حبيتك بعد كل المصايب و جيتك بكل وجيهي ياريم البهاج

الخامس و عشرون

ام ريم:وشلون مافيه شي و انت تصارخ
بهاج:والله ياخاله ريم مسكره الباب على نفسها
فتحت ريم الباب و هي عيونها حمر و راحت ل الحمام
ام ريم:تفاهم معها أنا بروح اجهز العشاء لكم الليله عندنا عزيمه عائليه
بهاج باس رأسها:يعطيي العافيه يارب
دخل الغرفه و سكر الباب و جلس على الكنبه ينتظرها تطلع طلعت ريم وهي تشوفه نايم على الكنبه خلته نايم و راحت ل البنات وهي معصبه و منقهره من الهنوف
ريم:بنات تخيلو بس ذا الناقص تبكي عنده ياخييي تقهرررررر
لين:والله ماني متطمنه منهن و من خطتهن ابد
نوره:حتى أنا بس بهاج عصب عليس؟!
ريم:ايه عصب بس سويت نفسي نايمه و لما نام طلعت
رهف وهي تنسدح على رجل ريم و تطالع ل السطح:تحسين أحمد يحبني؟!
نوره و ريم و لين ضحكننن عليها هن بوادي و هي بوادي
ريم وهي تلعب برأس رهف:والله يا روح اختس انتي هو لو ما حبس أنا أحبس أصلا من الي يشوفس و ما يحب اختي التوأم
قامت رهف وهي تبوس غمازات ريم وهي تضحك و ريم تبعدها عنها:بعدي بعدي بموت
رهف:الله لا يحرمني منك يا احلى أخت بالعالم والله الي يزعلك لا اذبحه
ابتسمت ريم و رجعت رهف تنسدح على رجل ريم وهي تقول:ريم لو متت يوم تبكين علي؟!
ريم ضربت رهف:وش ذا الكلام لا تتفولين على نفسك
رهف وهي تضحك:لا بس سوال صدق راح تبكين
ريم وهي تضحك:هههههه على حسب
رهف وهي تقوم:وش الي على حسب انا اختس ياتبن لازم تبكين علي
ريم وهي تضحك عليها و ترجعها على رجلها:نامي نامي الكل نام باقي أنا و انتي
رهف انسدحت و بكت طالعت ريم فيها مستغربه وش فيها تبكي:وش فيس يابعد حيي انتي ؟!
رهف:ابكي على نفسي لما اتذكر وش كنت اسوي معس وكيف كنت اخلي بهاج يكرهس و كيف اخليه يضربس و كنتي متحمل كل ذا و أنا كنت اخطط علشان تطلقين منه و اخذه كيف كنت غبيه سامحيني والله ماكنت ادري ان راح احبس او تحبيني كذا سامحيني ارجوك
ريم قامت وهي تطالع فيها:رهف سامعه وش تقولين الماضي صار بالماضي خلاص انتي الحين اختي و حبيبتي كل الي سويتيه أنا مسامحتك عليه ولا عاد تقولين كذا و تترجيني حنا خوات ما نترجى احد حنا بنات عبدالله كل شي نبيه يجي مو نترجى
رهف وهي تبكي:سامحني يمكن يمكن أموت اليوم او بكرا و ذا مامتت اليوم او بكرا أموت بعده لان الموت جايني جايني سامحيني يا ريمي
ريم وهي تمسح دموعها و دموع اختها و تبكي معها:مسامحتك والله مسامحتك بس لا تقولين كذا تتفولين على نفسك كذا ليه ليه
رهف:الموت جايني جايني
ضمته ريم وهي يبكم مع بعض جاهلات الي راح يصير بكرا و كيف راح يعانن
نامو الكل صحى بهاج و هو يدور على ريم ما لقاها بالغرفه جس يدور عليها بعدين قال بنفسه
بهاج:أكيد راحت ل البنات
تنهد و راح دخل الحمام [ الله يكرم القارئ ] دخلت ريم الغرفه وهي مصدعه و حرارتها مرتفعه سمعت صوت الدش و عرفت ان بهاج بالغرفه نزلت ل المطبخ و خذت ماء وجت تبي تروح إلا تدخل رهف
رهف:يابنت وش فيه وجهس كذا تعبانه شي؟!
ريم:لا لا بس ما نمت عدل البارح عادي عادي
رهف:تداومين؟!
