انا چذاب مِن ازعَل و اگلَك رَوح ما اريّدَك
انا مَرات مِن اشتاگ ارَسمَنَك و اگض إيّدَك .
**************
( دُر)
دقائق تحبس الانفاس انهيار صار بينا
بين دعاء جدي وبيبيتي ونفاذ صبر عمامي
ولدهم وبجي عماتي ونسوان عمامي هذا كله
ع جهه ومن اجو اخوته بجهه ثانيه اباوع لشهم
ساند روحه ع الحايط ومغمض عيون وبس شفته
تتحرك الدعاء لتفت شفت لواء حاضن الامير علي
وعلي الدر يزن شابكه عمي محسن ويبجون ثنينهم
اما نور الدين وجعفر الصادق صافنين ع عرفه مال
العمليات البيهه محمد الباقر وشفتهم تتحرك الدعاء
فزيت من صفنتي من طلع لدكتور من غرفة العمليات
باوعلنه وهز راسه بأسف
: سوينه العلينه بس ربك كاتب هذا يومه
البقيه بحياتكم
راح الدكتور وخلانه بشوغتنه بدت أصوات بجي
عمامي ولدهم تعتلي
جعفر الصادق من طلعوا محمد الباقر من غرفة
العمليات ذب روحه عليه ويحجي بشوغه وشهكه
:ولك كوم ولك ياكسرتي كوم حمودي حبيبي والله
مو الك النومه كافي نوم يله كوم يبو طول الحلو
راح يروح طولك وي التراب راح تروح ضحكتك من
البيت سوالفت ريحتك حجيك كله راح يروح
ياكسرتي يخويه
لتفت لشهم
:شهم حاجيه خل يكوم يله حبيبي حمودي كوم خل
تشتري قاط عرسك حبيبتك متانيتك يله كوم
كام يهز بي ويبجي
بجه المستشفى كله عليه
كوما عمي كاظم منه
جدي كال لعمي اثير يرجع النسوان حتى يهيئاً
روحهن صاعدين بسياره اسمع بجي عماتي ونسوان
عمامي وباوعت لشارع ذبيت خصره
يوم 2013/4/6 الساعه 3:23 دقيقة
انتهت قصة محمد الباقر بالدنيا وبدت بالاخره
*******************
عون
اباوع لولد عمي حسن ماتوا من البجي
اباوع لشهم يهز برأسه مامصدك
:ليش هل بجي
لتفتنه ع مصدر الصوت شفت امير وهيثم
اجه امير يركض ع شهم ويهز بي
: احجي ليش ساكت محمد ما مات مو
