حبيتك بعد كل المصايب و جيتك بكل وجيهي ياريم البهاج

البارت السادس عشر

ماسكه الجوال و تبتسم شك انه صدق نسته و حبت احد ثاني قال بقله(وانا وش دخني تحب الي تبي ها ما احبها) طلع و دخلت نوره وهي تبتسم و تحضن ريم و جلست ريم تقول لها خطتها الجديده و هي تدري ان بهاج سمعها وان ماهي فاقده الذاكره بس تبين يندم على كل الي سواه لها بالبيت أبو ناصر قال وهو يفطر مع الكل.
أبو ناصر:ياولدي راح أزوجك بنت وراح تحبها و مافيه لا.
ناصر ناظر لين تبتسم استغرب و هي كانت تبتسم تحسبه انها هي بس صدمهم أبو ناصر وهو يقول..
أبو ناصر:أبيه يتزوج رهف.
ناصر انصدم:والله ما أتزوجها يايبه مابيها.
أبو ناصر:ولا كلمه انت مالك شغل.
ام رهف:والله ذي الساعه المبارك وانا موافقه بس بنتي.
ماكملت كلامها إلا أبو بهاج يتكلم:زواج ناصر و رهف مافيه وماراح يصير.
أبو ناصر:وليه ي سعود مراح يصير .؟
أبو بهاج:ي تركي مدام ولدك رافض ف مو لازم تزوجه غصب.
ام رهف:ي سعود لا تنصح احد و انت مانصحك نفسك.
أبو بهاج:وش قصدك.؟
ام رهف:انت مجلي انت زوجة بهاج بالغصب؟.
دخل بهاج و ريم وسالم ونوره وهم يضحكون و بهاج سمع كلام ام رهف.
أبو بهاج:لا سالته وهو وافق.
بهاج:صح أنا وافقت بإرادتي و محد يقدر يغصبني على شي انا ما أبيه.
ناضرت فيه رهف وقالت:يعني تحب ريم.؟
ريم لفت لها وهي تضحك:ماقلتي لي بالمستشفى انك اختي و ذا زوجي و هو مغصوب علي وهو يحبك كيف الحين تسألينه إذا يحبني.
رهف نزلت رأسها لتحت و أبو بهاج عصب:كيف يارهف تقولين ذا الكلام ل ريم.؟
ريم:ياعم يعني كل كلامها خطاء.؟
أبو بهاج:يابنتي هي أختك بس الباقي خطاء بهاج زوجك انتي و يحبك انتي صح يابهاج ولا لا؟.
بهاج:هااااا إلا إلا احب زوجتي استأذنكم بروح انام قبل اروح العزبه.
أبو بهاج:مراح تروح لان فيه عزيمه الليله على شرف ريم.
ريم:كثر الله خيرك ياعم.
ريم:أجل انا استأذنكم.
بهاج مسك يدها علشان ماتطيح وكانت هي مبتسمه على جنب و لين معها الجوال تصورهم و ناصر يطالع فيها وهو ساكت و رهف ماتت مكانها من القهر وهي تشوفهم يضحكون وماسكين يدي بعض بهاج عرف هنا انه شوي شوي صار يلين ل ريم و يخاف عليها بس كذب نفسه انه يحبها دخلو الغرفه و ريم راحت تبدل ملابسها ولبست بنطلون ابيضّ و بلوزه زرقاء و شعرها مبلول و بهاج علطول دخل بعدها طلع وشافها تحط روج و تتعطر لفت له وشأفته لابس ثوب ابيضّ وشعره مبلول ماء.
بهاج:لين الاستشوار وليه لابسه كذا تعرفين ان ابوي يعصب ومايحب الي تلبس كذا.؟
ريم:اسفه نسيت.؟
بهاج:ماعلينا انتي فاقده الذاكره اكيد ناسه روحي غيري لبسك.
راحت ريم تغير لبسها و لبست قميص مشجر و حلو و طلعت وهي تضحك وتلف على نفسها.
ريم:حلو.؟
بهاج لف لها:ايه كذا حلو تعالي ما اعرف ل الاستشوار حقس.
ريم قربت كرسي وجلست عليه و شغلته و انفجر على وجهها و صار وجهها كله طحين ضحك بهاج على شكلها وكيف صارت كلها ابيضّ ريم شافته يضحك وعصبت قامت و صارت تركض وراه وهو يطلع برا الغرفه و يركض وهي وراه عصب أبو بهاج.
أبو بهاج:انتي وهو يعب عيب ما انتم صغار.
وقف بهاج وهي خذت ماء و شت عليه.
أبو بهاج:بنت وش سويتي.؟
ريم صار تضحك وبهاج جاء يبي يرشها بالماء بس أبو بهاج أخذ العصاء و ضربه مع رأسه وهو جلس وهو يتوعد ريم و ريم تطلع لسانها و أبو بهاج شافها و أخذ فلفل.
