السلسلة الأولي البيت الكبير عائله الحاج نعمان

5-6-7-8

الجزء الخامس
.................

بالليل بعد ما الحاج نعمان روح البيت وعصام وحسين واحمد رجعوا البيت والحريم حطت العشا وكلهم اتلموا علي طرابيزه السفره علشان يتعشوا الحاجة امينة ميلت علي الحاج نعمان وعرفتة ان رشا موافقة انها تشتغل مع خطيبها ممرضة في العياده
وقالت له ان اخته نعمة ا هي كمان عايزة تشتغل معاهم في العيادة
الحاج نعمان ساب الأكل وقال ل امينة حصليني علي اوضتنا عايز اتحدت معاكي يعني يتكلم معاها
الكل بص بأستغراب ومش عارف فيه ايه

الحاج نعمان :: انتي بتقولي ايه ياحاجة نعمة عايزة تشتغل مع احمد
الحاجة :: اه ياخويا وفيها ايه
الحاج نعمان :: طب رشا وخطيبة احمد وهتبقي مراتة نعمة بقي تشتغل معاه بأنهي صفة؟
الحاجة امينة :: ايهي ياراجل متحبكهاش
البت من ساعة ماجوزها سافر ياحبة عيني وهي منكسرة ومهياش عارفة جوزها عايش ولا ميت سابها تشغل وقتها في الشغلانة دي وبعدين مهياش شغالة مع حد غريب دي هتشتغل مع ابن اخوك وخطيب بنتك وهتكون تحت عنينا
الحاج نعمان :: ايوة يا حاجة بس
الحاجة :: مابسش وافق بقي خلي البت تفرح وتلاقي اللي يشغل تفكيرها .. البت عجزت قبل اوانها ياكبدي
الحاج نعمان :: علي قولتك ياحاجة .. خلاص عالبركة .. اندهيلي نعمة طيب من بره
الحاجة امينة :: يخليك لينا ياحاج .. حالا هندهلها
الحاجة امينة :: بت يا نعمة
نعمة :: ايوة ياما
الحاجة :: كلمي ابوكي عايزك في الأوضة
نعمة :: حاضر ياما

نعمة راحت تشوف ابوها الحاج نعمان عايزها في ايه
نعمة :: ايوة يابا امي قالتلي انك عايزني
الحاج نعمان :: تعالي يابنتي عايزك .. اقعدي جنبي هنا علي السرير

بقي امك قالتلي انك عايزه تشتغلي في العيادة اللي هيفتحها احمد ابن عمك .. صحيح الكلام ده
نعمة :: ايوة يابا بس ده بعد اذنك طبعا ورضاك ولو مش موافق يبقي بلاها خالص
الحاج :: لا ياستي انا موافق بس عايز اقولك كلمتين انا هوافق بس علشان انا عايزك تشغلي وقتك وتفكيرك ومش عايزك تحطي في دماغي ايتوها حاجة نهائي غير بس شغلك .. انتي فهماني
نعمة :: صحيح يابا يعني انت موافق .. وراحت موطية علي ايده وباستها
الحاج :: يلا بقي لحسن الاكل زمانة برد هههه
نعمة :: يخليك لينا يابا وميحرمناش منك ابدا يا احسن اب في الدنيا

الحاج نعمان نزل والكل كان قاعد ومستنظر هو هيقول ايه او كان فيه ايه بما فيهم احمد اللي كان فكره راح لبيعيد وكان خايف يكون عرف او وصلة اللي حصل بينة وبين فتحية مراتة
الحاج نعمان قعد وشاف الكل بيبصلة
الحاج نعمان :: جري ايه يا ولاد .. انتوا بتبصولي ليه كدة.. يلا كلة ياكل

فتحية :: الا قولي ياحاج .. هو فيه حاجة ؟
الحاج نعمان :: حاجة ؟ حاجة زي ايه بالظبط
فتحية :: لا انا بس مستغربة اول ماجيت
الحاجة امينة وشوشتك واخدتها وطلعت وبعدين ندهت علي نعمة
الحاج :: جري ايه يافتحية .. مالك في ايه
عموما هقول بصي يا احمد يابني انت كنت كلمتني علي ممرضات تشتغل معاك في العيادة الجديدة مش كدة
احمد :: ايوة ياحاج .. ايه لقيت حد يشتغل معايا
قصة بقلم / عادل المتميز
الحاج :: ايوة يا ابني .. اتنين هيشتغلوا معاك .. حلوين اتنين ؟
احمد :: ياسلام ياحاج حلوين اوي
الحاج :: طب مش عايز تعرف مين الأتنين دول
احمد :: مين ياحاج ؟
الحاج نعمان :: رشا خطيبك ونعمة اختها
عصام :: ايه اللي انت بتقولوا ده ياحاج . ده لا يمكن يحصل ابدآ
حسين :: ازاي الكلام ده .. اخواتي انا يشتغلوا ممرضات في مستشفي
الحاج :: وفيها ايه بس يا ولاد هما هيشتغلوا مع حد غريب
عصام :: والو يابا .. برضو ميصحش .. كدة اهل البلد هياكلوا وشنا
الحاجة امينة :: واهل البلد هياكلوا وشنا ليه بقي .. هما شغالين شغلانة عيب ولا شغلانة عيب
فتحية قاعدة ومضايقة اوي وهي لا علي حامي ولا علي بارد وقامت راحت اوضتها
وبقت رايحة جاية في الأوضة وهي متغاظة ومفروسة .. كان نفسها ان الحاج يرفض او حتي هي كمان تشتغل مع احمد في العيادة