اليوم الثاني
عند العيال
سيف: ياعيال والله طفش قومو نطلع اي مكان لو الابل
فيصل : مالقيت إلا الابل؟
سيف:بلاهي وين تبين نروح البلي فارد حقكم ولا وين حنا بالديره ياخوي
ضحك نايف هو وفيصل
فيصل : اسمه البليفارد ثانيا قدام خ نروح للابل مدامك تبيها
نايف : يلا نروح ع موتري
عند البنات
دخلت هنوف وهي شايله الفطور
هنوف : يمه خالتي الفطور جهز تعالو الصاله
ام نايف : تسلميين يامي انتي
ام فيصل : اي والله تسلمين ياقلب امها
هنوف راحت تنادي البنات
هنوف فتحت الغرفه
هنوف : بنات قومو الفطور بصاله
لمى : طيب طيب جاين
الظهر
عند نوف ونادر
دخل نادر ولقى نوف
نوف كانت ماسكه جوالها ومطنشها نادر
نادر : سلام عليكم
نوف ماردت عليها ومطنشته
نادر : سلامات ماتردين السلام ؟
نوف وهي معصبه : اسأل نفسك ؟؟... لنا شهر كامل بالديره ما مليت
نادر : ههه ذا كله عشان جلستنا بالديره؟.. خلاص يومين وبنرجع للرياض
نوف وهي بتنفجر من نادر : ازين لي اروح اجهز الشنط مب مقابله وجهك
نادر استغرب من أسلوب نوف الوقح معه !!
راحت نوف تسوي الشناط
عند هنوف وفيصل ونايف
هنوف راحت لنايف
نايف كان جالس بالغرفه ومتكدر
هنوف : نايف شفيك احسك تعبان
نايف: هلا والله مدري احس نفسي مكتومم ولا اقدر اسوي شي حتى فيصل قالي روح معي للاستراحه عيت
هنوف: بسم الله عليك ياعيني انت اسمع افكر نرجع للرياض
نايف : خلاص بكيفك كلمي فيصل وعمتي وابشري
هنوف : تمام اجل بروح أقولهم
وراحت فعلا هنوف ل امها وفيصل وافقو
اسفه على انه قصير
يمكن اوقف روايه شرايكم ؟
رأيكم يهمني
