الظروف احياناً تجبرنا نغيب ، بس ما تمحي محبة من نحب ): 🤎

1 بارت

" البطل  "
كاسر سطام  آل راشد
" البطله "
اسر طلال آل راشد

(( جده ))
سكرت باب غرفتها بقوه وهي تنهار من البكاء طاحت من طولها وهي تصرخ : ما ابغاه محد بيجبرني عليه !!
كانت تسمع ابوها يدق عليها الباب بهدوء لكنها رفضت تفتح له بعذر انها ما تبغى تشوف احد ..
نزل من الدرج بعد ما سمع انها ما ودها تشوف احد جلس على الكنبه تجلس جنبه نور " زوجته " حطت يدها على يده تهمس : طلال
لف وجهه الشاحب لها وهو ينطق : سميّ
اخذت نفس وهي تحبس دموعها : لا تشيل هم كم يوم و تهجد خبرهم أننا موافقين عليه ؛ هز راسه بالنفي وهو يرخي راسه للخلف : ما يصير اجبر البنت يا نور
اعتلى البؤس ملامحها وجهها وهي صارمه على إقناع بنتها رغم انها عارفه منهو الي بياخذها و كيف له بصمه قاسيه بينهم كلهم نزلت راسها وهي تسكت ..
مسحت دموعها وهي تتوجه لمكتبها تاخذ احد الدفاتر المصفوفة في الرف فتحت الدفتر تبدأ دموعها تحرق خدها اول ما شافت صورته رجعت تسكر الدفتر تاخذه معاها لبست عبايتها و حجابها وهي تخرج من الباب الخلفي لجل ما يشوفونها ..

(( الرياض ))

فتح الباب بأقوى ما عنده يصرخ بعلو صوته : يبا !
ابعد الجريده عن وجهه وهي يحطها جنبه على الكنب يعقد حواجبه من شاف ملامح وجه ولده كيف هو معصب : نعم
سكر الباب وهو يتقدم من ابوه : على اي أساس تخطبني لها ؟!
وقف ابوه يناظره بحده : اسمع زين مو يعني تركتك زوجتك يعني منت مآخذ غيرها ، بنت عمك أولى من زوجتك ذيك كم مره لازم أعيد !!
كان بيتكلم بس قاطعه دخولها خلفها امه جرت وهي تتعلق برجله : بابا متى جيت
انحنى كاسر وهو يشيلها يقبّل خدها بكل حنيه : توي يا بابا جيت ، اخذ بنته و طلع بعد ما ناول ابوه نظراته الحادّه
سكرت الاب خلفه وهي تهمس : هذي البنت متعلقه بأبوها كثير
هز راسه بهدوء وهو يرجع يلبس نظارته : اذكر ان بنت طلال متعلقه بأبوها كثير هي الثانيه
اخذت الدله وهي تصب لها و له قهوه : جد انت ما لقيت إلا بنت اخوك تزوجه أياها ؟
اخذ الكوب منها وهو يشرب وينزله : البنت بتسافر برا و مستحيل اخليها تروح لحالها من دون محرم ، وان راحت لحالها بنحرها اصلاً بنستفيد منها بدل ما نخلي ولدك كذا لا زوجة ولا حرمه تضفه

(( في مكان بعيد ))

نزلت بارات قصير عشان تبدؤا تفهموا كيف الروايه 😉