ريم:لا مالي خلق والله بروح انام
رهف:تمام بس إذا جيت و أنتي تعبانه لا أذبحس
ريم:ابشري
ضحكت رهف و خذت لها سندويشه و طلعت ركبن البنات مع حامد لان الدور اليوم على حامد
حامد:الكبيره تجي قدام
الكل طالع بنوره و الهنوف بحكم أنهن اكبر وحدات
الهنوف:مابي اركبي إنتي نوره
كانت الهنوف عينين تبي ترفع ضغط دلال و تبيها تغار علشان تنفذ خطتها و بالفعل ركبت نوره قدام مع حامد كانت دلال مرتفع ضغطها و كانت كل ما تتكلم نوره مع حامد تسكتها دلال بحكم ان نوره تغطى عن حامد و لابس نقاب بس عند حامد الكبيره هي الي تركب قدام و هو حاس بغيرة نوره و مستأنس و يضحك بقلبه اماً نوره كانت متوتره و تتكلم مع نفسها و التوتر مليون عندها
~
عند ريم راحت غرفتها و أخذت الماء معها و للحين بهاج يتروش طفشت صارت تلتفت يمين و يسار قالت بين نفسها:خلاص اتوضى بالي معي الماء
و بالفعل راحت و توضت بالماء الي معها و غسلت وجهها و بللت رأسها و صلت الصلاة الفجر و راحت نامت بالسرير و كانت مره ميته حر شغلت المكيف و نامت طلع بهاج و كان لاف المنشفه على خصره و وحده على رقبته و شعره مبلول و طالع ب ريم كانت نايمه قرب منها و تأملها باسها مع جبينها و بعد وهو مصدوم كانت مرتفعه حرارتها مرهه حس فيها بهاج رجع حط يده على رأسها و هو مصدوم
جلس وهو يصحيها ما صحت اوجعه قلبه و صار يرتجف و وجهه صار احمر نزل رأسه على صدرها و شاف أنها تتنفس خفيفه مرههه خاف زياده ان صار لها شي صار يهزها و يداني باسمها فتحت عيونها خفيف وهي تقول
ريم:وش فيك؟!
بهاج حضنها و هو عيونه حمر و عيونه بهن الدمعه كان يحاول يخفي دموعها قبل تنزل بعد عنها و هو يقول لها
بهاج:لازم نروح المستشفى الحين
ريم:ما احب المستشفى
بهاج:لا والله كيف تبين تصيرين دكتوره
ريم:يصير بس ما احب الابره إذا رحت ما يعطوني ابره صح؟!
بهاج:إيه إيه بس ماشي
راح بهاج و هو يجيب عبايتها و نقابها و طرحتها لبست و نزلت وهي ماسكه يد بهاج
~
شلة الهنوف كانت نوف غايبه و كانت تشوف وين يبون يروحون و دقت على الهنوف و دلال و قالت لهن إنهم رايحين ل المستشفى
الهنوف:الحين دورس ي دلال
دلال:تمام
راحت دلال و الهنوف راحت كل وحده تسوي الي عليها
راحت دلال ل المستشفى و شافت احد صديقاتها الي تطبق بالمستشفى قالت لها وش تسوي و وافقت بس كان عندها شرط وهو ١٥ الف ريال تجيبها لها دلال و بالفعل وافقت دلال و الهنوف راحت ل رهف و كانت تشوفها تطلب أكل و تراعي جوالها قربت من احد الموظفات و قالت لها
الهنوف:سلام
الموظفه:هلا
الهنوف:بطلب منك طلب عادي؟
الموظفه:أكيد امري
الهنوف:بعطيك ١٠ ألف ريال بس خوذي ذي القاروره و صبيها ب قارورة رهف
الموظفه:اسفه بس
ما كملت كلامها إلا تطلع الهنوف الفلوس:هاه وش قلتي؟!
الموظفه:تمام بس ذا وش يسوي؟
الهنوف:مالك شغل بس سوي الي عليك
بالمستشفى دخل بهاج وهو ينادي الدكتوره و جت الدكتوره و فحصتها
الدكتوره:خليس هنا بروح اجيب الادويه و ارجع معها فقر دم و نقص فيتامينات بس شي طبيعي
بهاج:يعطيس العافيه
الدكتوره:ابتسمت و طلعت
دخلت بعد كم دقيقه البنت الي ارسلتها دلال و كانت تطبق بالمستشفى:ذولي الادويه بس لازم تداومين لمدة شهر و بعده تعالو و ذي الابره لازم تأخذها لمدة شهر كمان
بهاج خذاهن ولا سالها و طلعو و دخلت الدكتوره تسأل عنهم و قالت لها إنهم قالو مايبون شي نبي نروح نحلل بمستشفى ثاني سكتت الدكتوره و كملت شغلها ركبو السياره بهاج و ريم و دلال دقت على الهنوف و قالت تمت المهمه و الهنوف بنفس الوقت كانت تراقب رهف و كيف كانت تشرب و تأكل و تتابع مسلسلها
~
بالبيت أم ريم كانت مريضه و كانت مره تعبانه ماتدري وش فيها هي كذا صارت فجاءه من جت هنا حللت و طلعت معها مرض سرطان[ الله يشفي مرضانا و مرضى المسلمين قولو آمين ]
دخلت ريم وراحت انسدحت على السرير و بهاج كان يحاول فيها تأخذ الابره و هي رافضه الفكره و الين نامت و عطاها ياها و أكلت أدويتها قبل تنام
~
بمكان ثاني خصوصا بالجامعه الكل ركب مع حامد إلا رهف لين خافت عليها و صار تسال نوره
نزلت نوره و لين يبحثن عنها و لا فايده
الهنوف:حامد اخوي ودا البيت تعبت هنا شمس يالله
بالفعل حامد مشى و خلا رهف و نوره و لين و راحو البيت كانت رهف بالحمامات[ الله يكرم القارئ ]
و ترجع [ الله يكرمكم ] طلعت وهي تدق على نوره و ردت نوره:وينك يابنت؟!
