إبتليت بالنظر اليك فعاقبني الله بعشقك .

البارت الخامس

اريام : بنات ليش خالد اخذ رهف
نوف بخوف : بنات تبغون الصراحه انا
ملاك : وش فيك تكلمي
نوف : انا و رهف رحنا كوخ وكان فيه رجال يلحق رهف
و شافها خالد وراح ضرب الرجال و ..
اريام : نوف كملي بسرعه
نوف : بعدها سحبها معه للسياره
ملاك : طيب ليش خايفه مستحيل يسوي فيها شي
اريام : اي انا اعرفه صح اخوي يعصب بسرعه
لاكن هاذي رهف ما راح يسوي لها شي
نوف : بس ممكن يسوي لها
اريام : لا تشيلين هم ما راح يسوي شي
.
.
عند خالد و رهف
خالد بكسل : المره الثانيه والله ما امشيها فاهمه
رهف بعناد و بكى: لا ماني فاهمه ولا راح افهم
خالد بنرفزه : اي عاجبك الوضع
رهف بعناد : اي عاجبني الوضع ارتحت
خالد عصبية : اذا ما سكتي ما بيحصل خير
رهف : طيب وش نسوي هنا
خالد : ابغا انام شوي
رهف : ليش طيب جايبني معك انا ما ابغا انام
خالد : انا عارف بس كذا بنكد عليش اليوم
رهف : طيب و اذا ما عاندتك ما اكون بنت حمد
خالد : يعني تبغين تنزلين بدون علمي
رهف : اي عندك شي
خالد : طيب سهله بسكر القفل
رهف : عادي
خالد : طيب ممكن تسكتين ابغا انام
رهف : انقلع
خالد سدح المرتبه وكان حاط الشماغ على وجهه
و كان شبه نايم
رهف بنفسها : ليش ما افك القفل و اهرب للبنات
لفت رهف بهدوء شافته نايم
تحركت بشويش عشان تفك القفل من عنده
و فكت القفل و قلتها كانت فرحانه لاكن
للاسف فتحت باب السيارة وكانت
بتنزل لاكن مسكها خالد و سحبها لداخل السياره
وقال
خالد : يعني تعاندين
رهف : اي طفشت من جلستك ذي بس نايم ما تشبع
انت
خالد : الساعه ٥:٣٦ الحين اذا تبغين تنزلين انزلي
لان باقي شوي ويسكرون
رهف : عادي أصلن انا ما احب الخيل
خالد : طيب ليه رحتي
رهف : بكيفي ابغا اغير جو
خالد : يلا يلا انزلي قبل يسكرون
رهف : مالك دخل
نزلت رهف و سكرت الباب بقوه
وخالد كان يضحك عليها وعلى عصبيتها
.
.
عند البنات
قامو وكل وحده كانت تلبس عبايتها
دخلت عليها رهف وقالت
رهف : وين
ملاك : بدري خلاص بنطلع نرجع للمخيم
رهف : أما تكفون نبغا نتمشى وش ذي الطلعه
نوف : عسى ما صار لش شي من خالد
رهف : يخسي
اريام : اقول اهجدي لا يجي ينكد عليش
رهف : دزي انتي واخوك
ملاك : يلا مشينا
طلعو البنات وركبوا السياره
لاكن جاء خالد وأخذ رهف وركبها سيارته وكانت
رهف مقهوره من خالد
و ما كانت تبغى تشوف وجهه
خالد كان يسوق و الكل ساكت
خالد : رهف
رهف : نعم
خالد : نعامه ترفسك انشاء الله
رهف : وش تبي اخلص
خالد : ليش زعلانه
رهف : انت السبب و تسأل
خالد : انا ولا انتي انا شفتك بعيني طالعه من المكان
هذاك و معاك رجال غريب
رهف وهي تناظر فيه : وانا وش اسوي ما كنت اعرف
إن هنا في احد
خالد ب استغراب : وش هاذا الي على وجهك
رهف وهي تلتفت للشباك : جرح بسيط
خالد : من من
رهف : انا طحت من الخيل على وجهي
خالد : تبغين نوقف عند محل او شي
رهف ب هدوء : لا شكراً
خالد : باقي زعلانه
رهف : لا مو زعلانه بس ما ابغا شي
خالد : تمام براحتك
كان خالد يهوجس فيها و في عيونها
رهف ماركزت في نظراته وكانت تناضر الشباك و تهوجس
.
.
عند البنات في السيارة
اريام بهمس للبنات : بنات احس مشتهيه كوفي
ملاك : فاضيه انتي
نوف : صدق نبغى كوفي
ملاك : خلاص اجل انتي يا اريام كلمي اخوك
اريام : لا تكفين في هنا إخوانكم
نوف : عادي انتي بتكلمين اخوك ولا اخواننا
اريام بتردد : يلا واحد اثنين ثلاثه
اريام بصوت مرتفع شوي : نايف نبغى كوفي عادي
نايف : انا الي اسوق
اريام بهمس : طيب وش يعني تبغاني اكلم عايض
نايف : خلاص خلاص طيب
نايف : عايض وقف عند كوفي
عايض : ليه
نايف وهو يغمز ل اريام : حبيبت قلبي اريام تبغى قهوه
عايض : ابشري
اريام وهي تضرب نايف : يا حيوان ليش تسوي كذا
نايف : عشان تعرفين تتكلمين تخيلي لو ماني موجود
اريام : لا تتخيل
نايف بضحك : طيب طيب
.
