حبيتها وقلبي من الحب تايب

بارت 7

وافق ع ذا الاقتراح وجا يغمض عينه بس فتحها لما حس بليان الي تتحرك رفع عيونه للمرايه الي قدامه وشافها ماسكه مخده وتقربها منه بشويش وواضح تبي تفتك منه وتخلص عليه
كايد : نزلي المخده وانكتمي لا اجي اكتمك صدق واقتلك من يوم سبيتيني وانا ساكت لك ترا !
ليان شهقت وقالت : كيف دريت
كايد : شفت انعكاسك من المرايه الي قدامي
ليان : هممم
كايد : مابعطيك ظهري بناظرك لين ماتنامين
ليان : لا لف لاتشوف علي
كايد بعناد : نامي
سكتت ليان وعطته ظهرها وهو بس يناظرها يتأكد مابتسوي شي غبي مره ثانيه قبل الفجر بشوي قام وحط جهاز تنصت بشنطتها عشان يتأكد انها مابتعلم عليه
رجع ينام عندها وشافها صدق نايمه جا الصبح وصحت هي قبله ونزلت بسرعه سوت لنفسها فطور وماسوت له و ركضت لمدرستها
ايمن : شعندها ذي جايه تركض
حمد : اشتاقت لنا
شموخ : شوي شوي يبنت لاتطيحين
ليان وهي تتنفس بسرعه : ها
نوف : شفيك تركضين
ليان : لا حسبت تأخرت
ايمن : طيب
دخلو للمدرسه وهي بس تفكر بالقاتل الي بييتها والي ماتعرف اسمه حتى كانت تتردد اذا تقول لهم او لا وكانت طول اليوم تهوجس وكلهم لاحظو ذا الشي بنص الحصه قال سلطان
سلطان : شعندك انتي
ليان: لا ولاشي
اسيل : متأكده؟
ايمن : احس وراها سالفه يلا تكلمي
ليان : اسكتو بيشوفونا الاستاذ مافيني شي
حمد : شكله ذاك اليوم من الشهر
لفت عليه ليان وابتسمت بتسليك عشان يحسب ان صدق ذا الي صاير
ايمن : اي واضح هرمونات الله يعيننا
حمد : اي بتشخصنها معنا
بالفسحه قعدت تسولف معهم وتركت شنطتها وطلعت تتمشى بس لأن كايد ذكي وواضح انها بنت تتحرك كثير اكيد مابتقعد بالصف طول الوقت حط بلبسها حق المدرسه جهاز ثاني ويسمع وش هي تقول
سمعهم يسولفون طبيعي وماذكرت اي شي
ايمن : من زمان ماسمعنا اخبار عن القاتل هذاك
توترت ليان وقالت : اي خله ينقلع بس
حمد : احس ودي اشوفه
ليان : شتبي فيه اكيد مو حلو
نوف : ع اساس شايفته يعني
ليان : لا بس بالمسلسلات يكونون القاتلين حلوين اما بالحقيقه نادر وانتو ماتعرفونه زين اصلا
اسيل : يعنني تعرفينه زين انتي
ليان بضحكه وهي متورطه : لا ما اعرفه سلامات اتخيل اشوف القاتل ومايقتلني مستحيل
شموخ : الا تصير ممكن تشوفينه وتخقين عليه وماتعرفين انه القاتل
معاذ : كيف يعني؟
شموخ : قد شفت مسلسل وحده حبت واحد يعني صار حبيبها وكذا بس بيوم اكتشفت ان هو القاتل وشافت ندبه ف جسمه ولما سألته ما جاوب هي سكتت بس بالأخبار قد طلعو صوره القاتل مغطي وجهه وكان في ندبه ثانيه عند رقبته من ورا ووضحت بالتصوير وهي شافت نفس الندبه فيه وعرفت ذا الشي
نوف : وللحين حبيبته؟
شموخ : اي تغير عشانها
ليان : كله كذب مافي قاتل يخق ع وحده ماعندهم مشاعر دامهم يقتلون خلق الله بكل برود وبدون اي ذره رحمه تبينه يحب انسانه
ايمن : اتفق مع ليان
معاذ : اقعدو نبي ناكل
نوف : يلا تعالو
قعدو مع بعض وبدو ياكلون
بعدها مرت عليهم الحصص وكانو متفقين يطلعون مع بعض لبيت الشجره بس ليان قالت بتشوف نفسها اذا بتروح او لا