رهف وهي دايخه و جت تبي تتكلم و طاحت على الأرض و طاح الجوال
نوره:الو الو بنت الو
أخذت لين الجوال وهي تصرخ و تحاول فيها
لين سمعت صوت ناس و خافت اكثر أخذت احد البنا الجوال وهي تقول:الو
لين:هلا هلا
البنت:تعرفون البنت شي؟!
لين:إيه إيه رهف وينها؟!
البنت:قدام الحمامات لقينها طايحه و خشمها ينزف د..م
لين:تمام جايين
راحن يركض لها وصلن و شافتها و جاء الإسعاف خذوها و راحن البنات معها و دقت لين على بهاج و قالت له بهاج ترك ريم نايمه و راح لهن وصل المستشفى و شاف لين و نوره يبكن
بهاج:اهدن اهدن أكيد مثل ريم نقص فيتامينات
لين:ان شاءالله الله يسمع منك
جلوس ينتظرون الدكتور يطلع من الغرفه
~
وصلو البيت حامد و البنات نزلت الهنوف و راحت ل غرفة ريم و دخلتها كانت باردة و مظلمه دخلت و جلست تبحث عن الإبر و لقتهن و أخذت ثلاث ابر و دقت ريم بهن و ريم كانت نايمه و أخذتهن و قطتهن بالزباله[ الله يكرم القآرئ ] و راحت وهي مستأنسه
~
بالمستشفى طلع الدكتور وهو يقول
الدكتور:مافيها شي بس هي متسممه فيه احد مسممها
لين:من الي يبي يذبح رهف؟!
بهاج:امشو امشو يمكن من الأكل الي ماكلته دخلو عليها و كانت صايحه خرجوها و رجعو البيت المغرب
~
في الصباح كانت نوره و سالم يتشاجرون
نوره:اسمع عاد مو فاضيه لك رح رح
سالم:اقول عطيني الشوكولاته أنا خذيتها قبلس
نوره:لا لي انا الي شريتها
سالم وهو يركض عليها و هي تنحاش و يركضون بالمطبخ
ريم جت تبي تقوم إلا رجليها ما تحس فيهن شالت البطانيه عن رجليها وهي تلمسهم و خافت و صارت تشاهق و تبكي طلع بهاج لابس ثوبه و يطالع فيها
بهاج:وش فيس بعد تبكين؟!
ريم وهي ماسكه رجليها و تضربهن:ما احس برجلي بهاج ما احس برجلي
بهاج راح لها و هو يحاول يقومها و وقفه و تركها و طاحت على الأرض صارت ريم تبكي و تصارخ و بهاج يهديها
ريم:كيف تبيني اهدى بهاج أنا ما اقدر امشي يعني خلاص مراح أتحرك بهاج سو شي بهاج طلبتك لا تخليني كذا بتحرك انا بهاج ارجوك
بهاج شالها و حطها على السرير و نزل تحت و خلاها تبكي و دق على دكتور و قال لها يجي ل البيت شاف نوره و سالم و وقفهم و هو متوتر و قلبه يوجعه و يرتجف
سالم:وش فيك ؟!
بهاج:ريم ريم ما تقدر تمشي
نوره:وشششششش؟!
بهاج:مثل ما سمعتي
حا يبي يكمل كلامه لما سمع صرخه قويه راح ركض ل الغرفه و نوره و سالم وراه و لين و رهف طلعت من الغرفه و راح و الكل راح ل الصوت
بهاج فتح الغرفه و شاف ريم طايحه من السرير و تبكي و تصارخ و تضرب الأرض بقوه راح لها بهاج و مسكها شاف يدينها ينزفن شوي ريم رفعت رأسها وهي تبكي و شافت العيله كامله قدامها راحت ام ريم و رهف لها و حظننها
رهف:وش فيس يابعد حيي؟!
ريم:رهف رهف ما اقدر امشي خلاص مراح امشي رهف بكت و ام ريم بكت و الكل بكى الكل كان خايف عليها ورعلى حالها و على بهاج كان بهاج يطالع فيها وعيونه حمر و يده ترتجف و كله يرتجف مسكه سالم و طلعها و خلا رهف و البنات عندها و العيله طلعت كلها برا
نوره وهي تبكي:ريم راح تمشين ما عليس
ريم وهي تبكي و تصارخ:كنت متعافيه بس فجأه صرت ما اقدر امشي بنات مراح العب معكم مراح اقدر اسولف معكن و لا اقدر اسوي شي
رهف:حنا معك ما عليك
__________________
ادري انه قصير بس والله ذا الي قدرت اكتبه لا تنسون النجمه و الكومنت الحلو 🩷😔
+
الي يقولون كملي و صرت أنسى الأحداث و ذا ترا أشوف والله تعليقاتكم بس الغايب معه عذره تذكرو ذي الكلمه و انا قلت لكم يمكن أغيب🩷🩷✋🏻