وگام يلحگ وراي
ظليت اركض واضحك وعوه يركض ورايه
طبعا اكيييد هوه اسرع مني وگدر (گدر لو طاوه) يلزمني
ورا خمس ثواني هوه وصلني وحظني من وره
اني اضحك بكل قوتي وهوه لازمني من وره
لزمتچ!!
الاي گال
هوه گام يتبسم ودارني عليه
شفتني سريعه صح؟
اني گلت
اي. كلش.
هوه گال باستهزاء
انطيته موبايله وحطه بجيبه
بس فجأه گعد يباوعلي بطريقه غريبه
من عيوني لشفايفي من عيوني لشفايفي
اني استوعبت انو اني بعدني بحظنه
صرت حمرههههههه
هوه قرب على وجهي
كلش قرب على وجهي
بس اني بعدته بأخر لحظه
اممم. اني نعست.. حروح انام.
اني گلت
الاي استوعب الي چان حيسويه وشويه خجل
تمام. اني هم.
هوه گال
ابتسمتله ورحت واني حمرهههههههه
تخيلو لو ما موقفته چان باسني
خرب
شنو يعني يحبني؟
لا اكيد مجرد هيلگه
بس شو فكرة انو يحبني حلوه كلش؟
هاي شبيه اني تخبلت
رحت للغرفه ونمت
_______________________________________
Amer's pov
اليوم گعدت من النوم مزروب عليه
البارحه غرفتي اني والولد عطل سبلتها
والليل كله بالگوه نايم بالحر
نزلنه جوه تريگنه
ووراها رحنه نفحص قبل التدريب
گعدت عالكرسي علمود يسوولي فحص
بس ياريتهم ما سوو
الي ديسويلي فحص هوه فضل
خرب الا اتعارك
وهوه ديفحصني اني گعدت احچي وياه
شو اشوفك مرتاح اليوم وفرحان؟ مو من عوايدك.
اني گلت
وانت شعليك؟
فضل گال
مو اگول. اسلوبك دائما زباله. مثلك يعني.
امير گال
شو گوم امير.
فضل گالي
ليش؟
اني گلت
دگوم احسلك!!
فضل گال
گمت واني اباوعله صفح
اشو هذا زرگني ببوكس
الدكاتره كلهم گعدو يباوعون ومصدومين
واللاعبين الي ديفحصون تفاجئو همين
