راشد كان يستهبل ويا امه : يلا باييييييي
ام حمد : يلا نتبه ع نفسك
راشد : استهبل وياج امي امس ودعتهم و سهرت وياهم
ام حمد : يلا عيل زين جهزت اغراضك
راشد : لا لحين بسير وانتي ؟
ام حمد : دامكم كلكم بتجهزون لحين بجهز وياكم
راشد : ماتحتاجين شي تاخذينه ؟
ام حمد : لا امس سرنا انا و ابوك و خذنا
راشد : يلا عيل زين
و الكل راح يجهز اغراضه
الصبح الساعه ست الفجر
غايه : حمدوه تعرفين من الحماس احسني مارقدت
حمده : والله انا بعد مانمت
غايه : بتحصلين الكل راقد ب الطياره
حمده : الله يستر منو بيكون عندنا بس و منو بيلس بروحه
غايه : اهم شي مب انا
ودشت عليهم مزنه
مزنه : توقعت انكم واعين قومو تجهزو ترا بنطلع سبع ونص
غايه : انا سبحت و خلصت بس بستشور شعري و بكشخ ع الخفيف و ببدل
مزنه : انا يبت ملابسي وياي بيلس وياكم
حمده : شماني بعد بتي
غايه : حياكم ف غرفتي
حمده : عيل يلا بنظف غرفتي و بنحول غرفتج
غايه : انا نظفت غرفتي عسب جي عزمتكم
مزنه : يلا عيل نسير نتجهز
غايه : لحين بتحصلون ميثه يالسه تكشخ
مزنه : مااتخيل انها تيلس بروحها و واحد
غايه : حمد مابيخليها
حمده : اكيد أصلا ابوها بعد مابخليها
مزنه : طبعاا
