ظلام يداس عالمي

مشهد

لا اعلمَ أنا التي لم أعد اُبالي أم أن الحياة جعلت مني شخص لا يشعر
أم أنَ الحُزن أصبح جزءًُ من حياتي
لم أعد أشعر
لا أعرفَ ما بِداخلي
حقاً أنا مُتعبهَ

كاعده وتسمع اصرخ ابويه وابو ثائر والناس الي تباوعلي ويهمسون بينهم واسمع كل كلمه منهم مثل سجين بكَلبي من بين كل حجيهم سمعت كلام بنت خالته

قمر: اكيد ثائر شاف شي منها لهذا شي عافها منو يعوف عرسه ويشرد احتمال كشفها مو بنت

فرح: قمر احترمي نفسج جيهان مابيها شي وثائر اكيد مايعوفها هو كتل نفسه عليها يجوز صاير ازدحام او شي هسه يجي

تسمع كلامهن باخير دخل ابويه وجاء يمي منزل راسه مايباوعلي وجه من قهر صاير اسود مسك ايدي وكال :
بنتي امشي نروح للبيت ثائر ماراح يجي

ضليت صافنة كام يمشي بيه واني ماعرف بشنو تحس مستحيل ثائر يعوفني اكيد صار ويا شي اخذني للسيارة اخويه يسوق وابويه يمه واني كاعده وراء وتفكر ليش عافني وهو يعرف اني مكسوره يعرف اني ولا شي ضليت اسأل نفسي ليش وليش كلمة ليش تضلت ارددها ماحسيت غير انفتح باب سيارة وشفت نرمين تباوعلي وتبجي وحضتني واخذتني للبيت باوعت لاخواتي شلون يبجون عليه عفتهن وراحت للغرفة سديت باب ضليت اباوع للحايط بدون اي تفكير بس صافنة ماعرف شكد مر وقت سمعت أصوات عالية برا وبين كل أصوات ركزت بصوت ثائر وهو يصرخ فرحت يعني ماعافني فتحت باب وراحت بينهم شفته كدامي مايباوع بوجهي ويصرخ بابويه واخويه يريد يضربه وعمي ماسك بي باوعلي وصار يضحك وياشر بيده عليه وادرف

ثائر: شوف بنتك انكسرت مثل ماكسرت عمتي هسه بنتك هم انكسرت بعد محد يباوع بوجه بنتك انت من كل عقلك اتزوج بنتك اني انقرف من شوفتها دام من دمك وصخ

محمد: ولكك كو** اختي اشرف منك لو انت زلمة تعال حيوا** ولكمم عوفني اليوم موتك على أيدي

ضحكت بصوت عالي واني اباوعله تقربت منه وهو انصدم برد فعلي ضل جامد كدامي تقربت كلش منه وحجيت بروده

جيهان: طلكني

برود ثائر: طلكج يعني موت اهلج اختاري

جيهان: راح اندمك على كل كلمة حجيتها بحقي