احبك عبودي يلا قوم سرع سرع..
(قام عبدالله و راح يتسبح و يغير لبسه و غرام طلعت من الغرفه و راحت لغرفه اخوها مازن)
________________________
غرام:مزوني يلا قوم بنروح الديره
مازن:غرامي طفي اللمبه و سكري الباب ارجووكك؛
غرام:طيب على شاني يلا قوم إلبس و جهز ملابسك.
مازن:طيب غراام (وهو مستحي) بتجي الجود.
غرام:ههههه كشفتك يابو شنب تحبها ..تحبها اكيد هههه يلا قوم تراها بتجي معنا😉(عطيته غمزه)
مازن:اااااااا غرامم طلعي خلاص تو بجيكم..
غرام:هههه ايوا كذا ابيك بس على شان الجود مالت عليك.
(طلعت من الغرفه و راحت تلم قشها و اتصلت على موضي و الجود يخططون يروحوا المول و يشترو فساتين للعرس)
مر الوقت....
طلعت غرام مع الجود و موضي و خذو أغراضهم و كل احتياجاتهم
__________________________
و رجعو للبيت و كل وحده رجعت لبيتها تجهز اغراضها و هم متحمسين مرره بس ما يحبو الديره هم متحمسين لأنهم بيكونو مع بعض ولا هم ما جوهم الديره و اهلها...
ابو غرام:يااا عبدالله روح شوف امك و غرام يلا خلهم يسرعو ماشي وقت لازم بعد شوي نتحرك و نتجه لديره مع اعمامك الباقين..
عبدالله:طيب يلا......(بعد فتره)يماا غرامم يلا اسرعو ابوي ينتظركم ماشي وقت و الاغراض حملوهن في سيارتي..
غرام:عبوديي طيب بسير معك في سيارتك قول لي بابا..
ام غرام:ما عليك انتي روحي انا بخبر ابوك..
عبدالله: يلا طيب حتى مازن بيروح معنا..
غرام:حماااس...طيب ماما عادي نمر على الجود و موضي بخذهم معي عادي عبودي..
ام غرام:طيب ي بنتي.
عبدالله:اي تمام يلا..
ركبت ام غرام مع ابو غرام و راحو و غرام و مازن و عبدالله في سياره عبدالله و بعد فتره وصلو ل موضي و الجود و خذوهم معهم...
غرام:عبودي شغل اغنيه عبدالمجيد..
عبدالله شغل اغنيه (تتنفسك دنياي)
غرام و الجود و موضي يغنون و مازن معهم و الكل كان مبسوط وكل واحد يعبر عن مشاعره في هذي الاغنيه فجأه عبود(قررت ادلعه) بند الاغنيه و كانو هم مندمجين فيها و كملو غنى و سكتو لما جاتهم لحظة إدراك أن الاغنيه طفت و عبدالله ضحك عليهم و جلسو يضحكو و شغلها مره ثانيه و كان مازن هو الي يغني بس
يقول:
مو بس أحبك أنا تتنَـفسك دنـيـاي
وإتخَيّل إني وصلت المرحلة في الروح
خجلان من طيفك اللي متـعبـه ويّاي
من زود ما إنت على بالي تجي وتروح
و هو متعمق في مشاعر هذي الاغنيه و الكل قام يصفق له و يمدحو صوته العذب و هو يغني
عبدالله:والله ما توقعت صوتك لهدرجه حلو
مازن:افا عليك وانا اخوك
غرام:اي والله حلو ...(غمزت😉)بس من تقصد!!(هي كانت عارفه من يقصد بس حبت تحرجه)
مازن:الجود....
الكل في مرحله صمت و صدمه واولهم الجود الي ما توقعت إجابته وأنه يبادلها نفس الشعور و ان ما كان الحب من طرف واحد كان من الطرفين و استحت..
عبدالله:اوفف انت مره جريء ما توقعت منك ياذا الرجاجيل.
غرام:يوووه جبت أم العيد مَزونيي(مازن)..
لاحضت غرام استحاء الجود و ابتسمت
و موضي كعادتها كانت متوقعه و لا جاتها اي صدمه بس اتسقبلتهم ب ابتسامه
وصلو لديره بعد خمس ساعات في السياره
نزلوا كل الي في السياره و دخلو بيت الجد و سلمو على الكل...
و راحو البنات (غرام و موضي و الجود)إلى غرفتهم و دخلو ..و دخلو أغراضهم..
اتمنى عجبكم البارت اسفه ادري أنه مره قصير بس تو أمر في وقت اختبارات و ضغوطات ف اذا تأخرت عذروني و السموحه💗🎀...
عطوني افكار اكتبها البارت الي بعده يمكن استفيد أو أخذ فكره من تعليقاتكم
أنت تقرأ
_خَبِّروهِ إِني عَلى وَصْلَهْ حَيِيتَ_
Fiksi Remajaتتحدث الروايه عن بنات و الاولاد الثلاثي المرح اسماء الشخصيات المهمه جداا: غــرام الجــود مــوضي متعب عوض مازن الباقين بتتعرفو عليهم في الروايه غرام و موضي و الجود بنات عم متعب و عوض و مازن نفس العمر و نفس اليوم بس امهات و اباء مختلفين و هم ولاد عم...
