الظروف احياناً تجبرنا نغيب ، بس ما تمحي محبة من نحب ): 🤎

5 بارت

اخذ نفس وهو يشيلها يسكر الباب برجله كانت المسافه بين السياره والبيت شوي بهيه بحكم ان المواقف حق السيارات
برا ، كان واضح من ملامحها ان ضايقه دخل البيت يحطها بأقرب كنبه له تمررت يده حول حجابها وهو يبعده ويصد عنها بشكل مربك كانها شخص غريب وقف وهو ينفض ثوب و يدندن طلع لفوق وهو يبدل و يتروش ..
فتحت عيونها ببطئ تحاول تستوعي وين هي فيه فزت برعب من سمعت صوت اقدام وهي تهمس : كاسر ؟
أجهشت بالبكي من ماسمعت اي رد ، اسرع يتقدم منها ينزل لمستواها من كان على الكنبه مسك يدينها يبعدها عن و جهها وهو يهمس : وش فيك ؟ كرر عليها السؤال اكثر من مره
كانت تهز راسها بالنفي وقالت بين بكاها : طلال والله هوو !!
عقد حواجبه لعدم فهم وهو يجلس جوارها ؛ طيب شفيه ؟
اسر : يضربها ، يضرب ماما كاسر هو يضربها !!
حاوطها تسند راسها بصدره مد يده بتردد لشعرها وهو يمسح عليه بحنان : أنا معك و مارح أخليك لو يكون الثمن حياتي ؛ أرخى راسه للخلف وهو يحاوط كتفها يشدها له اكثر: انتي بذمتي الحين انسي شخص اسمه
طلال انسيه !

~ بيت ابو مشعل ~
ضغط علي يده بقوه وهو يتأفف : يما ليش ما كلمتيها !
ام مشعل : والله يا ولدي كنت اكلمها والظاهر فيه هوشه راحت و خلتني أتكلم
مشعل بغضب : الله ياخذه شلون ياخذها مني بذي السهوله
ام مشعل : انت الي تزوجت و خليتها محد قالك
و قف مشعل وهو يصرخ : وراك قلبتي الطاوله عليّ مب انتي الي قلتي لا تتزوجها ؟!
ام مشعل : لا يا قلبي أنا ما قلت لك شي قلت لك اخذ بنت خالتك احسن لك بس
طلع مشعل وهو معصبب من امه الي تسوي الشي و تنكر ..

~ الرياض ~
تأففت روح وهي تمشي ناحية جدتها : متى ماما تجي !
ابتسمت ام كاسر : اصبري يا حبيبتي جالسه ادق على ابوك ما يرد
روح بملل : اوكي إذا رد ناديني اوكي ؟؟
هزت راسه بهدوء و طلعت روح مع مربيتها رباب للغرفه
مرت دقايق هاديه فجأة قطع الهدوء صوت الباب وهو ينفتح بقووه وكان سطام أكييد : وين الزفت ولدك ذا !!!!
هزت راسها بالنفي : مادري لي ساعه ادق عليه ما يرد
سطام : الله يلعن ابليسه اخذ بنت طلال و راح بعد ما صفق ولده
شهقت وهي تغطي فمها : هااا ! شلون اخذها كتبتو الكتاب و كل شي
سطام اخذ جواله وهو يدق على كاسر : ايه كتبو كتبو