الساعه اربع العصر
حمد : خلصتوو ولا بعدكم
غايه و مزنه : ياين ياين
ميثه و هي كاشخه اوفر : من لحين اقول لكم انا بنمشى بروحي
حمد : ماعندنا بنات يتمشون بروحهم
و سار يفتح السياره
ميثه : بلاه ها يعني دوم يوم نطلع ويا الباقي يخلونا بروحنا
حمده بصوت واطي : بلاها هاي جي اكيد عندها شي
غايه : حبي ترا واضحه من لحين
حمده : الله يعينا
و سارو السياره
يوم وصلو المول
ميثه : حمد شرايك ننقسم قسمين انته ويا حمده و مزنه وانا مع غايه
حمد : بس انا ابا غايه ف سالفه
ميثه : من متى صار عندكم سالفه
حمد : اتوقع ها الشي مايخصج
ميثه : عيل برايكم انا بسير بروحي
بدون ماتسمع رمست حمد سحبت و سارت
ميثه راحت و يلست ف احد الكوفيهات
الولد : السلام عليج يالغلا
ميثه مسويه عمرها مستحيه : و عليكم السلام اخوي بغيت شي
الولد : يستوي ايلس وياج
ميثه : حياك
الولد يلس و تمو يسولفون و خذ سنابها
عند للبنات
حمده : اقولكم بتاخذون كله صيفي ولا شتوي بعد
حمد: انا افضل انه تاخذون نص صيفي و نص شتوي
غايه : انا بعد جي فكرت لانه عادي فجاء ينزل مطر وجي
مزنه : تعبت
حمد : شو الي تعبت وانتي للحين مادشيتي ولا محل
مزنه : فيني صداع
حمد : قلنا اخوج مريض وانتي ليش مرضتي
مزنه : امزححح بس ودي اعرف ميثه شو تسوي
