مطر :تعرفين شو كان ف بالي
غايه : شو
مطر : كنت بقول حق ميثه تعطني رقم حمد
غايه : وبعدين
مطر : كنت بقوله يرمسج اهلج و بخطبج وجي
غايه : ليش ماسويتها
مطر : لانج طلعتي جدامي
غايه : يعني لو ماطلعت جدامي كنت بترمسهم ؟
مطر : عطني رقم حمد
غايه : ماعرف اذا مغير رقمه ولا
مطر : ماترمسينه ؟
غايه : لا ماارمس حد فيهم
مطر : ولا حد ولا حد
غايه : لا
مطر : خليني اخذج و عقب بعترف لهم بكل شي
غايه : انشاء الله
و طلع من الغرفه وهي لبست عبايتها و سارت تحت
ميره : شكلي طولت عليج و مليتي فوق
غايه : هي ف قلت بنزل بجوفج شو تسوين
ام ميره : تعالي بنتي حياج يلسي بسولف وياج شوي
غايه : هلا عموه
ام ميره : ماتبين تتزوجين
و لف صوبها مطر يتريا جوابها
غايه : اذا النصيب موجود ليش لا
ام ميره : يعني جاهزه حق الزواج
غايه : يمكن
ام ميره : ها مطور شرايك ف البنت الي من ساعه تقول ماتباها
مطر ابتسم : ماعندي رد الصراحه
ام ميره : حلوه ولا
مطر : امي عيب تحرجين البنت
ام ميره : استهبل وياك بجوفك شو تقول
مطر : يلا انا بسير تبون شي
ميره : هي سير الجمعيه خذ لنا سناكات حق السهره
مطر : مااقدر مايخصني
ميره : مطوررر
مطر : تبين تعالي بروحج مااعرف شو تبين انتي
ميره : غايه سيري انتي
غايه : شووو لا مايخصني انا
ام ميره :سيرو ويا بعض شوي يمكن تتعرفون ع بعض