رجعت للبيت ولقته بالصاله مع قطوتها
ليان : لاتقتل قطوتي بعد
كايد : اقتل بشر بس ما اقتل حيوانات
ليان : يمه
كايد : ليه ماسويتي لي فطور
ليان : طباخه عندك انا ؟
كايد : ما اعيد كلمتي جاوبي
ليان : اصلا انا مافطرت
كايد : شاطره ليان مافتحتي فمك ب شي
ليان : ها ؟
كايد : بالمدرسه ماتكلمتي عني صح شوي سبيتي وكذا لكن ماقلتي شي
ليان : وانت شدراك ؟
كايد : عرفت بطريقتي الخاصه
ليان : كيييف؟
كايد : مالك دخل ولاترفعين صوتك لا اقص لسانك الحين
ليان : بقفطك اكيد
كايد : وين بتروحين وشو ذا بيت الشجره
ليان : ولا شي
كايد : بكيفك انقلعي بس
ليان بصوت خفيف : انت الي انقلع من بيتي
كايد وهو يقوم يسوي انه يلحقها :  وش قلتي ؟؟
ركضت ليان بسرعه لغرفتها وسكرت الباب وهو معصب
قامت ليان تضرب نفسها وقالت : يحماره لاتنرفزيهه انتو لحالكم بالبيتت
مر اسبوع وهو معها بالبيت وكانت تحاول تتجاهله وماتزعجه خاصه انه عصبي ويتنرفز من اتفه شي لكنها بدت تتعود ع وجوده لأن ماكان يأذيها بس يهددها ب احد الايام كانت راجعه من مدرستها وعلى طول دخلت غرفتها قعدت بغرفتها ومانزلت ابدا عنده دق باب غرفتها وقالت : من؟
كايد : مين يعني؟
ليان : شتبي
كايد : افتحي الباب
فتحت الباب وهي لابسه بجامه وكان شكلها مره كيوت فيها
ناظرها كايد من فوق لتحت وقعد يناظر عيونها ونزل عيونه ع شفايفها وعض ع شفايفه بالخفيف
لاحظت ليان انه يناظر ع شفايفها وتوترت وقالت : تبي شي حضرتك ؟
كايد : جوعان
ليان : يعني ماتعرف تطبخ؟
كايد : مو مره
ليان : سوي لك اندومي وبس
جت بتسكر الباب لكنه دخل وسكر الباب ولفها عليه وثبتها
ليان : شفيكك
كايد وهو ماسك يدينها بيد وحده وحاطها ع الجدار : ابي اكل انزلي سوي لي
ليان : عندي اختبار مو فاهمته خليني بحالي تكفى
كايد : شوفي اطبخي لي وبذاكر لك وش قلتي ؟
ليان : تعرف تذاكر انت ؟
كايد : اي
ليان : متخرج ؟
كايد : طلعت من المدرسه لما كنت صف ثالث متوسط
ليان : ليه ؟
كايد وهو يقرب من وجهها  : مالك دخل
توترت ليان من قربه ولفت وجهها بالجهه الثانيه لكنه مسك ذقنها ولفها له وقال : ليش ماتناظرين بعيوني
ليان : ها
كايد : لما اكلمك ناظريني
ليان وهي تحط عيونها بعينه ل اول مره : خلاص ناظرتك يلا وخر
ابتعد كايد وقال : بالله انزلي اطبخي
نزلت ليان وهي متنرفزه انه يأمرها وكانت تخاف تعانده ونزلت سوت له اكل بالسريع وحطته قدامه وجت بتروح لغرفتها
مسك كايد يدها قبل لاتروح وقال : اصبري
ليان : وش الحين ؟
كايد : جيبي كتبك بذاكر لك زي ماوعدتك
ليان : لا مايحتاج
ناظرها كايد بحده وقال : قلت لك لاتخليني اعيد كلامي مرتين احمدي ربك عطيتك وجه وبذاكر لك بعد
جابت كتبها وقعدت عنده وقالت : يلا ذاكر لي
قعد يقرا كتابها شوي بعدها قال : شوفي ذا الدرس سهل
ليان : انت ماكملت دراستك كيف تعرف ؟
كايد : مدري بس ذكي انا
ليان : خلاص طيب يلا اشرح
بدا كايد يشرح لها وانصدمت ليان من ذكائه وكيف يعرف يشرح
ليان : كيف كذا صرت قاتل ياخي
كايد نزل عينه وقال : الدنيا تخلي الواحد يصير اسوأ شخص والظروف بعد
