إبتليت بالنظر اليك فعاقبني الله بعشقك .

البارت السادس

رهف ب نعس : بنات احس ما ابغا اكل معك احس
مالي نفس للعشاء
نوف : تستهبلين انتي قومي بس يلا
رهف : تكفون احس ابغا انام شوي أو اريح
اريام : رهف تقومين ولا علمتك شغلك
رهف : وش بتسوين يعني
اريام : بجيب حبيب القلب لين عندك
رهف : انقلعي روحي ناديه
اريام : طيب تري انتي الي قلتيه
راحت اريام و ارتاحت رهف لأنها بتنام
رهف حطت مفرشها و انسدحت وكانت تهوجس
.
.
عند اريام
اريام : خالد
خالد : هلا وش بغيتي
اريام : رهف ما تبغى تتعشى
خالد : ليه
اريام : تقول تبغى تنام
خالد : خلاص انا التفاهم معها بس انتو الحين وينكم
اريام : في خيمه الحريم وهي لحاله في خيمه البنات
خالد : خلاص بشوف وشفيها
.
.
عند رهف
كانت سرحانه وقاطع سرحانها دخلو خالد المفاجئ
رهف بخوف : وش فيك انت
بشويش تراك فجعتني
خالد وهو يجلس جنبها خالد : انتي الي وش فيك
ما تبغين تأكلين
رهف : بكيفي بعدين انت وش دخلك
خالد : كيف وش دخلني شوفي كيف نحيفه
رهف : هاذا جسم طبيعي
خالد : لا مو طبيعي ثانين ش.....
قاطع كلامه صراخ رهف الي خلاه يقوم من مكانه
قامت رهف بسرعه وضمت خالد بقوه وهي
تقول : رجلي رجلي
خالد : بسم الله عليك وش فيها
جلسها خالد وانتبه للثعبان
خالد بخوف : هاذي لدغه ثعبان
كانت رهف جالسه وهي تبكي و ماسكه كتفه
فك خالد الشماغ و ربطه بكل قوته على رجلها
قام خالد و سحب رهف بحضنه وشالها و اخذ
عبايتها وخرج ركض للسياره متجه المستشفى و كان حاط رهف بحضنه
و كانت متعلقة ب ثوبه ورأسها على صدره و تبكي
خالد : رهف لا تبكين إنشاءالله خير
رهف كانت ساكته وتبكي
خالد وهو يوقف السياره : يلا وصلنا
نزل خالد و بحضنه رهف وكان يركض دخل المستشفى
وكان يصرخ على الدكاتره
اجتمعوا الممرضات وأخذو رهف و كان خالد يلحقهم
دخلوها الغرفه الخاصة لتسمم
وكان خالد يبغا يدخل وراها
بس وقفه الدكتور وقال : ممنوع الدخول بس
بعد ما ننتهي تقدر تدخل
خالد : بس انا زوجها
الدكتور : حتى لو روح تفضل اجلس عند الكراسي
بعدها بنعطيك خبر
خالد وهو جالس على كرسي وكان متوتر وخائف أن
التسمم ينتشر في جسمها
.
.
بعد نص ساعه
خرج الدكتور وقال : تقدر تدخل الحين
قام خالد وقال : يعطيك العافيه
دخل خالد وشاف كيف رهف سرحانه
خالد : وش فيك انتي سرحانه
فزت رهف : لا مو سرحانه بس
خالد : بس وش
رهف : اخاف من الإبر
خالد : عادي تري ما تحسين فيها
دخل الدكتور و في يده ابره منوم
رهف وهي ماسكه يد خالد
و شاده عليها و خايفه : خالد تكفى ما ابغا
خالد : ما عليك ما راح يصير شي
خالد وهو كان يحاول يشغلها : شفتي اريام يوم جت تقولي عنك
رهف بتركيز : اي
خالد : شاف.........
قاطع كلامه صوت الدكتور وقال : اعطيتها الابره
والحين هي نائمه
خالد : مشكور
خرج الدكتور وكان خالد يناضر رهف ويبتسم
قام خالد و مسك فكها وباسها وقال في نفسه لو تدري رهف اني
بستها وهي نائمه اخ بس
ورجع ينسدح على الكنب
و في لحضه نام خالد و هو ماسك يد رهف
بعد ساعه صحت رهف وكانت تناضر ل خالد
الي متمسك بيدها و نايم
سحبت رهف يدها بخفه من خالد
و كانت ما تحس بنفسه
كان فيها خمول سدحت راسها و مددت جسمها
و شغلت المكيف
و شالت المفرش و حطته على خالد
و غطت ب النوم
.
الساعه ٧:١٢ فجر
.
قام خالد و اخذ المفرش وكان يبتسم لان عرف أن رهف
هي الي غطته من البرد
قرب خالد و مسك يدها كانت بارده
اخذ خالد المفرش وغطاها
راح يصلي الفجر خلص صلاته وراح عند رهف وقال
خالد : رهف يلا قومي
رهف بنعاس : خالد انقلع
خالد : انا انقلع
رهف  : اي
قام خالد و اخذ علبت مويه وصبها كلها على وجه رهف
قامت رهف بخوف وهي تتنفس بسرعه
وتمسح وجهها
رهف ببكي : خالد
خالد : عيون خالد بس ما توقعت تبكين
رهف وهي توقف : ما احب الي يسوي
كذا انقلع عن وجهي
خالد : طيب يلا تري تأخرنا
رهف : وين
خالد : نرجع للمخيم
رهف : لا تكفى ما ابغا
خالد : وين تبغين طيب
