2012 "
ب احد اليالي البارده
عائله عراقيه بسيطه..
....
كعدت من النوم ع الهوى القوي وهوه يدفع الشجره تنضرب بشباك. غرفتي
كعدت بتنحس وبعيون حمره
بديت اتلفت بلغرفه وماجان بلغرفه غيري
كمت ع حيلي طكيت اصابيع ايديه وتثاوبت بتعب
توجهت لباب الغرفه وفتحتها ونزلت واني اسمع صوت جدي يسولف بلصاله
اخذني الفضول ثبتت بمكاني اسمع الهم
- بويه هذا بيتك مثل ماهوه بيت لبنتي
بقيت اركز بكلام جدو وهوه يسولف وي ابويه
نزيت من سمعت صوت خالتي وراي
:- صباح الخير
التفتت بسرعه واني مرتعبه
:- اسم الله امي شبيج
:- صباح النور خاله
:- شوكت كعدتي
:- هسه قبل شويه
تقدمت لناحيتي ومدت ايدهاا وردفت
ايات :- تعالي نتريك سوه
ابتسمت وايدها جرت ايدي بحنيه ونزلنه
علي :- عمي ولله اني ...
فاطمه :- علي
التفتت امي لاابويه وعضتله شفتها بمعنى "اسكت"
التفتلي بابا وباوعلي وهوه ساكت
مرت لحظه صمت ومبين على عيون ابويه القهر
فاطمه :- تعالي يماما
وكفت يم امي ونزلت لمستواي وباست راسي وردفت ب هذيج الابتسامه الحنينه
فاطمه :- شبعيتي نوم؟
هزيت راسي "اي"
مدت ايدها الي وردفت
فاطمه :- تعالي نتريك وي بيبي
شالتني واني اباوع مستغربه لابويه وجدو شلون سكتو بس نزلت
نزلتني امي يم بيبيتي وهيه لازمه ضهرها
فاطمه :- يالله.. اكعدي هنا هسه اجي
باستي براسي وراحت وكفت يم خاله جيهان يخدرون الچاي ويضحكن ويتشاقن سوه
بيبي :- ريم تعاايي جيبيلي مي
بيبي :-. وين هاي المصكوعه ماتسمعني
ريم :- هاا بيبي
بيبي :- وين اصيحلج ماتجين انطيني ماي
هزت راسها وشالت كلاص ووكفت يم بطل المي صافنه عليه
اول ماحاولت تلمسه
اجت خالتي ايات تردف مستعجله
ايات :- اني اصب لبيبي روحي تركيني
بيبي :- روحي لشغلج يمه هيه تناوشني المي
ايات :- لا يمه اني ادري بنيتي ايديها ضعيفه هسه تبدي المي
بيبي :- وشبيها حته تبدي المي صغيره هيه
خالتي ايات ضحكت وبقت تصب مي لبيبي
سحبت ريم من ايدها وكعدتها بصفي
اباوع الها وهيه تخنزر
نانيس :- شبيج
ريم :- اسكتي عنيي
اجت امي وكعدت تصب الچاي وهيه تردف بأبتسامه
فاطمه :- ها هم راح تتعاركن
ريم :- لا
فاطمه:- امم
باوعت النا ب ابتسامه وسكتت
أنت تقرأ
نانيس ٢٠١٣
Romanceوَهل يُعقل؟ وروداً مثلُنا تَذبُل وَنَحْنُ القوة وَالخطرِ صِعابٌ عندُنا تَسهلُ عقولاً تُرجف الموتَ قلوباً تَنبــضُ عشقاً هُنا القوةَ والحُبَ قتلنا من يُقاتلنا وقُتلنا بعدها حُباً ..