ليان : وش ظروفك
كايد :  ما ابي اتكلم عنها
ليان : ليش ماتقول لي اسمك خلاص صار اسبوع وانا بس اناديك يالقاتل او يا ولد
كايد : اسمي كايد
ليان : حلو
كايد : لاتغيرين الموضوع يلا ركزي معي
قعد يشرح لها وكانت تتأمل ملامحه الي كانت تهبل صدق لاحظ كايد انها تناظره طول ماهو يشرح ولف وقال : كم رمش ف عيوني ؟
ليان : مدري بس كثير
كايد : ليان الاجابه مو بوجهي بالله ركزي وجهي مابينفعك بالأختبار
ليان : ماكنت اناظرك اناظر ميمي
ناظر كايد ع ميمي الي قاعده وراه وابتسم لانه داري انها تناظره بس تحاول تصرف الموضوع
قعد يشرح لها لمده ساعتين بدت تحل الاسئله الي حطها لها
بعدها لما جا الليل راحو ينامون وهي متوتره من الاختبار بس واثقه بشرح كايد
راحت للمدرسه ودخلت لقاعه الاختبار وعلى طول بدت تحل كل شي وكان زي الي ذاكره لها كايد بالظبط ونفس الاجوبه
قعدت مع اصحابها طبعا يسولفون بالفسحه والحصص وانتهى اليوم الدراسي ورجعت تركض لبيتها
فتحت الباب واول مادخلت لقت كايد يحط اكل لقطوتها وقالت : كااايد
لف عليها ووقف وقال : هلا
ركضت ليان بعفويه وضمته بقوه وهي تناقز وتقول : الاختبار كان سهل زي ماشرحت ليي وحليت كل شيي متأكده بجيب درجه كامللله
كان منصدم ان في احد ضمه وهو ماقد حس بذا الشعور  لحظتها حس انه مرتاح بعد ماحضنته وضمها بقوه استوعبت ليان وجت تبي تبعد لكنه شدها وقال : ابقي بس شوي
ليان : ليش
سكت وهو يضمها بعدها ابتعد عنها وراح للصاله
انصدمت ليان وراحت غرفتها تبدل ملابسها
ونزلت تحت وشافته قاعد وماسك جواله
كان كايد مايقتل احد وصاير بس يقعد بالبيت راحت له ليان وقالت : شعندك قاعد تدور ضحيه جديده ومالقيت ؟
سكت كايد ومارد عليها
ليان : اقتلني عادي
كايد : ما ابي
ليان : ليش
كايد : تستهبلين ؟ صح اني قاتل بس ماني ناكر عشره اقتل الي سكنتني ببيتها
ليان : سكنتك لانك هددتني مو من طيب خاطر ترا
ضحك كايد من قلب و وقفت ليان بصدمه وهي اول مره تشوفه يضحك لان ولا مره قد ابتسم لها حتى كانت دايم ملامحه جاده وعصبيه
ليان : انت تضحك ؟
كايد : ايوا
ليان : غريب
كايد : ليه
ليان : اول مره اشوفك تضحك
كايد بضحكه: ترا عندي مشاعر واحاسيس زي زيكم بس الظروف خلتني كذا
ليان : ظروف ؟
كايد : ولاشي
قعدت جنبه ليان وقالت : تكفى كايد قول لي
كايد : اقولك ويش
ليان : ليش صرت قاتل
كايد : مو الحين
ليان : طيب
كايد : شاطره
قعدو شوي بصمت بعدها دق جرس البيت وليان كانت بغرفتها راح كايد وهو يفتح الباب وكان ايمن وشموخ عند الباب
كايد : خير ؟
ايمن : سلامااات منن انتت وش تسويي ببيت لياان
كايد : اقول هد لا ادعسك الحين لاترفع صوتك انت الي مين؟
ايمن : وييين لياان
ركضت ليان لما سمعت صوت ايمن وشافت كايد واقف قدامه انصدمت وحاولت ترقع الموضوع
لما وقفت عند الباب سحبها ايمن من يدها وهو يشدها له لكن كايد مسكها بسرعه وشدها له هو بعد
ايمن : فك يدهاا
كايد : ماني فاك وش بتسوي مثلا
ليان : ايمن هدي
ايمن : من ذااا
شموخ : ايمن اصبر
ايمن : الا من ذا قولي ليان لاترفعين ضغطي
