احبكم مره وشكرا على دعمكم وباقي اجزاء بسيطه وتخلص الروايه 🌷
__________________________________
اليوم الثاني
كانت ريوف تجهز الملابس بتحطها بالسياره عشان يرجعون للرياض
دخلت عليها فيصل
فيصل : ريوفي للحين ماخلصتي ؟
ريوف وهي منفسه: لا وراي انظف البيت كامل وأخلص
فيصل : خلي نايف يساعدك
ريوف : نايف طالع يسوي سيارته وامي تعبانه
فيصل ؛ خلاص خلي بنات عمي مشرع يجون ويساعدونك
لفت ريوف على اخوها
ريوف : سلامات وانت وش تسوي هنيا والله ما ادق عليهم انت ساعدني وش وراك
فيصل : تبين اسطرك صح!
ريوف : خلك قدها عشان أعطيك كف يصحصح دماغك وغصب بتساعدني
فيصل : تخسين
ريوف: طيب طيب نشوف آخر ليل بالرياض تدق علي تقول ريوف تعالي سولفي معي طفشان
فيصل : خلاص خلاص طيب
نايف بالورشه
العامل : والله ان مكينه السياره خربانه بالمرهه
نايف وهو بيموت من حراره شمس : يابو يمن والله اني مستعجل حاول تضبط المكينه واعطيك حقك
العامل : إذا تبيها اليوم بالكثير6000
نايف وهو مصدوم : سته الاف ويششش
العامل : ذي أسعار المحل تبي تعال ماتبي بكيفك
نايف بعز الشمس : خلاص خلها 4000
العامل : مايجي والله
نايف : 5000 يارجال وخلاص
العامل ؛ خلاص خمسه الاف وثمن ميه
نايف : شكوى الله بسرعه
بعد ما خلص نايف من الورشه
عند نوف
نوف : يلا نادر خلصت
نادر: فيصل وخالد وينهم
نوف: موجودين ينتظرونك تركب السياره
نادر : يلا اجل
مشو نادر ونوف للرياض
____________
عند نايف
دخل نايف على ريوف وكانت ريوف قاعد تبخر ثياب نايف وتحطها بالشنطه
نايف حب راس ريوف
نايف : حبي للحين ما خلصتي
ريوف طالعت بنايف بحب وابتسامه
ريوف: خلاص قربت اخلص ياعيوني انت بس ود الشناط لسياره
__________
مشو كلهم للرياض
عند نوف ونادر
—
نوف : نادر تكفى مر بقاله خذ أشياء لفيصل وخالد ما اكلو شي
نادر : تمام من عيوني
نزلو البقاله
فيصل : يبه باخذ سفن عادي ؟
نادر : خذو الي تبون
خالد : يبه ابي انام بسرعه خن نروح
__________________
بالطريق
نادر جلس يسرع يبي يخوف نوف ويمزح معها
اسرع نادر
نوف : يامبدول هد هد
فجا تجيهم سياره ويسون حادث
_____________
عند فيصل وأم فيصل
دق جوال فيصل وشافه نادر
فيصل : غريبه نادر يدق ؟
ام فيصل : شوف وش فيه
فيصل رد
فيصل : ارحب نادر
المجهول : لوسمحت تعرف صاحب الجوال
فيصل : اي ولد عمي. سلامات وش فيه
المجهول : عظم الله أجرك الرجال توفى هو وولده بس زوجته وولده الثاني بالمستشفى
وقفل الخط
فيصل : لا إلة الله الله ان آلة وان اليه راجعون
ام فيصل : وش بك لا تخوفني يافيصل اختك فيها شي
فيصل وخانقته العبره : نادر سو حادث وعطاك عمره هو وولده
ام فيصل : ان آلة وان اليه راجعون ولده اي واحد لايكون الصغير
فيصل : مادري يايمه مادري بدق على عمي اقوله نروح نصلي عليه بكره
_______
وصلو للرياض فيصل نزل امه للبيت
دق فيصل على نايف
فيصل : نايف الحين تودي ريوف ل بيتنا ضروري
نايف : شفيه؟
فيصل : نادر عطاك عمره بنروح اعلم عمي والله يصبره
نايف : لاحول ولا قوه إلا بالله تمام يلا
__________
بعد ما وصلو بيت ابو نادر
ابو نادر : ارحب يافيصل انت ونايف تفضلو
فيصل : الله يحيك ياعمي بس بقولك حاجه والله يصبّرك
ابو نادر بخوف: وش فيه عسى ماشر
فيصل : ولدك نادر عطاك عمره هو وولده
ابو نادر : ولدي مات !!
__________
انتظروني الجز العاااشر