أبو بهاج:يابنتي ريم تعالي عندي.
ريم راحت له وجلست عنده:امر ياعم.
أبو بهاج:افتحي افمك.
ريم فتحت و جاب خبزه فيها الفلفل و حطها بفمها و ريم ابتسمت له و أكلتها و صارت تصارخ و بهاج يضحك والكل يضحك.
ريم وهي تأخذ البن و تشربه:ليه ياعمي تسوي كذا بي.؟
أبو بهاج وهو يضحك:علشان ما تطلعين لسانك.
ريم صارت تشرب ولا فايده.
لين:خلاص شربتي كل البن يابنت.
ريم:مالك دخل.
جاء اليل و المعازيم قربو يجون و الكل يشتغل و ريم كانت تسوي الحلى و لين القهوه و نوره الشاهي و رهف تقطع السلطه راحت ريم تلبس ودخلت الغرفه وكانت
مرههه بارده وظلام فتحت الأضواء و دخلت تأخذ لها دش و طلعت ولبست فستان احمرررر وضيق شوي
وخصرها بارز و دخل بهاج وشافها طالع فيها و هو منبهر بجمالها وكيف هي جميله مرههه.
بهاج:إذا خلصتي انزلي تحت ساعدي امي.
ريم:تمام.
وبالفعل نزلت ريم و الكل صار يناظر فيها سلمت على الحريم وجلست عند امها
وهي مستحيه.
العجوز:يابنتي.
ريم:هلا.
العجوز:ياحلوسسس ويازيسسس وش ذا الزين كله.
ريم ابتسمت وصار وجهها احمر من الخجل.
العجوز:يا ام ريم حنا حاجزينها ل ولدنا.
ريم انصدمت و رهف و لين و نوره ضحكننن و رهف استأنس علشان تقول ل بهاج الي صار ويعصب
أم ريم:والله بنتي متزوجه.
العجوز:ماشاءالله محظوظه الي مآخذها.
ريم وهي بقلبها:تشوف الكل يبيني إلا انت اخ بس اخ.
لين طلعت برا و شافته واقف يصور مالك و هو يضحك
قربت منه وهي تدور شي علشان بس تتكلم معه.
لين:مالك امك تبيك.
مالك:وش ذا الذين ياخالتووو.
لين وهي تقرب منه وتبوسه و تقلد كلامه:وش ذا الذين ي ملوكييي.
مالك:احبكككك خالتوووو.
لين:وانا يالله روح يم امك.
مالك:خالو انت لازم تتزوج لين.
ناصر:وليه أتزوجها؟.
مالك:لان خالتو لين احلى بنت.
لين:يالله ياملوكييي يم امككك.
مالك:ابشري.
راح يركض و ناصر طالع فيها و كانت لابسه فستان بيبي بنك حلو و ضيق من عند الخصر و وسيع من تحت
وشعرها ويفي و مو حاطه مكياج.
طالع فيها و قرب منها وهو هايم فيها و في جمالها.
ناصر:تدرين اني احبس؟.
لين:ماجلي تحب رانيا.؟
ناصر:من رانيا عندك أصلا.
لين:طيب خلني لا احد يشوفنا.
ناصر:ولو شافوننا انتي زوجتي.
لين وهي تحاول تبعد عنه:متى صرت زوجتك.؟
عند نوره راح يم المطبخ تبي تشوف العشاء و شافت
المرق حق اللحم مندفق(متدفق)بكل مكان راح تبي تمشي و شافت سالم يمشي و تسحلق هو والقهوه الي معه و صار ثوبه كله اصفر من القهوه و هي صارت تضحك وهو نسى نفسه وصار يطالع فيها.
كانت لابسه فستان بيبي بلو ضيق مره و شعرها ستريت و مكياج خفيف.
سالم:بدال تضحكين تعالي ساعديني.
نوره:هههههههه شكلك يضحك.
راح تله ومدت يدها له و مسكها و رجع طاح وهي
بس تضحك عليه.
سالم:نورهههه.
نوره وهي مو واعيه على نفسها:هههههههه لبيه.
سالم طالع فيها وهو منصدم هي قالت له لبيه
سالم:نوره عيدي الكلمه.
نوره استوعبت على نفسها:وش الكلمه.؟
سالم:لاتسوين نفسك غبيه اخلصي قوليها.
نوره راح وهي تضحك:ماقلت شي باي.
سالم:هين والله أخليك تندمين والله.
رهف دقت على بهاج بس مارد و صارت تدق ورا بعض وهو عصب وقام لها و شافها واقفه عند باب المطبخ.
بهاج:ش تبين انتي الحين.؟
رهف:جايبه لك بشاره.
