بسم الله الرحمن الرحيم
الكاتبه:مريم
لا تنسو التصويت والتعليق بين الفقرات
*****************
لواء:دكتور انتَ متأكد
_اي انتم مو عائلة المريض نور الدين******
محسن: اي دكتور اي
_اي المريض عده صرع
الممرض:دكتور هاي تحاليل المريض
_ تمام تگدر تروح
اباوع للدكتور من قره تحاليل ملامحه تغيرت
الشهم:ها دكتور
_ تكدر تتفضل وياي للمكتب هناك افهمك
_تمام دكتور
رحنه للمكتب
_ دكتور احجي شبي اخوي وشني سالفة الصرع
_ المريض من خلال التحاليل يتناول علاج صرع
لا تنصدم ومن خلال مسيرتي بالطب مايتناول العلاج هيج يتناوله من خلال المشروبات او الاطعمه
يعني اوضحه ألك اكة شخص يحطله العلاج
بالأكل وتقريباً صارله من شهرين الى ثلاث اشهر ونص من يتناول العلاج وجان يشرب علاج نسبته قليله. وتقريباً قبل اسبوع اتناول علاج نسبته عاليه فـ هذا السبب الي خلاله تصير حالته هيج
والشفاء العاجل للمريض
_ اهز براسي يعني شسوي طلعت من مكتب الدكتور
رحت لغرفته اباوعله ملامحه تعبانه
_ شهم
_هاا لواء
_النوبه اجته
_ هزيت راسي
_شهم
_ عيونه لشهم انتَ
رحت يمه كعدت ع سرير مالته
_كول شتريد يروحه لشهم
_شبيه وليش اني هيج تعبان
حسن: لان بكل بساطه حبيبي بيك صرع
درت عليه كبل خزرته
_شهم ابوي شكاعد يحجي
_حبيبي نور الدين مو هيج الموضوع
حسن :لا هيج الموضوع
الشهم_ جدي
ادم:عيون جدكم انتم
_كل لأبنك خل يطلع من المستشفى لان ما أضمن روحي وما عدي مانع هسه اكتله
حسن: هههههه طالع اني يله باي يالمصروع
طلع واني اباوع شهل حقاره الشايله ولا يكول ابنه
_شهم
_روحه انتم
حجه بعبره وغصه
_اريد امي
ضليت صافن رجعت بذكرياتي الى ذاك اليوم المشئوم
عام2008 شهر 5 يوم 18
مجتمعين كلنا كأي عائله ضحك وسوالف
الكل موجودين ما عاده ابوي
شويه وسمعنه صوت سياره
فاطمه: يمه شهم روح شوف ابوك اجه
شهم:توني ارد اكوم وطب ابوي وياه مره
حسن/زمرد: السلام عليكم
الكل: وعليكم السلام
ادم: بويه حسن منين هاي المره
ورده: ايي يمه منين جايب هاي المره المدري شنيه
حسن: بويه هاي مرتي
الكل:شني مرتك
حسن: اي مرتي وعاقد عليها بـ الشرع والمحكمه
فاطمه: واني حسن واني شلتك بين عيوني
ما خليتك تعتاز الشيء دللتك وكلشي تكوله كتلك صار وتامر كتلي ما اريد خلفتي بيها بنات واني كلتك صار ومن اصير حامل ادعي ربي كول ولد مو بت
واني روحي جانت بالبنيه بس الخاطرك
وجبتلك عشر ولد يسدون عين الشمس
ويكولون للگمر انزل احنه مكانك
بعد شتريد وكل هذا وهسه جاي وبكل فخر تكول
هاي مرتي وعاقد عليها شرعاً وقانوناً
زمرد:اوووي حبيبي كلهه خل تسكت دوختني
حسن:اسكتي فاطمه
فاطمه: ليش اسكت لا اني عايفتلك البيت ورايحه
عمي خليتني مو بعينك لا بوسط عينك واني الله شاهد اعزك معزت ابوي وعمتي نفس الشيء وانتي بقام امي وحمويني لا والله صرتوا اخوان واخوات
بس اني هنا حدي رايحه لأهلي ورقت طلاگي توصلني
ادم: الله شاهد يبويه كفيتي وفيتي شهم وصل امك لخوالك يله بويه جهزي روحج
علي: فاطمه
فاطمه:ها
علي:انتِ طالق طالق طالق
رجعت لواقعي ع شهكت نور الدين
_ان شاء الله لا تبجي ييعد عيون شهم
لا تبجي يبعد اخيك
جدي انتَ مابيك حيل ارجع للبيت واخذ وياك عمامي
واحنه ان شاء الله بليل لو باجر الصبح طالعين
اثير: لا بويه جا نخليكم وحدكم
الشهم: عمي والله مابيه لا تعبوني فوك ما أني متعوب ارجعوا للبيت فدوه اروحلكم
ادم: تدلل بويه امشونه ع راحتك بويه
راحوا عمامي واني طلعت اخابر الولد