رهف : خلاص طيب بس ما تقول لأحد عن الي صار
خالد : ابشري
رهف : طيب متى نرجع البيت
خالد : اتوقع بعد ٣ ايام بس يلا قومي تأخرنا
.
.
عند المخيم
اريام : بنات تتوقعون وين راحت
رهف و خالد بس مره طولو احس صار شي
ملاك : وش عرفنا
نوف : بنات وش رايكم نروح البقاله
اريام : يلا قدام
ملاك : بس من بيودينا
نوف : مشعل
اريام : يلا كلميه
نوف : الو مشعل
مشعل : لبيه
نوف : لبى كبدك بس بغينى نروح البقاله
مشعل : ابشري بس من بيروح
نوف : انا و اريام و ملاك
مشعل : غريبه وين رهف
نوف : مدري من أمس جا خالد وأخذها وراح
مشعل : غريبه مره طولو
نوف : الله يحفظهم
مشعل : يلا البسو عباياتكم انا شوي واكون برا
نوف : الله لا يحرمنا منك
سكرت الخط
اريام : وش قال
نوف : يقول يلا انا برا
ملاك : وناسه يلا نروح
.
.
عند خالد و رهف
خالد وهو يصحي رهف : رهف قومي يلا انا عند البقاله
تبغين شي
رهف وهي تعدل مرتبه السياره : ابغى اسكريم
خالد : ابشري بس لا تنزلين
رهف : طيب
رهف وهي تناضر للشباك شافت سيارت مشعل جايه
رهف بفرح بعد ما شافت البنات معه
نزلت رهف وراحت بكل قوتها تحضن اريام
اريام وهي شاده عليها : وين رحتي اشتقنالك
رهف : سالفه طويله بعلمش بعدين
بعدو عن بعض وراحت حضنت ملاك و نوف
ملاك : يلا تعالو
رهف وهي داخله البقاله صادفت خالد
خالد وهو يمسك يدها : انا ايش قلت
ملاك وهي تفك يد خالد من يد رهف : وش تبغى انت
تراك قطعتها عنا
خالد : انتي وش شغلك
مشعل مسك خالد وقال : وش فيك انت اعقل تراهم بنات
خالد : ادري انهم بنات بس تعدو حدودهم
مشعل : خلاص ما عليك من هم الحين بياخذون أغراضهم ويطلعون
خالد : يازينك بس ودي انك تهديني كل شوي
مشعل : انا معك وين ما رحت
مشعل : خلاص انت رح وانا بنتبه عليهم
خالد وهو يحاسب أغراضه وطلع برا ويركب السياره
كان مقهور من حركت رهف
مشعل : خلصتو
نوف : اي تعال
اخذ مشعل أغراضهم و حاسب عليها و طلع و كانو البنات
يمشون وراه
رهف : يلا انا بروح مع خالد ولا بياكلني
ملاك بضحك : الله يعينك عليه
مشعل : وطي صوتك
ملاك : بكيفي
مشعل : خلاص طيب يلا اركبو
ركبوا السيارة وحرك
.
.
عند خالد
خالد : اهلين
رهف سكتت ب ارتباك
خالد : ما عليش سامحتش
رهف : يعني ما بتخاصمني
خالد بضحك : ليه اخاصمك
رهف وهي تعطيه الاسكريم و تبتسم : هاذا لك
خالد با ابتسامه : لبى قلبش
رهف بزعل : تخيل جلست ساعه ادور اسكريم فروله
ما لقيته
خالد وهو يطلع اسكريم فروله : هاذا هو لقيته اخر واحد
وجبته لش بس انتي عنيده
رهف : الله عطنيها
خالد وهو يعطيها : فداش
اخذت رهف الاسكريم
و مشى الخيمه
وقف خالد وقال يلا انزلي وصلنا
نزلت رهف تركض للخيمه و هي تنقز على اريام من ورا
اريام ب صرخه : فجعتيني
رهف : انا افجعك
اريام : اقول بسرعه قولي وش خلاك تطولين انتي و خالد
رهف : وش رايكم ناخذ مفرش و مفرحاتنا و نروح ورا الخيمه
ملاك : قدااااام
نوف : يلا
ورا الخيمه ب مسافه شوي بعيده
ملاك : احس بدري مره
نوف : ليه عادي الساعه ٨:٣٥
اريام : يلا لو مره نصحصح زي كذا
نوف : يلا وش السالفة
عدلت جلستها رهف وقالت لهم كلشي
ملاك بصدمه : ايشششش
نوف : متى صار ذا كله
اريام : تمزحين صح
رهف : قسم بالله ما امزح
اريام : اشوف
مدت رجلها رهف وفكت الشراب و كان الشاش الطبي
مغطي على الجرح
رهف : ما اقدر افك الشاش الطبي
نوف : لا تفكينه ولا تفكرين
رهف : بنات خلاص غيرو الموضوع
.
بعد دقائق
نسو السالفة وصارو يسولفون عن أشياء ثانيه
.
.
عند العيال
نايف : انا رايح عند وادي هنى قريب فيه انهار
احد بيروح معي
العيال كلهم : اي بنروح
ركبوا العيال وكان نايف و عايض قدام
و الباقي حشرو أنفسهم ورا
كانو يسولفون وقاطع سوالفهم حمد وهو يقول : نايف شغل شي يطربنا
نايف : ما طلبت شي
شغل نايف شيلت غردي يا حمامه
كان الكل من طرب فجأة الكل سكت
و قالو مع بعض بصوت عالي وهم يصفقون
.
صحبي ما دريت أن المحب تبكي
صحبي ما دريت أن المحب تبكي

