يوم وصلو الديره
ببيت ام فيصل
تم فيصل : يافيصل نزل الاغراض أنت والشغاله
فيصل : سمي سمي يايمه ابشري
يوم خلصو وصلو الديره كلهم
..........................................
عند نايف بالسياره
ريوف : حبيبي بروح انام يومين عند امي
نايف : بتخليني
ريوف وهي تضحك: ياروحي انت ماني مخليتك بس كيفك تبي تجي حياك
نايف : لا ابشري بوديك بس يومين اكثر من يومين ازعل
ريوف باست خده : ما انحرم منك يازوجي العزيز
ضحكو كلهم
يوم وصلو بيت ام فيصل
نزلت ريوف
جا فيصل
فيصل وهو متكي على الباب: وراك أحسك ماتبي ريوف تجي
نايف: يافيصل لا تلومني وربي غرقان بحبها
فيصل وهو يطق نايف : اهجد تراني اخوها
نايف:ياخوي خلاص صارت زوجتي
فيصل بغمزه : تحبها؟؟
نايف: اي والله احبها واغليها
فيصل ؛ تودها
نايف : مو بس ود القلب ميت فيها
فيصل: اهجد فليتها تعال بنروح للمشب ريوف سوت شاهي لنا على كيف كيفك
نايف بضحك : يلا يالعشير ... اقصد يالنسيب😂
بالمشب
نايف ؛ فيصل بقول لك شي بس اوعدني ما تزعل
فيصل وهو يصب الشاهي : امر يانايف قل لاتستحي
نايف : للحين تفكر فيها
فيصل غمض عيونه وفتحها بنفس الوقت : اي
نايف : ما نسيتها مرت٧ سنين للحين
فيصل: يانايف لا تلوم انت مجرب الشعور يوم حبيت اختي ريوف بس تخيل وحده تحبها وحياتك معها يجي واحد وياخذها
نايف: مالوم صبرك يافيصل انت رجال لأنك صبرت
فيصل :الله يقويني
نايف: الله يهون عليك وتلقى احسسسن منها ياحبيبي أنت
طقتهم السوالف الين جت ريوف
ريوف : ماشاءلله زوجي واخوي هنا وانا مدري
فيصل : ارحححبي يا الاميره تعالي طقي سوالف
ريوف: اكيد بجي
فيصل : امي وين
ريوف : امي نامت من تعب السفر وانا وشغاله نظفنا البيت
نايف : عساكم على القوه
ريوف وهي تصب القهوه: الحين صدق يافيصل اختي أجوان جاها عريس
فيصل : اي قالي عبدالله ان خطبها ولد خالتها وقلت له ان كيفها إذا هي تبيه زوجوها
ريوف : وش قالت
فيصل : والله للحين ياخيتي مدري عنهم
نايف : اي صدق أجوان ذي قد خطبها ولد خالي مساعد ورفضت واكيد بترفض ولد خالتها
ريوف: اي خابره سوت مشكله عشان ما تاخذه
فيصل : والله مدري عنهم أنا اخواني من ابوي ماني بكثير أتدخل فيهم
ريوف : أزين ماتسوي ياخوي بلا مشاكل بلا وجع راس صدق
نايف: ازييين لكم وربي لاتدخلون خلوهم
ريوف: يلا أنا بقوم اسوي فراشكم عشان تنامون لان بكرا بروح اقضي
فيصل: تمام
قامت ريوف تسوي فراش فيصل ونايف
اليوم الثاني
ساعه ٢ ظهر
ريوف وهي تطق باب المجلس
ريوف : يافيصل قوم انت ونايف بيجي العصر وانتم نايمين
رجعت مره ثانيه تطق الباب
ريوف : قومو بروح اسلم على ابوي
قام نايف على صوت ريوف
نايف: ادخلي
دخلت ريوف وتشوف الغرفه بارده
ريوف : عرررفت وش مخليكم راقدين
فيصل : قوميني بعد ساعه
ريوف :قم ياخوي لك اكثر من ٨ ساعات راقد من ساعه ٣ الفجر
قامو فيصل ونايف
راحت ريوف المطبخ
دخلت ام فيصل: هلاا وش ذا الفطور الزين عساك على القوه
ابتسمت ريوف: عاد اليوم مروقه قلت ماني مخليه الشغاله تسوي الفطور أنا بسويه
حطت ام فيصل يدها على كتف ريوف : ما ننحرم منك
لفت ريوف وحطت يدها على يد امها: وما ننحرم منك ياحلا ام
طلعت ام فيصل
وبدت ريوف تسوي الفطور لاخوها وزوجها
وخلصت
بالمقلط حق الرياجيل
ريوف وهي تصف الاكل : ياعيال قومو الفطور جهز ... يايمه تعالي الفطور جهز
دخل فيصل
فيصل : يالبيييه من زمان عن ذا الفطور ياريييوف
ريوف : بالعافيه بروح انادي امي وانت ناد نايف
ريوف نادت امها
بعد ما افطرو وخلصو
ريوف: يلا أنا بلبس عباتي وبروح عند ابوي
نايف : يلا بالمره اروح معك اسلم ...........................................................
عند بيت ابو فيصل الثاني
دخلت ريوف
ريوف : شلونك يايبه
ابو فيصل : بخير ياقلبي انتي
ريوف جلست ونزلت طرحتها
ريوف : عساك بخير يايبه علامك ماتجي تسلم علينا ولا تجي امي
ابو فيصل : ادري ياريوف اني مقصر وسامحوني والله وباذن الله بكره بروح وأسلم على امك
ريوف : ماتقصر يايبه
دخل فيصل ونايف
فيصل ونايف سلمو على ابو فيصل
نايف: شلونك ياعم
ابو فيصل : بخير يانايف انت شلونك
نايف : بخير ياعمي
فيصل : شلونك يبه عساك بخير وأمورك تمام
ابو فيصل : بخير يافيصل أنت شلونك
فيصل : بخير يايبه
ريوف : اجل يبه أنا ونايف وفيصل نستاذنك مانبي نطول عليك
ابو فيصل : حياكم الله نشوفكم بيوم ثاني مدامكم مشغولين
مشو كلهم
..........................................................
ببيت ام فيصل
دخلت ريوف ومعها الاغراض
ريوف : تعالي يا روني ساعديني
جت روني
الشغاله روني : ها يامدام
ريوف: روحي أخذي الاغراض مع بابا نايف وبابا فيصل
جت ريوف بتريح من شغل
ريوف : اخخ يالتعب
فيصل دخل
فيصل : اه يالتعب اجل وحنا مو قاعدين نكرف
ريوف : بلاهي مو أنا الي مقضيه ومختاره الاشيا
فيصل : وحنا قاعد نشيل خدامين
ريوف بضحك: احلا خدامين
فيصل رمى المخده عليها
ريوف كملت تضحك على فيصل
..........................................................
انتهى الجز انتظرو الجز السادس
وربي تعبت بس عشانكم
اسفه إذا كان قصييير