بهاج:وش البشاره اكيد أنا تبن مثلس.؟
رهف:قل الي انت تبي خايسه او حلوه بس اسمع اول شي ريم. وزوجتك داخل الحريم يخطبنها.
بهاج اسلم و حس بنيران داخله:وش وش زوجتي تنخطب وليه مايدرون انها زوجتي.؟
رهف:ولا بعد تسوي نفسها تستحي تخيل بس.
بهاج:مكيفها لو تستحي بالطقاق بس يخطبونها لا روحي ناديها لي.؟
رهف:ابشر.
راحت وهي فرحانه تحسبه يبي يضربها.
رهف:ريم.
ريم وهي تناظرها بطرف عين:هلا.
رهف:بهاج يبيس.
ريم فرحت انه نادها علشان تفتك من الحريم:تمام.
راحت ريم وشأفته ملقيها ظهره و كان يشرب ماء و جت عنده و لمست خرفه وهي تقول.
ريم:بهاج بقيت شي.؟
بهاج لف لها و هو النيران بقلبه:لا والله بس سمعت انس مخطوبه.؟
ريم:ههههههه ايه و ابشرك الكل انفتن بي.
بهاج:وتتفاخرين بعد.؟
ريم:على الأقل فيه احد يقدرني.
بهاج مسك معصمها وهو معصب:ريممممم عدلي أسلوبس ترا انا بهاج مو اي احد.
ريم وهي تفك يده منه:لا والله ذا الناقص تمد يدك اول كذا كنت تمد يدك او بس لما فقدت الذاكره.؟
بهاج:لا ولا عمري مديتها بس لا تخليني أمدها.
ريم قربت منه وهي تهمس له.
همست له ريم باذنه:أتحداك.
و بعدت عنه و باست خده و مشت من قدامه وهو كان واقف مكانه معصب بس لما
باستن ارتخى ونسى كل شي و صار يراقبها الين اختفت قال قصيده وهو يرفع رأسه
ل القمر.
[ شعرك الأسود عطاك من الصفات
ليله ظلما ونور بدرها
..............
والله ان فستانك الأحمر شتات
شتت عيون الحساد وزود
قهرها. ]
سكت وابتسم و راح للعيال و كان فيه الكل يضحك ومستأنسين
لين انفكت منه و جت تبي تروح مسكها و قربها منه و قال.
ناصر:تشوفين القمر ذا.؟
لين وهي مبتسمه:ايه.
ناصر:انتي احلى منه.
لين:كذاب وأكبر كذاب.
ناصر لف لها و طالع فيها و باسها من خدها وهي صار وجهها احمر و هو ابتسم
و قال:
[ مثل القمر وجهك مع الليل وضّاح
سبحان من صوّر جمالك وتمّه
................
مافيه غيرك في سما خافقي لاح
حتى بغيابك طيف روحك ألمه. ]
ضحكت لين و صارت تقفز و هو يمسكها وهي تقول.
لين:صح لسانكككككك.
ناصر:صح بدنس.
لين:ناصر خلني اروح امانه قبل تجي الجنين نوره.
ناصر:بشرط.
لين:تم بس وش.؟
ناصر:بوسيني من خدي.
لين استحت:اممم الشكوى ل الله.
ناصر:يالله اخلصي.
لين حاولت تأصله بس مافيه فايده و نزل لها هو وهو يضحك.
و باسته و اطلقها و هي هجت وهي وجهها احمررررر راحت و نوره شافتها وهي تضحك.
نوره:وش صار.
لين:ماصار شي.
نوره صارت تغمز للين:وش سوا ناصر لك علشان يصير وجهك احمر؟.
لين:وش دخل ناصر ماله دخل.
نوره:اوكيه اساله.
لين:لا طلبتس لا تسألينه.
نوره صارت تضحك وراحت:تمام.
عند العيال الكل يسولف و سالم جاهم وهو معصب.
سالم:عيال.
الكل:هلا.
سالم:بسوي مقلب ب البنات وش رايكم.؟
فهد:وش تبي بالبنات.؟
سالم:انت مالك شغل لأنك تبي تروح تقول ل حبيبتك.
فهد ضحك:هههههه لا ابد والله ما اعلمها.
سالم قال لهم الخطه و هم صارو يضحكون و الكل وافق.
عند البنات ريما كانت لابسه فستان اصفر به ورد و مسويه تسويحة ذيل الحصان.
ريما:بنات اسمعو وش رايكم نروح البقاله او الحديقه.؟
لين:علشان نموت.
نوره:لا وش دخل أنا اقول تم.
لين:خبول( اغبياء ) ابوي لو درا راح يذبحنا.
ريم:أنا تم.
نوره:اجل كلنا إلا انتي اجلسي عند رهف.
لين:لا لا ابي اروح معكن والله ما اقعد عند البقره.
