صاحب القفاز الأسود

part 10

بسم الله الرحمن الرحيم

اللهم صل على محمد وآل محمد

مساء الخير..

# صاحب القفاز الأسود

بقلمي انا : زينب أحمد

Insta : Z_an_21b

سُـكراتي اللطيفات هذه اخر بارتات انشرها هذه الفترة بسبب الامتحانات وبس تنتهي الامتحانات ونطلع سالمين 😂 اعوضكم ان شاء الله هذه الرواية بيها هواية بارتات 🤍 حبيباتي انتبهوا لدراستكم وبس تكملون امتحانات نرجع نقرا الروايات براحتنا اهم شي الدراسة 🤍

قراءة ممتعة 🤍

_______________________________________

سليمان : دخلت للمطبخ شفت جنان تسوي غدة جريت كرسي وكعدت يمها

: سويلي چاي جنة

جنان : صار

سليمان : خدرت الچاي انطتنياه .. جنة تعالي اكعدي يمي عندي موضوع وياج

جنان : اخذت كرسي وكعدت يمه على ميز الطعام .. خير ان شاء الله ابو رضا

سليمان : خير ... خير .... جنه اني اشوف اكو مشاكل بين رضا ورنا واشوفهم كلهم شباب ما يصير يعيشون بنفس البيت بهذه الطريقة واني مااكدر اطلع وحدي ببيت واترك اخواتي وحدهن ... قررت ازوج رنا لرضا وزيد لسلمى شنو رأيج

جنان : والله مااعرف شنو أگولك زيد خوش ولد ورنا وردة اخلاق وادب وجمال بس بعدهم صغار سليمان صغار على الزواج

سليمان : لا مو هسه يتزوجون ببالي اسوي خطبة هسه وبس يكبرون شوية يتزوجون وبعدين هسه هم مو صغار يعني رضا 17 سنه وزيد 16 والبنات 14 سنه اعمارهم زينه ومو اول اشخاص يتزوجون او يخطبون بهذا العمر

جنان : ماعندي مانع الي تشوفه مناسب والصراحة كان القلق ياكلني على رضا طبيعته صعبة ورنا كولش راح تناسبه بس خليني احجي وي البنات اشوف رأيهن

سليمان : لا خليني اروح اشوف رتاج اخذ رأيها بالموضوع وبعدين نكعد ونسولف وياهم

جنان : تمام

سليمان : طلعت من المطبخ رحت لغرفة رتاج ...

نرجس : كاعدة اوكل برتاج اشوفها ضايجة ومامرتاحة

نرجس : رتاج شبيج حبيبتي

رتاج : مشـ..ـتاقة لـ...أيفـ..ـان

نرجس : لاتضوجين حبيبتي ان شاء الله ترجع بالسلامة ياعيوني

: سمعنا صوت الباب ..

سليمان : اگدر ادخل ؟

نرجس : اي خوية تفضل تعال

سليمان : دخلت شفتهن كاعدات سوه ورتوجه كاعدة تاكل كعدت يمهن ..

: شلونهن حبيبات اخوهن