كايد بضحكه : ليش تصارخ عليها
ايمن : ماالكك دخللل
كايد :  يعنني بتخوفني اقول والله لادعسك الحين
ايمن وهو يتقدم ويمسك كايد من ثوبه : والله انت الي بتندعسس
ابعدته ليان بسرعه وهي تقول : ايييمنن وخرر عنه
ايمن : ليش تدافعيين عنهه
ليان وهي تحاول تدور سبب وقالت بسرعه عشان تدارك الوضع : ذا حبيبي ماعرفتكمم علييه
لف كايد بصدمه عليها وقال : حبيبك ؟
ليان وهي تناظره وقربت منه وحطت يدها ورا يده وقرصته وقالت بصوت خفيف : سوي انك حبيبي بنمثل عليهم
كايد : طيب
ايمن : حبيبك؟؟
شموخ : ليشش ماقلتيي
ليان : كنت ناويه اعرفكم عليه بعد الاختبارات وكذا
ايمن : مننجددك؟
ليان : اي صادقه
ايمن : معليش اعتذر ماعرفت انك حبيبها
كايد : لا عادي
ليان : بتدخلون؟
ايمن : اي
دخلو بالصاله وبعدها جو اصحابها كلهم يوم سمعو عن حبيبها
استغرب كايد من عددهم وحاول يسلك لهم وهو متنرفز
ايمن : الا وش اسمك ؟
سلطان : كم عمرك ؟
نوف : وش تشتغل ؟
حمد : قد ضاربت ؟
كايد بداخله : انا ما اضارب يحبيبي انا اقتل مثل ما ودي اني اقتلك الحين
كايد : تحقيق هو ؟
ايمن: نبي نتعرف عليك
كايد : اسمي كايد والباقي مالكم دخل فيه
حمد : عمرك؟
كايد : ٢٤
اسيل : يوو شايب
كايد ناظرها بحده وقال : وش قلتي !؟
اسيل : امزح
كايد : لاتمزحين وتسوين تمونين وتوك تعرفيني
ليان : كايدد
كايد : عيون كايد
استحت ليان لحظتها وقالت : لا بس
كايد : ها يعيونه وش بغيتي
ليان : لا ولاشي
نوف : كيف تعرفتو ؟
ليان : يوو ذي يبيلها جلسه
شادن : يلا يلا قولي
ليان : طبعا اول شي كنت رايحه المكتبه اشتري كتب وكذا كان في كتاب مره عالي ماقدرت اوصل له لكنه جا وساعدني وجابه بعدها صارت بيننا نظرات وكذا وصار كل يوم يجي عشان يشوفني وصرنا نتكلم وبكذا تعرفنا
ضحك كايد على كذبتها التافهه ولف ايمن وقال : وش الي يضحك
كايد : لا بس تذكرت موقف لاتهتمون خلاص
تفشلت ليان وهي عارفه انه يضحك عليها تجمعت الدموع بعيونها بعد ماناظرته
ناظرها كايد واول ماشاف دموعها تغيرت ملامح وجهه لملامح هاديه ومتوتره قامت هي من الجلسه وركضت للمطبخ وقالت بتسوي لهم شي  قعد كايد شوي ولحقها دخل المطبخ وشافها تحاول تمسح دموعها وتجيب صحن مرتفع تقدم وقرب من وراها وهو ينزله لها لفت تناظره وكان اطول منها بكثير نزل راسه يناظرها ودفته
كايد : وشو قاعد اسوي نفس الحركه الي تعرفنا فيهاا
ليان : مايضحك
كايد : شفيك
ليان : ولاشي وخر
قرب كايد وهو يثبتها ويحط يديه بينها وهي بالنص
ليان : وخرر قلت
رفع كايد يده وحطها ع خدودها وبعدها بدا يمسح دموعها وقال : لاتبكين انا اسف
ليان : ليش
كايد : عشاني ضحكت ع كلامك
ليان : انت تعتذر مني الحين ؟
كايد : ايوا
ليان : خلاص اجل ابعد
كايد : راضيه ؟
حاولت تدفه لكنه بدا يلعب معها وكنه يبي يدغدغها من بطنها
ليان بضحكه : خلاصص رضيت ابعد
كايد ب ابتسامه : ابشري
ليان : كايد
كايد : لبيه
ليان : تكفى لاتفشلني قدامهم غير شخصيتك ادري ماتعجبك حركاتهم ومايعجبك كلامهم بس عشاني تكفى لاني داريه بعدها بيجون يقولون انه مو مناسبك ومدري وش ولو درو انك تسكن معي وانك مو حبيبي اصلا مدري وش بيصير
