السلسلة الأولي البيت الكبير عائله الحاج نعمان

1-2-3-4-

البيت الكبير..عائلة الحاج نعمان
بقلم / عادل المتميز
الجزء الأول
....... ..
. هذه القصة خياليه وغير مرتبطة بأي احداث حتي وان كانت متشابه مع اي احداث حدثت بالواقع
تدور احداث القصة في احدي ارياف مصر
في منزل الحاج نعمان .. احدي اكبر واهم
رجال البلد واغناهم فقد كان فاحش الثراء ولديه عددة محلات لبيع العطارة غير الأراضي والبهايم اللي عنده
المنزل .. يشبه القصر وكان يضم افراد عائلتة وابن اخوه احمد كان مسافر المانيا
الدور الأرضي فيه اوضتين كبار جدا وكل اوضة فيها حمامها ومجهزة من مجميعة واحدة علي الشمال بتاعة عصام ومراتة اللي مخلفة ولدين امير وعمر
واللي علي اليمين بتاعة حسين ومراتة اللي مخلفة بنتين سهيلة .ونرجس
وفي النص السلم والصالة كبيرة فيها صالون وانتريه وسفرة بيتجمعوا كلهم عليها
والدور الأول كلة بتاع الحاج نعمان اللي فيه اوضتين اوضة بتاعة الحاجة امينة واوضة مراتة التانية فتحية
والدور فيه بناتة التلاتة اللي
والدور الرابع مجهزة ل للدكتور احمد واوضة مخليها مفروشة وفاضية للظروف
البيت في وسط جنينة كبيرة وفيه البيت الزريبة اللي فيها البهايم علي الشمال وعلي اليمين اوضتين اوضة مربين فيها الطيور
والاوضة التانية كبيرة عاملينها مخزن بيخزنوا فيها البضاعة بتاعة المحلات
ومخزن كبير مبني جنب البيت بيحطوا فيه المحاصيل بتاعة الأرض قبل ما يبعوها لتجار الجملة اللي بتيجي من القاهرة مخصوص علشان تشتري زرعة الحاج نعمان

وفيه كمان جراچ وده له بوابة تانية بتدخل منة العربية المرسيدس بتاعة الحج وعربية
عصام .. وحسين مكنش غاوي سواقة علشان كدة مجبش عربية
الحاج نعمان .. رجل في الخمسين .. وزوجتة الحاجة امينة في نفس عمره او تقل عامان
وزوجتة الثانية فتحية .. كانت تعمل خادمة لديهم في المنزل .. وتزوجها بعد ان وقع في غرامها رغم خلافة من ابنائة
حسين وعصام وبناتة .. الهام .. ونعمة .. ورشا ..
حسين متزوج من اسماء .. وعصام متزوج من زينب.. رشا مخطوبة ل احمد ابن عمها من وهم عيال صغيرين واختها الهام مخطوبة ل جلال ابن العمدة مصليحي والكبيرة نعمة جوزها مسافر العراق ومحدش يعرف عنة حاجة
................................... .......
زغاريط وافراح في منزل المعلم نعمان احتفالا بعودة الدكتور احمد ابن اخوه المعلم نعمان وخطيب ابنتة رشا من المانيا بعد ان اتم دراستة وحصولة علي الدكتوراه بالخارج وتخصصة في النسا والولادة
قصة بقلم عادل االمتميز
الحاجة امينة :: هي طيارة احمد هتوصل امتي ياحاج نعمان
الحاج نعمان :: انا بعت حسين ابنك وعصام
يروحوا يستقبلوه في المطار
الحاجة امينة :: والنبي انا كان هاين عليا اروح بنفسي استقبلة لحسن الولا ده وحشني اوي ياحاج
الحاج :: اهو كلها خمس ست ساعات وتلقيهم داخلين علينا

الباب خبط
الحاج نعمان:: .. مين ؟
زوجة الحاج نعمان الثانية فتحية :: انا ياحاج نعمان
الحاجة :: ادخلي يا فتحية
فتحية :: الولا عوضين بره وبيقولك الجزرين دبحو العجل بتاع الليلة وفاضل ال عجلين اللي هتوزع لحمتهم نية وبيقولك يدبح العجلين دلوقت ولا يستني علي ما الدكتور احمد يوصل بالسلام
الحج نعمان :: لا دول يدبحوا تحت رجلين الدكتور .. خليه يستني لما الدكتور احمد ابن اخويا يجي بالسلامة
ونبهي علي الواد شعبان خليه يشوف الجماعة اللي بتعمل الاكل بتاع الليلة اللي هتتعمل واذا العجل مكفاش ياخد من اللحمة بتاعة العجلين اللي هيدبحوا .. انا عايز البلد كلها تاكل وتتبسط
فتحية :: طيب يا خويا انا بقي هروح اقولة وبعدين ادخل ادبح كام جوز حمام علي ديك رومي كدة لسي الدكتور
الحاج نعمان :: ماشي وخلي البت نعمة هي والبت زينب مرات عصام تساعدك
فتحية :: ماشي ياخويا تؤمرني بحاجة تانية
الحاج نعمان :: ايوة شوفي كدة اسماء خلصت ترويق الدور الفوقاني اللي هيقعد فيه الدكتور ولا لسة .. لحسن انا عارفها بت لوكعاية اوي
فتحية :: حاضر ياحاج .. بالأذن انا