{ يُبَشِّرُهُمْ رَبُّهُمْ بِرَحْمَةٍ مِنْهُ وَرِضْوَانٍ ﴾
✧ العَــاصِـف
فَـاطِـمة الــ مَـاجدي
Instagram ||@ronit_f.7
"قل للّذي نامَ والأحزانُ تَخنقهُ
وهمّهُ في ظَلام الليّل يُشقيهُ
هَون على قلبكَ المحزونُ انّ
لهُ ربًا سَيملؤهُ نُورًا و يَرويهُ"
ملاحظه: بنات اذا شفتو خطأ باسم البطله مثل روئ
مو رؤى غلسو لان هذا خطأ بالكيبورد.
.......................
من گد ما بجيت حسيت بضلام يراودني
گعدت لگيت روحي بمكان واسع
بي اشجار ورود ومن بعيد اهلي
گاعدين بنص الاشجار ركضت لبابا بسُرعه
وگعدت بحضنه ابجي.
رؤى: ليش بابا ليش عفتوني وحدي
وتدرون الدنيا صعبه والناس وحوش.
انداريت على امي وكملت كلامي.
رؤى: ها ماما مو گلتي ما اعوفج وحدج
لو شنو يصير، وانتَ احمد من جنت الي الاخ
والصديق، وانتِ ريم مو گلتي من نكبر نزوج
اخوان حتى ما نفترق،، شفت محمد صار
واحد غيرك ياخذني للمدرسه ليش عفتوني
وحدي على الاقل اخذوني وياكم.
ابتسم بابا واردف.
عُمر: يا بابا احنا ما عفناج وحدج اكو
واحد راح يعوضج عن كُلشي وتظهرلج
الحقيقه بس بعد مصائب وراح تاخذين
حقج بإيديج.
رؤى: زين منو هذا العوض وشوكت يجي
والله تعبت بفراقكم.
عُمر: موجود بابا موجود وقريب هم.
همستلي ماما وهيَ تمسح على شعري.
بسمه: ديري بالج على دراستج ونفسج.
رؤى: شوكت اجي يمكم ماما تعبت.
بسمه: بعد بعد هواي ياماما مو هسه وقتج.
باسني بابا من راسي وگامو كلهم راحو بعيددد
وصرخت بس ما اكدر اروح يمهم اختفو.
صحيت وحسيت بدوخه قويه شوي شوي وگمت
افتح عيوني شفت يارا بصفي وهذا
العَاصِف هم موجود شجابه شافتني يارا
فتحت ركضت عليه.
يارا: صحيتي روئ باعيلي شتحسين
انتِ بخير.
رؤى: وين اني؟.!
يارا: بالمستشفى گوليلي ليش اغمى عليج.
رؤى: ما ادري.
اردف العَاصِف.
العَاصِف: اي طبعاً ما تدرين اذا
عندج فقر دم حاد وضغطج صاعد
شسالفه بويه انتِ ما تاكلين.
رؤى: ما ادري ما ادري طلعوني منا اختنگت.
يارا: هسه يروحي بس يخلص المغذي.
أنت تقرأ
"العَاصِف"
Fantasyفتاه صغيره في عائلة هادئة تنقلب حياتهم رأسأ على عقب بعد سماع مرض امُها ما الذي سيحدث يا ترى وهل هُناك عوض سوف يُعوضها؟.!! وما الذي يحدث لعمها الذي سبب لها اوهام كاذبه.
