طلع من الظلمه وهوه منزل راسه ويلف ب إيديه
رفع راسه وباوعلي بخزره
إيهاب:- شعدج كاعده تتبكبكين
نانيس :- اتبكبك علييك؟ شعدك هناا!
إيهاب:- ماكاعد بيت الخلفوج
وسعت عيوني ع صلافته
نزلت راسي واني مقهوره من كلمته
حَس بروحه وسكت
تقدم لناحيتي وكعد بصفي يلف ب ايديه
ردف وهوه يلف بيديه
إيهاب:- ليش كاعده
بقيت ساكته
جريت نفس وردفت بتنتر
نانيس:- مو نعسانه
هز راسه وردف
ايهاب :- امم
بدت عيوني تغوش وودي ابچي واني منزله راسي للكاع
إيهاب :- شبيچ؟
هوه بس كال هيج واني دموعي بدت تنزل ع خدي مثل الجمر
ردفت بصوت مخنوك والدموع بعيني
نانيس :- اهلي..
ضل يباوعلي واني منزله راسي بكسره
نانيس :- احسه الحلم .. مامعقوله يعوفوني بيوم وليله
اني ماكدر اخطو خطوه صحيحه بدون سندهم شلون راح امشي بدربي
صفن عليه لشويه وردف وهوه يباوع لايديه
ايهاب :- طريقج ترابي لو تبليط
باعتله بتنتر وكرصته والدموع بعيني
ايهاب :- خلص اسف اسف
شهكت بقهر واني اباوع للكاع
شال راسي بثنين ايديه وباوع بعيوني
ايهاب :- ادري المريتي بي مو هين بس مو بيدج ولا بيدي هذا الشي، كلمن ويومه
همه مارايحين لشخص عادي حتى تخافين عليهم راحو للاحسن مني ومنج
ضليت صافنه ع كلامه من ردف
إيهاب :- هسه كومي غسلي وجهج صاير جنه حْره
نانيس :- وسمم
ايهاب:- وطحال يطحلج
نانيس:- شنو يطحلج
ايهاب :- مادري
نانيس:- چا شكو تمسلت
ايهاب:- امشي انطمري
نانيس :- ما امشي ب امرك!!
ضل ساكت ورفع راسه للسما
ندمجت بلحچي ويا وماحس الا ورفع راسي حييل للسما
نانيس :- راسيي وسمم شبيك
ايهاب :- مالحكتي تشوفين النيزك
نانيس:- ليش مر نيزك؟
هز راسه "اي"
نانيس:- اتمنى امنيه بسرعه
باوعلي وطلع جكاره حطها بحلكه وردف
ايهاب:- اتمنى تعيشين حياه سعيده
ابتسمت بوجهه وسكتت
نانيس:- ابوك يدري تدخن؟
ايهاب:- اشك حلكج اذا حچيتي
باوعتله صفح وابتسمت بخبث
ايهاب:- هاا!
نانيس:- سرك بتانكي
ايهاب :- خوش .. كومي نخمدي من نخمدت عليج سليمه
نانيس:- هسه ليش تلح شعدك بايك بوكه
باوعلي ورجع يدخن
ايهاب:- طبچ مطي
أنت تقرأ
نانيس ٢٠١٣
Romanceوَهل يُعقل؟ وروداً مثلُنا تَذبُل وَنَحْنُ القوة وَالخطرِ صِعابٌ عندُنا تَسهلُ عقولاً تُرجف الموتَ قلوباً تَنبــضُ عشقاً هُنا القوةَ والحُبَ قتلنا من يُقاتلنا وقُتلنا بعدها حُباً ..