.
عند رهف و خالد
خالد وهو يوقف عند السوبر ماركت
خالد : تبغين تنزلين 
رهف : اي بنزل
خالد : يلا تعالي
رهف وهي تنزل : طيب
خالد كان ماسك يدها و دخل السوبر ماركت
خالد : يلا اشتري الي تبين
رهف : يعني انت نزلتني عشان تراضيني بس
خالد : اي
راحت رهف قسم الحلويات
وأخذت حلوا مصاص على شكل قلب
خالد وهو يضحك : انا شكلي ما خذ بزر
رهف : عادي ترا كلها حلوى
خالد : بس الي اعرفه ان البنات ما يحبون إلى الكافيهات
رهف : بس انا غير انا
خالد : يعني وش تحبين
رهف : احب قهوه سودا و حلويات
خالد : صدق اني ما خذ ورعه
رهف بزعل : خلصت
خالد : الحين راضيه
رهف : لا باقي
خالد : وش عاد تبغين
رهف : ابغى قهوه سودا من دانكن
خالد : من عيوني
خالد : يلا تعالي
اخذها وركبها السياره و حرك
وقف عند دانكن
و اخذ اثنين قهوه سودا و دونات
و حرك السياره
رهف باستغراب : تحب القهوه السودا
خالد : اي له مستغربه
رهف لا بس اول مره اشوفك تشربها
خالد وهو يوقف عند الإشارة : اي احبها واعشقها نفسك
رهف : اي صدقتك
خالد وهو يبوس خدها بقوه : ولحين صدقتيني
رهف بإخراج : خالد برر بطريقه ثانيه مو كذا بعدين شوف احنا عند الإشارة
خالد : ما يهمني احد اهم شي انتي
فتحت الاشاره و حرك السياره
.
.
عند العيال و البنات
عايض وهو يوقف ويأخذ الطلب : مبسوطين الحين
اريام بهمس للبنات : اخو رهف حنون
الله يتزوجني مثله
ملاك : قولي الله يزوجني عايض وبس
نوف ب غمزه : حركات تحبينه
اريام : انطمي ماقلت كذا
ملاك : اي صدقنا
نوف : انطمي انتي وياها
وصلو للمخيم و كان خالد و راهم
دخلو البنات للمخيم وكانو
البنات يسولفون فجأة
دخلت عليها عبير وقالت : سربوتات يطلعون من ورا أهاليهم
رهف : اي عندك مانع
ملاك : خليك منهم يا رهف حسودات بسمله علينا
عبير : الحمدلله على نعمه العقل
اريام : ارحميني انتي يل عاقله
خرجت عبير من عندهم
ملاك بصراخ : والله انكم طيرتو جبهتها
رهف : خلوكم منها وش رايكم نلعب غمزه
نوف : اي يلا
رهف : انا مع ملاك
نوف : وانا مع اريام
رهف : يلا التوزيع علي
ملاك : طيب تعالي نسوي غمزه
رهف : يلا حتى انتو روحو اتفقو على غمزه
عند رهف و ملاك
رهف : اسمعيني عندي حركه ولا ما يعرفون عنها ابدن
ملاك : ايش قولي
رهف : بحرك اصابع رجلي وانتي نفس الشي هاذي الحقيقيه ركزي و الثانيه الي تخليهم يشكون فينا
نحرك حواجبنا
ملاك : والله إن عليك مخ
رهف : قولي ماشاءالله
ملاك : ماشاءالله
رهف : يلا تعالي نرجع
ملاك بصراخ : خلصنا
.
.
عند اريام و نوف
نوف : اسمعي انا اذا حكيت خدي اليمين قولي النجمه عليش خلاص
اريام : طيب يلا قدام
نوف : خلصنا
جلسو على شكل مربع و كانت ملاك مقابلة رهف
و نوف مقابلة اريام
رهف كانت توزع الاوراق كل وحده اخذت أوراقها
ملاك : من معه الجوكر
نوف : معي بيجيك بعد شوي
رهف كان عندها ٤٥٥٦٦
و نوف عندها ٤٥٦ و جوكر
ملاك عندها ٩٩٩٤
اريام عندها ٥٤٩٦
بعد لفتين رهف وهي تحرك حواجبها
اريام بتردد : النجمه عليش
رهف و ملاك بصراخ : غلط بس أخذنا نقطه
نوف : يغبيه يا اريام واضح انها كذابه
اريام : وش اسوي ما ركزت
بعد خمس اقيام فازت رهف و ملاك ب ٣ و فريق
نوف و اريام ٢
.
الساعه ٨:٤٩ الليل
.
.
اعتذر على السحبه بس إنشاءالله
احدد وقت انزل فيه بسبب
المدارس واشغال
واتمنى انكم استمتعتم 🤍🤍