بسم الله الرحمن الرحيم
اللهم صل على محمد وآل محمد
مساء الخير
#صاحب القفاز الأسود
بقلمي انا : زينب احمد
Insta : z_an_21b
حبيباتي لاتنسون تسون متابعة للحساب + تصويت للبارت + تعليق بين الفقرات 🤍✨
قراءة ممتـعة ..
_____________________________🤍✨
الدكتورة : بأبتسامه ... الف مبروك بنتكم حامل ....
نرجس : كلنا شهگنا بصوت واحد .. حامل !!!
الدكتورة : اي الف مبروك
نرجس : اباوع لرنا تبجي خايفة وجهها اصفر
سليمان : خزرتها بحدة ما مصدك الي كاعد اسمعه رنا انفصلت عن رضا وحتى قبل لاتنفصل عنه سوت تحليل لحتى تتأكد وما كان اكو حمل بوقتها ....
نرجس : طلعنا اشوف سليمان صاير نار من العصبية يمشي مسافة عننا اجر تكسي ورجعنا مباشرة للبيت ...
دخلنا للبيت كعدنا بالصالة الكل كان متوتر ورنا تبجي لازمه ايد امها بخوف ثواني ودخلوا رضا وزيد للبيت رغم كانت علاقتهم كولش متوترة ومايحجون هواي
زيد : السلام عليكم
نرجس : وعليكم السلام
زيد : أشرت لخالة نرجس ...شكو ؟
نرجس : بقيت ساكته مااعرف شنو احجي ثواني وگام سليمان بعصبية
سليمان : رنا فهميني شنو هذا الي كالت عنه الدكتورة ؟؟؟
زيد : ليش شكو خالو فهمني شبيها رنا وليش تصيح عليها ؟
سليمان : بعصبية ... رنا حامل زيد
زيد : حامل !!!!!
نرجس : خوية لاتصير عصبي افهموا منها
رنا : ببكاء ... والله ما مسوية شي اني
رتاج : يمه فهميني منين اجه هذا الطفل احجي راح يوكف گلبنا خالج راح يموت
زيد : رناااااااااااااا احجييي
رنا : والله مااعرف والله ليش ماكاعد تصدكوني
نرجس : رحت كعدت يمها تبجي بحرگه الكل عصبي ومتوتر وحتى سليمان رغم انه حكيم ويعرف يتصرف بالمواقف الصعبة بس فقد اعصابه صار يكسر الاغراض ويصيح على رنا بعالي صوته
نرجس : ثواني واباوع لرنا صار وجهها اصفر وركضت للمغسلة بقت تتقيء رحت وراها حضنتها لحتى اهديها .. اخذتها لغرفتنا ثواني ودخل رضا سحبها من ايدها بقوة مني ..
أنت تقرأ
صاحب القفاز الأسود
Romanceفي عالم مليء بالألغاز والتشويق، شخص غامض يرتدي قفازًا أسود ليزيده غموضاً. هل سيكشف عن هويته ويواجه تحديات جديدة ومثيرة؟
