Lord Phoenix's Ethereal Terra

Part - 1

သက္ကရာဇ်အားဖြင့်ရာစုပိုင်းသာရှိသောကာလအပိုင်းအခြားတွင်ဖြစ်သည် ။ ထိုအချိန်က
သက်ဦးစံပိုင်ဘုရင်စနစ်ဖြင့်မဟုတ်ဘဲလူမျိုးစုများခွဲကာအုပ်ချုပ်လျက်ရှိသည်။
လူမျိုးစုတစ်ခုချင်းစီ၏အကြီးအကဲတိုင်းမှာမတူညီတဲ့စွမ်းအင် တစ်ခုဆီရှိကြပြီး ဆက်ခံသူ
သားယောက်ျားလေးတစ်ပါးတည်းကသာထိုစွမ်းအင်ကိုလက်ဆင့်ကမ်းဆက်ခံကြသည် ။
နှောင်းပိုင်းတွင်တော့
Wind ( လေဓာတ် ) | Hydro ( ရေဓာတ် ) | Pyro ( မီးဓာတ် ) | Geo ( မြေဓာတ် )စွမ်းအင်ကြီးလေးပါးတွင် Pyro ( မီးဓာတ် )နှင့် Geo ( မြေဓာတ် )ကပေါင်းစည်းကာ Geo ( မြေဓာတ် )၏မျိုးနွယ်စုခေါင်းဆောင်ဂေဘရီယယ်လက်အောက်တွင်သာစုပေါင်းခဲ့ကြသည်။ ထိုအချိန်မှစ၍အင်ပါယာတစ်ခုတည်ထောင်ကာအရာအားလုံးကအစီစဥ်တကျအေးချမ်းလျက်ရှိသည် ။ မျိုးနွယ်စုမှသည်အင်ပါယာတစ်ခုဆီသို့ဘုရင်အမည်ခံယူလျက်

" ဒီနေ့ မင်းသားလေးရဲ့ သက်တော် ၁၈၀ပြည့်တဲ့နေ့ပဲ "

" ငါတို့ရဲ့မင်းသားငယ်လေးတောင် ဒီအရွယ်ရောက်လာခဲ့ပြီ "

" ဒီနေ့ကျွန်မရဲ့ဆိုင်ကိုမြန်မြန်ပိတ်မှပဲ မင်းသားငယ်လေးရဲ့ မွေးနေ့ရှိတယ် "

နံနက်ခင်းမြို့တော်၏ရင်ပြင်လည်တွင်စုဝေးနေကြသောလူများကတစ်စုတစ်ဝေးတည်းထိုအကြောင်းကိုသာပြောလျက် ။
မတူညီသောဝတ်စုံများဝတ်ဆင်ထားကြသော်လည်း တူညီနေသည့်အချက်မှာတော့
မြို့သူမြို့သားများ၏ခါးတွင် မြေ ( Geo ) ကိုဖော်ဆောင်သောတံဆိပ်ပြားလေးကချိတ်ဆွဲထားတာပင်ဖြစ်သည် ။

.......

" မင်းသားလေး ပြတင်းပေါက်ကိုတကြည့်ကြည့်နဲ့ဘယ်သူ့ကိုများစောင့်နေတာပါလဲ "

မစ္စဆူးသည်သူမ၏အလွှာခပ်ထူထူဖြင့်ချုပ်ထားသောဂါဝန်စခါကာလူတစ်ရပ်ထက်ပင်ကျော်သောကျွန်းဘီရိုကြီးကိုဖွင့်ရင်းပြောလိုက်လေသည်။

" ရှူအာလာမယ် ရှူအာမလာဘူး
ရှူအာလာမယ် ရှူအာမလာဘူး ရှူအာလာမယ် "
ဂျောင်ဟန်သည်ရှူအာမလာဘူးနှင့်အဆုံးသတ်သွားသောပွင့်ဖက်လေးကို နှစ်ခါခြွေလိုက်ကာလိုချင်သောအဖြေတွင်သာအဆုံးသတ်လိုက်လေသည်။