لعبة القدر

البارت الاول

عبدالحميد بغضب.. مش هتتجوزها يا ادم ولو اي اللي حصل انا لا يمكن اوافق

ادم بهدوء.. انت بتقول اي ياجدي مش موافق عليها ليه... انا اصلا مش باخد رأيك انا ببلغ بقراري

عبدالحميد بحده.. ولما انت بتبلغني بقرارك جاي تقعد قدامي دلوقتي ليه كنت اتجوزتها وفجأتني بيها كمان

ادم ببرود.. والله لو اضطريت هعمل كده فعلاا

عبدالحميد بضحك.. دا هيبقي اخر يوم في عمرها انت شكلك ناسي انا مين

ادم ببرود.. مش ناسي ومش فاكر ليك حاجه عملتها معايا تخليني حتي اقعد ابلغك بقراري
عن اذنك..

استدار ليرحل ولاكن اوقفه صوت جده الغاضب..
اعمل حسابك تجهز نفسك علشان نروح نطلبها لأخوك

ادم بسخريه.. هي مين دي؟؟؟

وقف عبدالحميد ليتجه له.. روان بنت دياب يا ادم

ادم بجنون.. انت بتقول ايي دي حبيبتي اللي كنت لسه بقولك دلوقتي اني هتجوزها انت واعي انت بتقول اييه

عبدالحميد بثقه.. دي اكتر لحظه كنت فيها في وعيي

اقترب منه ادم وهو يجز اسنانه.. لا انت ولا الدنيا كلها هتقدر تبعدني عن روان انت فاهم

عبدالحميد بحده.. حتي لو قولتلك ان جورنال في خطر

ادم بصدمه.. امي؟؟؟!
♡♡♡♡♡
*في منزل دياب*
دياب بهدوء.. روان جهزي نفسك انهارده الساعه 9 عندنا ضيوف

روان بمرحها المعتاد.. مين يا حج

دياب بجديه.. عبدالحميد الصياد اتصل بيا انهارده وقالي انهم جايين انهارده

روان بفرحه وهي تقف علي الفراش.. يا احلي ابويا في الدنيا انا هروح اجهز بقاا لتخرج من الغرفه ثم تعود مره اخري وهي تقبله من وجنتيه

روان بمرح.. انا رايحه فين انا المفروض هجهز هنا معلش يا حج بقا اثر الفرحه مش اكتر

ليضحك علي جنونها ويتركها ويرحل..

اما عنها فتخرج هاتفها سريعا بفرح وهي تتصل بأدم والتي حاولت تكرارا ولا كن دون فائــده
♡♡♡♡♡
جورنال ببكاء.. حقك عليا يا ادم مضطره اعمل كده والا سالم هيجي ويفضحنا كلنا هنا

ادم بجنون.. واشمعنا انا وهو عاوز مني انا اييه

جورنال ببكاء.. عاوز يدمرك يا ادم عاوز يدمرك ويدمر العيله كلها كنت مضطره اوافق ان باسل يتجوز روان علشان حياتك وحياتنا كلنا...

صُدم ادم بشده ليهتف.. طيب هروح اقابله واتفاوض معاه يمكن عاوز حاجه فلوس بيت ارض يمكن ياخد اي حاجه اي حاجه الا دي

جورنال ببكاء.. وانت فكرك اننا رضينا كده بالساهل اتكلمنا معاه كتير انا وجدك وهو اللي عاوز يعمله يدمرك زي ما دمرت شركته في اخر مناقصه

ادم بصدمه.. تولع الشركه علي المناقصه علي كل حاجه المهم حياتي اللي هو عاوز ياخدها مني
♡♡♡♡♡
باسل بصدمه.. نعم ياجدي انت بتقول اي انا اتجوز ازاي طيب وانا مش بحبها ومش عاوزها

عبدالحميد بحده.. انت هتناقشني في قراري يا باسل

باسل بغضب.. انا اسف يا جدي بس لازم افهم ع الاقل هي مين..

عبدالحميد بثقه.. متقلقش اول ما تعرف هتعجبك ولو شوفتها هتعجبك اوي

باسل بهدوء.. مين؟؟

عبدالحميد بثقه.. رواان دياب

باسل بزهول.. ميين؟؟؟