"العَاصِف"

part 9

{لَا قُــوَّةَ إِلَّا بِــالــلۿہِ }
✧ العَــاصِـف
فَـاطِـمة الــ مَـاجدي
Instagram ||@ronit_f.7

"لِكُلِّ دَمْعٍ مِنْ مُقْلَةٍ سَبَبُ
وَكَيْفَ يَمْلِكُ دَمْعَ الْعَيْنِ مُكْتَئِبُ
لَوْلا مُكَابَدَةُ الأَشْوَاقِ ما دَمَعَتْ
عَيْنٌ وَلا بَاتَ قَلْبٌ فِي الْحَشَا يَجِبُ"

.......................................

لارا: شلونك حَـبيبي تاخرت مو؟.!

من الصدمه حتى راسي ما اعرف ادوره
ما اعرف ليش عَصبت واني مـا الـي دخل
اصلاً سمعتها تنادي باسمي انداريت
مبتسمه گوه.

لارا: صافنه خيه؟
رؤى: ها ولا شي.
_شنو رأيج بالسبرايز ها؟!
_هه صراحه صدمتيني.

قاطعنا العَاصِف.

العَاصِف: اعرفج على اختي لارا
واضح تعرفيها.

باوعت للارا وفتحت عيني بصدمه
هيَ ضحكت.

لارا: اي ولج اختهه.
رؤى: عود صُدك.
لارا: اي والله.

ابتسمت الها وبعد ما اعرف احجي من الصدمه
وصلني للبيت ودعت لارا ودخلت،
سبحت وبدلت رحت ادور على يارا
لگيتها بالمطبخ.

لارا: لكككككككك هلا يابهههه شوكت اجيتيي.

رؤى: ماشاءالله ما تدرييين!

_لا والله جنت اكلل.
_اذا انخطفت محد يدريي بيه!!
_لا ذاك الشخص يجيبج.
_منو بله؟!
_العافص.
_اي صُدككككك ولج اتذكرتتت اليوم
اكووو صدمه صارتتت.
_لك هلا هلا احب الصدماات گولي.

سردتلها كُل الي صار گامت وعاطت.

_ولجججججججججججج حسب ما يگول
عقلييييي.
_اييييي شيگول.
_يگول هذا العافص هوَ الي جايب اخته
علمودجججج.
_لا ما اضن شبيج.
_ولججج والله اييييي عقلي ما يكذبنيي.
_زين اذا صُدك شكو جايبها على مودي
تحميني مثلاً.
_لا بس حتى يطمئن اكثر وهاي.
_مدري.
_شتدرين انتِ ولجج اويليي تسرسحتت
شنو هل الحب الحلوووو.
_يا حب والله بطرانه.
_والله يحبج من نضراته تلمععع.
_دوليي.
_والله حظوظظظ وي لاگيه احد هيج
يحبججج ويهتم بيج.
_خلي اروح اقرأ احسن.
_دروحي عمي ما دگُليلي مشاعرج
وين ذابتهم بالزبل.
_ايي.
_و وجعيي.
_امداجج خلي اروح اقرأ ما تفيديني انتِ.

صعدت اقرأ بس كلشي ما فهمت ضليت
افكر بكلام يارا معقوله يطلع صح
او لا لا مُستحيل شبيجج رؤى
انتِ اهم شي دراستج لا تفكرين بغير شيي
كملت كم تحضير و وقتت موبايلي ونمت،
گعدت ب3 نزلت اكل شي وصعدت
نفس الروتين اقرأ وادخل اسبح وراها
اصلي مليت كملت صلاه المغرب ورحت
مُداهمه لغرفه يارا.