نركع وجهي بطرف الباب و
خالي عباس وسع عيونه على منظري
لزم كاظم من ياخته وصاح بوجهه
عباس :- ولككك كوا""ددد امناها بيييد تحفظ
الامانه مو بيد عار مثلكك
طلعت خالتي ع صوت خالي وهوه يصيح
طلع خالي محمد وصاح بيهن
محمد :- اخذن الطفله وطبننن
رفعت راسي واحس النفس راح ينكطع
عني واني اشوف فقار وايهاب يراقبون
بصدمه من السطح
" إيهاب "
لزمت ايده حيل وعصرتها
إيهاب :- اهدء .. لتروح
سحب ايده مني وخزرني
فقار :- لو جانت اختك ماجان راح تبقه واكف
سحب نفسه ونزل
رجعت عيوني على عمها وهوه كاعد يتعارك
-
"نانيس"
طبيت يم خالاتي واني اباوعلهن محاوطاتني من كل جهه
واحس راسي يون واحس نفسي راح اطيح
التفتت بلوجوه المن اباوع
شهكت خالتي وردفت
ايات :- لجج يمهه منو مسوي هييج ب اذانج وليش طاكه دم
مديت ايدي ع اذاني واني اباوع لايدي من كميه الدم
موسعه عيوني واني اباوع لحالي
شصار بيج يانانيس شوصلج لهنا ..
رفعت راسي وبديت احجيلهن بنبره مبحوحه وعيوني تباوع للكاع
شهكت خالتي ودكت صدرها بقوه
جيهان :- الله لا يطيك ياكاظم كسرر ب ايدك كوون كسر
باوعتلي خالتي آمال وردفت
آمال:- تعالي يماما
مدتلي ايدها واخذتني تغسل وجهي منن اثار الجروح وانتبهت لركبتي واثر الجكاره
وسعت عيونها بصدمه
آمال :- هاي من شوكت صااير هيج بيج؟؟
بقيت ساكته ومدنكه راسي
نزلت لمستواي وردفت
آمال :- ولج احجيلي يمه
بديت امسح دموعي بيديه واني بلكوه لازمه اعصابي
حضنتني وجان حضنها كله دفو وحنيه وريحه طيبه
بديت اشهك وراسي ع كتفها ودموعي تنزل على متنها
حضنتني بقوتها وهيه ساكته وتسمعني اردف
نانيس :- خالهه دمرونيي ياخالهه تدمرتتت
خالهه مشتاقه اعيش ويه اهلي ياخاله بقيتت تايهه من بعدهم
آمال:- اششش ياروح خالتج لتهدين حيلي ابوس عيونج لتهدين حيلي عيونج عيون فاطمه وماريد عيون فاطمه تبجي
-
" إيهاب "
احمد:- ابو اسد وحق هوه علي البنيه من يوم طبت بيتي واني حاطها بعيوني ، واعتذرلك وخجلان منك على تصرف كاظم
عباس :- ابو رضا حبيبي انتَ على العين والراس بس الطفله بعد متوصل يمكم .. تردون تشوفوها تعال والبيت الك والشارع الي بس الطفله متوصل بعد الكم
الطفله تدرون بيها امانه بقت يمنه هاي ماعليها عين تحرسها بعد اهلها غير عين ربها وحظره اخوك
أنت تقرأ
نانيس ٢٠١٣
Romanceوَهل يُعقل؟ وروداً مثلُنا تَذبُل وَنَحْنُ القوة وَالخطرِ صِعابٌ عندُنا تَسهلُ عقولاً تُرجف الموتَ قلوباً تَنبــضُ عشقاً هُنا القوةَ والحُبَ قتلنا من يُقاتلنا وقُتلنا بعدها حُباً ..
