I'm wait for you { Completed }

6

Unicode....

ရှောင်းကျန့်တို့ ရှီဟွေးရဲ့အိမ်လိပ်စာနေရာကိုရောက်တော့ လမ်းကကျည်းတာမို့ ကားကဝင်လို့မရတာနဲ့ ကားဒါရိုင်ဘာကို ပြန်ခိုင်းလိုက်တယ်။

ဆင်ခြေဖုံးရပ်ကွက်မို့ အဆောက်အအုံတွေကအိုဟောင်းနေပြီးတစ်ချို့ဆို ပျက်စီးနေသည်။

ရှောင်းကျန့် ဝမ်ရိပေါ်ကို စောင်းကြည့်လိုက်မိတယ်။
အထက်တန်းလွှာကသခင်လေးက ဒီလိုနေရာတွေကိုသည်းခံနိုင်ပါ့မလား..

ဝမ်ရိပေါ်ရဲ့မျက်နှာကတော့ပုံမှန်အတိုင်းပေ.. မျက်နှာထားအေးစက်စက်နဲ့ပဲ ရှောင်းကျန့်ကို ဘာလည်းဆိုတယ့်အကြည့်နဲ့ပြန်ကြည့်နေသေးတယ်။

ရှောင်းကျန့်တို့ အဆောက်အအုံလမ်းကြားအတိုင်းဝင်လာတော့ သူတို့ကို ကြိုဖို့စောင့်နေတယ့်ချန်ရှီဟွေးကိုတွေ့လိုက်ရတယ်။

ချန်ရှီဟွေးက အနွေးထည်အဝါရောင်လေးကိုဝတ်ထားပြီး မျက်နှာသေးသေးလေးက ရှောင်းကျန့်တို့ကိုမြင်တာနဲ့ မျက်ဝန်းများမှေးကျတယ့်အထိရယ်ကာ လက်ရမ်းပြသည်။

" လာမှလာပါ့မလားလို့ ကျေးဇူးပဲ ငါ့မွေးနေ့ကိုလာပေးလို့ "

" သူငယ်ချင်းပဲကို လာရမှာပေါ့ "

ချန်ရှီဟွေး ကျောချမ်းလာသလိုခံစားရတာကြောင့် ရှောင်းကျန့်နဲ့ပါလာတယ့်လူကိုသေချာကြည့်လိုက်တော့ သူ့ကို အရင်တခါလိုရေခဲအကြည့်တွေနဲ့ကြည့်နေတယ်။

ဝမ်ရိပေါ်ရဲ့ရေခဲရိုက်အကြည့်က ရှောင်းကျန့်ပုခုံးပေါ်မှာရောက်နေတယ့်သူ့လက်ကိုပင်။

" ဟို ဝမ်ရိပေါ်လည်းရောက်လာတာလား .. ကျေး..ကျေးဇူး လာပေးလို့ "

ချန်ရှီဟွေး သူ့လက်ကိုအမြန်ရုတ်လိုက်ကာ အတင်းလုပ်ပြုံးနဲ့ ရေခဲတောင်ကိုယ်တော်ကြီးကိုနူတ်ဆက်လိုက်တယ်။

ချန်ရှီဟွေး ရောက်လာတယ့်လူနှစ်ယောက်ကို အိုဟောင်းနေတယ့်သူ့တိုက်ခန်းလေးစီကိုခေါ်လာခဲ့တယ်။

" ဖွားဖွား..သားသူငယ်ချင်းတွေကိုခေါ်လာပြီနော်"

"လာလေး ဝင်လာကြ..ဟွေးဟွေးရဲ့သူငယ်ချင်းလေးတွေကအရမ်းချောကြတာပဲကွယ် "