خره عليك فضل
_______________________________________
Fadl's pov
چنت دا اباوع من الشباك
شفت رهف طلعت برا فظليت اباوعلها
الظاهر امها اتصلت عليها
شفتها فاقده اعصابها وتصيح وتتعارك بالموبايل
وهسه هيه گاعده عالمسطبه وتبچي ورا ما انسد الاتصال
حسيت بذنب انو خليتها ترزلها
لا وانوب مراح تطلع انوب
بس هيه ليش تطلع بدون اذن امها
بس اني همين ليش ما طلعت وياهم علمود تطلع
بابه دخل انچب
يعني اعوف رقيه علمود اطلع وياهم؟
سديت البرده ورجعت عالچربايه ونمت
حاحاوال اعتذر باچر
_______________________________________
Manar's pov
الساعه 7 ونص الصبح
البارحه رهف رجعت متأخر للغرفه
اني سويت روحي نايمه
لاحظتها دتمسح بعيونها وحركاتها مال وحده چانت تبچي
فعرفت بچت
خره عليك فضل
گالتلنه قبل لا تتصل بيها امها على الي گاله هوه
هسه گمر بالغرفه وتگلب بموبايلها ورهف نايمه
اني گمت وردت اطلع
وين؟
گمر گالت
هسه اجي.
اني گلت وطلعت
سديت الباب ورحت رأسا لغرفة فضل وبدون اي تفكير دگيت الباب
ما حصلت رد
دگيتها مره ثانيه
طلعلي وهوه يتثاوب
خير. منار.
هوه گال
مدا تحس بذنب؟
اني كلت بهدوء
على شنو؟
هوه گال
على الي سويته البارحه.
اني گلت
هوه گام يتأفأف
اسمعي منار. امها سألتني واني جاوبتها يعني سويت الص...
هوه گال بس اني قاطعته
تشوفه صح؟؟ چان طلعت انت ويانه بدال ما تخليها تبچي الليل كله وهمين هاي الرحله كلها مراح تطلع؟ ما خليتها تتهنى بهاي السفره.
اني گلت بهدوء بس شويهه صوتي على
اولا! لا تقاطعيني. وثانيا! صوتچ لا تعليه حتلو شويه. شنو شايفتني بگدچ اني..
هوه گال وراد يكمل حچيه بس اني قاطعته
اقاطعك شوكت ما اريد واعلي صوتي حتلو اصيح! هسه المطلوب تعتذرلها! وغصبا ما عليك!
اني گتله
يابه حتلو چنت ناوي اعتذرلها وحق ربي ما اعتذرلها! بعدين شنو هيه فد بندله تجين انت تحاسبيني على الي سويته؟ حتلو چنت غلطا...
هوه گال بس اني قاطعته بكفخه على وجهه