تولعت بابن الناس واشقيت نفسي
تولعت بابن الناس واشقيت نفسي

جعل من عاقنى ذا اليل ربي يعوقه
جعل من عاقنى ذا اليل ربي يعوقه

جعل من عاق زرعي و السبب في عذوقه
جعل من عاق زرعي و السبب في عذوقه

خالد بصراخ : عاش ولد العم
حمد : حي عينك
.
.
بعد نص ساعه
نايف : يلا وصلنا
مشعل : من متى وانت تعرف ذي الامكنه
نايف : من زمان
خالد وهو يشيل الفرشه : تعالو شلون معي الاغراض و
العزبه
عايض : يلا يلا جايك
عايض و خالد بعيد عن العيال
عايض : إلى قلي يا خالد أمس وين اخذت اختي
خالد : مشوار خاص
عايض : تراها اختي
خالد : و تراها زوجتي
عايض : ترا اذا ماقلت لي هي بتقول لي
خالد : أصلن هي الي قالت لا تقول لأحد
عايض : خلاص طيب
بتو الفرشه و الاغراض
حمد : ولد وين دله قهوه
نايف : شها ذي
حمد : جبها
نايف : امسك
.
.
عند البنات
نوف : شرايكم نرجع للمخيم
رهف : يلا انا جاني النوم
ملاك : يلا
اريام : اي ماشاءالله وين رايحين تبغوني اشل هاذي كلها
البنات وهم يرجعون
رهف : طيب طيب بنشل
اخذ الاغراض ودخلو داخل
و جلسو نص ساعه يرتبون المخيم خايفين يكون فيه شي
او أفعى
راحت كل وحده فراشها
و قامت نوف سكرت الباب و انسدحت
وفي لحظه نامو الكل
.
.
اتمنى انكم استمتعتم
واعتذر على الخطى الإملائي 🤍