لعبة القدر

البارت الرابع

روان بصدمه.. معدش ينفع يا ادم
حتي نظرتنا مبقتش مسموح بيها دلوقتي....

ادم بوجع.. بالله عليكي متتخليش عني

روان بصراخ.. انت اللي اتخليت وانت اللي بعدت وكمان انت اللي جاي تقولي متتخليش عني..

مين فينا اللي اتخلي عن مييين؟؟؟

ادم بوجع.. هتعرفي الحقيقه ياروان اكيد في يوم هتعرفيها بس هتندمي علي كل كلمه قولتيها دلوقتي

روان بسخريه.. انت عاوز تجنني...
انت بتعمل فيا مقلب صح.. قولي يا ادم ارجوك قولي اي حاجه الا انك تبعد كده

ادم بوجع والدموع بدأت تغرق وجنتيه.. غصب عني والله اديني يومين يومين بس انا هحل الموضوع وساعتها مش هتكوني لحد غيري ارجوكي يا روان

فرصه واحده...

روان بهدوء.. ماشي يا ادم يومين هما يومين بس وساعتها لو مبررتش اللي بيحصل دا يبقي ساعتها هنعرف انا وانت مين فينا اللي اتخلي عن التاني...
♡♡♡♡♡
في صباح اليوم التالي في قصر الصيااد..

ادم بهدوء.. جدي عاوزك في المكتب..

عبدالحميد بهدوء.. شغل؟

ادم بهدوء.. مش عارف انت هتشوفها ازاي

عبدالحميد بجديه.. تمام...

بعد فتره في المكتب...

عبدالحميد بجديه.. ايوه سامعك

ادم.. باسل مش هيتجوز روان

عبدالحميد بهدوء.. الفرح الاسبوع الجاي وانت مضطر تتقبل دا يا ادم

ادم بغضب.. انا عرفت ان الشركه وحياتنا معرضه للخطر بسبب سالم دا اللي امي قالت عنه...

عبدالحميد بهدوء.. كويس انك عارف..

ادم بغضب.. قولي هو مين قول عنه كل حاجه اسمه واسم ابوه وجده عايش فين شركته فين بيورد اي ويستورد ايي قول كل حاجه

عبدالحميد بهدوء.. هتستفاد ايه؟؟

ادم بغضب.. هموته!!!

عبدالحميد.. مش حل للي احنا فيه ومش بالسهوله دي انك تقول هموته تموته

ادم بغضب.. انت مضطر تقولي وانا هتصرف بس قولي

عبدالحميد بغضب.. تقبل الواقع بقا خلاص روان بقت خطيبة اخوك والفرح الخميس الجاي البنت ابوها موافق واحنا هنا موافقين

ادم بحده.. علي جثتي انها تكون لحد غيري....

جورنال دلفت بسرعه وهي تهتف.. في اي يابابا صوتكم طالع اوي براا

ادم بغضب.. دا اخر كلام عندي روان لو بقت. لحد غيري هيكون اخر يوم في عمرها وعمر اللي هتتجوزه
ليصمت قليلا....

حتي لو كان اخويا...