طلعن البنات برا و كانن لابسات عبات و كل البنات يضحكن و يسولفن.
لين:بنات احس رهف راح تعلم علينا.
ريما:خليها بس تجرب والله لا اذبحها مكانها عاد أنا أدور الزله عليها.
ريم وهي تضحك:هههههههه اي والله كريهه.
لين:أشوا انس مو صدق فاقده الذاكره كان الحين تقولين ذي اختي.
ريم:يعععع لا شكرا.
نوره:هههههههه اي والله الحمدلله انس مافقدتي الذاكره.
ريما:بنات خلونا ندخل البقاله.
الكل:تم.
راحن للبقاله وأخذن عسكريمات و عصيرات و شبسات و حلويات.
طلعن وراحن يم الحديقه وهو جالسات ويسولفن و يضحكن شافن مالك يركب يمهن و يصيح.
ريم:وش فيككك.
مالك وهو ماسك الضحكه:خالو خالو.
لين فزت من مكانها:وش فيه مالك منّ خالك.؟
مالك:خالو بهاج طاح عليهم.
ريم:وشششششش.؟
لين:ريم لا تبينين انس تخافين عليه علشان يحسبن انس صدق فاقده الذاكره.
ريم:تم.
راحت يركضن و خلن الفرشه و الأكل و الأشياء مكانها و هن يركضن و خايفات.
وصلن البنات وشافن بهاج طايح والعيال ماسكين ضحكتهم و لين تبكي و تصحيه.
لين:بهاج بهاج وانا اختك اصحىىى.
سالم:ريم ذا زوجك حتى مابكيتي.
ريم:وليه ابكي من هو علشان ابكي عليه.؟
بهاج سمعها وانصدم وشوي و يقوم و يذبحها قال بقلبه:وش وش تحمد ربها اني متزوجها ولا كل البنات يتمنوني اخ بس اخ.
سالم طالع فيها وهو مصدوم:كيف من هو ذا حبيبس و زوجس ياخبله.
ريم:زوجي بس يعقب انه يكون حبيبي.
رهف جت من بعيد و شافت بهاج طايح وراحت له وهي تبكي و تصارخ الكل لف لها و انصدمو من خوفها على بهاج.
سالم:هايههههه يابنت ترا مو زوجك ريم هو زوجها ماخافت عليه كذا.
رهف:لأنها خبله و غبيه.
ريم:هايهههه ترا اسمعس يابقره.
لين و نوره:بعدي بعدي عنه.
رهف:مالكمممم دخل و دقو على الإسعاف.
بهاج كان ساكت فهد و ناصر ماسكين ضحكتهم و سالم منصدم.
ريم:ياتبن انتي وش إسعافه خليه يموت و افتك منه.
ريم ماكملت كلامها إلا قام بهاج وهو معصب و الكل صار يضحك و ريم مصدومه و كل البنات مصدومات و العيال يضحكن على شكله.
بهاج:ياتبن انتي ترا أنا زوجك تبيني أموت ليه.؟
ريم:لأنك مو جوي.
بهاج:عد وش اسوي إذا جوس و ذوقس خايسسس.؟
رهف راحت تركض تحضن بهاج و هو منصدم منها و ريم انقهرت منها.
بهاج:يعععع ريحتس بصل وخري عنيييي.
الكل صار يضحكككك على رهف و رهف استحت و بعدت عنه.
بهاج:وخري عني زوجتي مخافت علي تجين انتي.؟
رهف:لأنها ماتحبك ولا تقدر النعمه.
بهاج:صدقتي بذي.
ريم:ماشاءالله الحين هي صدقت.؟
بهاج:ايه.
كان ناصر طايح بالأرض يضحك هو و فهد و ريما و نوره و لين و رهف يبكن و سالم و ريم منصدمين
فجاءه يفتح الباب بقوه و الكل يخاف و ريم تصيح.
ريم:يمااااااهههههه جنيييييي.
أبو بهاج:الجني براسة ماتستحون انتم.
ريم:ها لا ياعم والله احسبك جني.
الكل صار يضحك عليها وعلى تبريرها الخايسسس.
أبو بهاج:أنا أوريكم الجني بعد العزيمه يالله كل واحد يذلف يشتغل.
نوره:ياويلناااا نبي نأكلها شكلنا.
سالم:ابشرك وكله بسبب الخبله ريم.
ريم:اففف والله احسبه جني وش اسوي.
أبو بهاج ضربها بالعصاء:يالله يالله.
ريم:تمام.
الكل صار يضحك على شكل ريم وكيف كانت تضحكككك.
——————/—————————
حاولت اطول البات وذي ٣الف كلمه ل عيونكم
عاد لا تنسون النجمه و الكومنت و حياكم انستا
💗💗💋💋[la126178]