وقـد (فـا مـِن توقدُ)
رسل عز
...
شگد مرت عليه عيون ماجاستني بس عينك
...Pov:الرجوع إلى الماضي ود المر
ايام حزن و ضلام جان مخيم على البو مر كلهم راح واحد من اجود زلمهم و اخشنها عثمان المر ابويه الله يرحمه جان خير و كريم و صاحب نخوه وكفه لكل واحد يعرفه ما ضل احد ما بجه عليه و ما حزن عليه فاتحته ضلت سبعة ايام بلياليها عالم طابه و طالعه هاي اخر يوم فاتحته واكف باب المطبخ اباوعله و دموعي ما توكف مبين عليه الحزن و القهر بدشداشته السوده و غترته البيضه و اول مره اشوفه يدخن بحياتي واكف يحجي ويه اخويه مبين دا يواسي بوفات وابويه و هو أكثر واحد مهقور عليه أكثر واحد جان يحبه حتى أكثر من اخوتي طبيت من شافني و خزرني ،
اول مره افرح من بعد شهرين من الحزن بوفات وابويه من اجه عمي و طلب ايدي لثاقب لان ابويه وصا عليه و اني ادري بي ما يحبني حتى من ابويه كله كبعها و أخذها رفض ثاقب و كله بعدها مراهقه و صغيره مو مال زواج خلي تكمل دراسه ابويه زعل عليه و خاصمه و ضل هو يرضي بي رغم زعل ابويه اله ثاقب ما كطع عنه و شما جان ابوي يسوي بي ما يزعل منه و لا يكسرله كلمة صار و كطعنا مهر بعد مشاكل و رفض ثاقب الي صار الي أريده و فضحته كدام اهلي اسمع عمي يحجي ويه اخويه عباس و يهدي بي " مو هيج عباس ثاقب يخاف عليها بعدها صغيره لما تكبر ياله ياخذها "
طبيت عليهم حتى مو متغطيه مو لابسه شي على راسي فتحت باب الديوان بحيل و كفت كدامهم و اني شايله سجينه و اردفت بتهديد " و الله اذا ما اجه و خطبني اله اذبح روحي ضيعت عمري الراح و اني احبه هسه جاي يستهزي بيه و يكول زعطوطه "وكفوا على حيلهم بس هو ضل كاعد و يباوعلي برود و يدخن اردف برود " مو كتلكم زعطوطه استلموا "
عطت بي و اني خليتها على ركبتي " اله اكتل نفسي كدامك و تبتلي بدمي ياله تصدكني " و اني احجي وياه بعصبية هجست عباس سحب مني السجين و عمي جرني لحظنة ابجي بحركه باسني براسي و اردف بجدية " الجمعة كطعان مهرج عليه و بعد شهر العرس غصبن ما على خشمو هم تاخذي من شاربي " اردف عباس بعصبية " هاي هكوتي بيك يا ثاقب هيج دكها بينا "
اردف برود " التريده يجرالها بس جفوني شركم " و عافنا و طلع و لا هامه و لا يمه و المصيبه ما عنده وحده يحبها تا يسوي بيه هيج،عدلت شكلي كدام المرايه و اني فرحانه و كعدت على جربايه جان عرس جبير ما صار بكل الغربية متوتره و قلبي طالع من صدري من زفوه عليه لابس دشداشه سوده تعكس الي بداخله نزع غترته كدام المرايه و اردف برود " روحي بدلي بالحمام خلي اخلص " كمت و اني مقهوره منه و بدلت و طلعت كاعد على الجربايه كعدت يمه و اردف برود " تزوجتج يا بت عمي الغربية كلها تدري انتِ وصيت عمي الله يرحمه ... و الي اريدج تدرين بي تزوجتج بس علمود ابويه يرضه عليه و اصير شيخ البو مر من بعده لو ما مهددني ما جان تزوجتج لو يجي مر نفسه تربيت بديوان من صغري مستحيل اعوف ديواني لياهو الجان " باوعتله و عيوني دموع مليانه بس احبه شسوي
أنت تقرأ
وقـد (فـا مـِن توقدُ)
De Todoهل نار الانتقام و الثأر ستجعل منها أمرأة مولعه بنتقامها و رد اعتبارها و هيبتها و وجودها كأمرأة في مجتمعهم الذكوري ، لدرجة تنسى حبه لها و اعتزازها بتلك المهره العربية الأصيله التي ظلمها الدهر وجعل منها أمرأة مولعه بالانتقام ،ام سوف ينجو حب يتحكم به ا...