My American Boy

Love at first sight ><

New Yorkမြို့ရဲ့ လမ်းတွေအတိုင်း ဦးတည်ရာမဲ့ သူလျှောက်သွားနေမိသည်။ ရွေ့လျားနေတဲ့ခြေလှမ်းတွေနဲ့အတူ သူ့အတွေးတို့ကလည်း အဆက်မပြတ်။ သို့သော် တစ်နေရာအရောက် သူ့ခြေလှမ်းတွေကို တုံ့ခနဲနှေးသွားစေသည်က နားသို့ တိုးဝင်လာသော လမ်းဘေးသံစုံတီးဝိုင်းမှ သီချင်းသံသဲ့သဲ့။

I'm liking this American Boy, American Boy ♪⁠～

Take me on a trip, I'd like to go some day.
Take me to New York, I'd love to see LA ~ ♫

I really want to ~ come kick it with you.
You'll be my American Boy, American Boy ~♡

ဟုတ်ပါသည်။ အဲတာက Estelleရဲ့ American Boy သီချင်းပါပင်။ အကြောင်းပြချက်ရေ"ရာ" မရှိပါပဲနဲ့ သီချင်းဆုံးသည်အထိ သူရပ်နားထောင်နေမိသည်။

ခဏအကြာတွင် သီချင်းပြီးသွားပြီဖြစ်သည်။ သို့သော်လည်း ယခုထိသူ့နားထဲတွင် တဝဲလည်လည်ဖြစ်နေသေးသည်က "I'M LIKING THIS AMERICAN BOY, AMERICAN BOY" ဟူသော စာသား။ SeungKwan စဉ်းစားနေမိသည်။ ဘယ်အရာကများ သူ့ကို အဲဒီစာသားအား ခေါင်းထဲတွင် စွဲစေတာပါလိမ့်။ ထိုစဉ် အတွေးထဲ၌ဖြတ်ကနဲပေါ်လာသော မျက်နှာချောချောအား လစ်လျူရှုလိုက်၍ မဟုတ်နိုင်ကြောင်း ကိုယ့်ကိုယ်ကိုယ် ပြန်၍သတိပေးလိုက်သည်ပင်။

သူကလား။ သူကလေ? တစ်ခါထဲတွေ့ဖူးတဲ့သူကို ကြိုက်မိခဲ့တယ်ပေါ့။ တစ်ဆက်တည်း ရေရွတ်မိသည်က

" မဖြစ်နိုင်တာတွေ " သူခေါင်းကို အသာရမ်းလိုက်မိသည်။ ဒီတိုင်းသူ့ကို ပြဿနာရှာမသွားလို့ ကျေးဇူးတင်တာပဲနေမှာပါ။ ရင်ခုန်သွားတာ မဖြစ်နိုင်ပါဘူး။ ထိုနေ့မှစ၍အခုထိတိုင် အဲ့ဒီလူက သူ့စိတ်ထဲတွင်နေရာယူထားသည်ကို သိသော်လည်း သူလက်မခံနိုင်သေးပါ။ သူ တစ်ထစ်ချယုံကြည်ထားသည်က Love at first sight ဆိုတာ မဖြစ်နိုင်ဘူးလို့လေ။

ထို့နောက် SeungKwanသည် များများစားစား စဉ်းစားမနေတော့ပါချေ။ ‌ခြေလှမ်းအနည်းငယ်လှမ်း၍ သွားမည်အပြု ရုတ်တရက်သူ့ပေါ်သို့ မိုးစက်များကျလာသည်ကို ခံစားလိုက်ရလေသည်။ ထို့ကြောင့် အရှေ့တည့်တည့်တွင် တွေ့နေရပြီဖြစ်သော Cafe ထဲသို့သာ တုံ့ဆိုင်းခြင်းမရှိဝင်လိုက်သည်။
တကယ်တော့ သူသည်လည်း Caffeine ဓာတ် လိုအပ်နေပြီပင်။