كايد :  ابشري من عيوني هذي قبل هذي اوعدك مابفشلك قدامهم وبحاول اصير نفس جوهم مع ان ذا الشي يضايقني وما احب الناس
ليان : وانا ؟
كايد : انتي غير
طلع من المطبخ وتركها وهي تفكر بكلامه ابتسمت وسوت لهم شاهي وطلعت وهي مستحيه
ناظرت على كايد ونزلت عيونها وبدت تسولف مع اصحابها
حمد : الا تخيلو وش
ليان : وشو
حمد: تذكرون استاذ سالم صح ؟
نوف : شفيه
حمد : تخيلو نقلوه مدرسه ثانيه وذي المره ماتحرش لكنه اغتصب طالبه
شهقت شموخ وهي تقول : وشششش
ليان: الله ياااخذهه خييير يكفي تحرش بمريم وساعدناها والحين اغتصبب مايتوبب ذاا
حمد: ايي والله يعني خير ان شاء الله
كايد : من ذا
ليان : ذا كان معلم ف صفنا وتحرش ببنت ويهددها بصورها وسوينا خطه ان احد يشتته ودخلت انا وايمن نحذف كل الصور واشتكينا عليه وحاول يتحرش ب اسيل بعد
سلطان : الحمدالله حمد كان هناك
اسيل : اي والله
كايد : انتي اسيل ؟
اسيل : ايوا
كايد : تمام
ايمن : يلا بنروح نحن
كايد : يلا فمان الله تشرفنا
ايمن : الشرف لنا
سلطان : لانوصيك على بنتنا ليان ياويلك تزعلها فاهمم!!
ناظر كايد بليان وابتسم بخبث وقال : لا ما بزعلها ابداا
فهمت ليان نظرته وقالت بداخلها : الله يعين بينكد علي اليوم اسمه كايد ويكيد علي
ودعوهم بعدها كايد سكر الباب ولف عليها وقال : مالقيتي تقولي غير اني حبيبك ؟
ليان : مدري ذا جا ف بالي
كايد : لو قلتي معلم خصوصي او شي
ليان : مستعد تدرسهم كلهم ؟
كايد : لا انا انتي وبالقوه مستحمل ساعه لحد ماتفهمين وبنص الشرح تسرحين بوجهي
ليان تفشلت وقالت : حتى انت دايم اشوفك تناظرني واضح اني حلوه
كايد : اقول انقلعي بس يلا
ليان : انت الي انقلع
مسكها كايد من كتفها بقوه وقال : اشوف طلع لك لسان
ليان : وجع فكني من زمان عندي لساننن
كايد وهو يزيد من مسكته لها : صوتك ذا ماترفعينه علي ولا بقص لسانك
طلعت ليان لسانها تبي تنرفزه وقالت : ها يلا قصه
ناظر لسانها وقال : سلامات يبوي صاحيه انتي ؟
ليان : قصه مو قلت بتقص لساني اذا رفعت صوتي ؟
كايد : اجل تعالي الحين اقصه
جا بيطلع سكين ويقربه منها لكنها دخلت لسانها وركضت لغرفتها ضحك عليها وهو يهز راسه بسبب حركاتها الطفوليه الي بتجننه
بالليل نزلت وكانو قاعدين بالصاله بس فجأه طفت الكهرب عليهم نطت ليان وهي تصرخ عند كايد ومسكت يده
حس كايد لما مسكته واستغرب وقال : شعندك
ليان : اخاف من الظلام
كايد : بالله
ليان : اي
كايد : لاتخافين بقوم اجيب شموع الحين
جا بيقوم لكنها قامت معه وهي متمسكه فيه بقوه
كايد : اقعدي
ليان : ما ابي اقعد لحالي بجي معك
كايد : طيب
راح يجيب الشموع وولعها وصار في ضوء خفيف قعدو كم دقيقه واشتغل الكهرب
ليان : اخيرا
ناظر كايد على يديها وناظرها شافته ليان وشافت انها ماسكه يده وابعدتها عنه بسرعه وقالت : اسفه من الخوف مسكت يدك
كايد : لا عادي
قامت من عنده ودخلت غرفتها بس خافت تطفي الكهرب مره ثانيه ونزلت وقعدت بالصاله بس بعيد عنه وانشغلت بجوالها