يوم جديد بالديره ..
الساعه4:30.العصر.
كانت جالسه بغرفتها ..
وهي تفكر بإحفادها و ولدها ..عرفت بخطبة ألفاروق لبنت نجم ..
و فرحت بالمره بس ما تشوف أي حماس أو شغف بعيون ألفاروق ..
تأففت بخفيف وهي تستغفر بينها وبين نفسها ..
التفتت ناحية الباب و ابتسمت بهدوء وهي تشوف ألفاروق و بهاء داخلين غرفتها ..
و كل واحد ماسك بيده شي ..
حلا و قهوه ..
يلحقهم نواف الي هادئ من يوم وصل ..
جلسوا قدام الشيخه بس ع الأرض ..
قالت وهي معقّده حواجبها: أجلسوا ع الكنب ليه بالإرض؟
بهاء هز رأسه وقال: نحب قعدة الأرض وبعدين عشان نتأمل وجهك الجميل.
ضحكت بخفه من لسان بهاء المعسول و ألتفتت لـ نواف الي جلس بجنبها ..
و قالت وهي تمسح ع كتفه بحنان: شحالك ياولدي؟ عساك ارتحت بالنومه؟
نواف ابتسم و سند رأسه ع كتفها و طبع قُبّلة خفيفه ع كتفها وقال: ايه ارتحت يامي.
ابتسمت و رفعت أيدها تمسح ع خصلاته الذهبيه الي أخذها من أبوه بس الملامح أمه بنت الشيخه ..
تنهدت من ذكرى عيالها الي راحوا كلهم و مابقى لها إلا تركي ..
التفتت و هي تنتبه لسوالف العيال ..
ألفاروق مّد لها فنجال قهوه و صحن صغير فيه الحلا ..
قال بهاء بفخر: كُلي يا شيخة الحريم و اعطيني رأيك بالحلا تراني أنا مسويه.
الشيخه جوري ناظرت شكل الحلا وضحكت: والله الشكل ماش بس نشوف الطعم.
بهاء يناظرها بترقب و هي تأكل من الحلا ..
ألفاروق ضحك وقال: قلت لك رتب الشكل بس انت أصريت و قلت اهم شي الطعم .
أنت تقرأ
وِفــاق
Romanceطولت فالغياب!! للحين تحبني؟ هالروايه من وحي الخيال عكس روايتي الأولى .. اي تشابه بـ أسماء القبائل مجرد صدفة"(: _قي_عاميه_ -الي مايحب هالنوع اتمنى لا يدخل.