العقد

البارت 1

_ الكاتبة : ماريا لعبد
_ العقد
lnstagram : it.maria2
.
.
.
.
.
.
وصدكوني بالنهاية راح تتلاقى الوجوه والقلوب ويُرتفع من كان قلبهُ انقى

اصوات عالية من اغاني واحتفالات كلها تصفگ وفرحانه اله اني طااااااايرة من الفرح فرحتي كبيرة
اسمع أحد يصيح بأسمي نداريت شفت بابا
محمد : قمراي بابا رفعتي راسي جنت ادري راح  طلعين معدل عالي
ضحكت بفرح وحجيت
قمر : بابا  حبيبي بفضلك اني بدونك ولا شي 
محمد : واجبي هذا يابعد ابوج كلشي سويته قليل انت تستاهلين اكثر تستاهلين كلشي حلو
رحت بسته من خدة وحضنته فرحانه بي هواي بابا عندي شي مقدس مثلي الأعلى سندي روحي من الدنيا ماتخيل يجي يوم اعيش بدونه متعلقة بي لدرجه
سوينه إحتفال صغير بمناسبة نجاحي من السادس وبمعدل 100 شي خيالي ماكنت اعرف راح اوصل هلـمعدل الحلو وارفع راس اهلي فرحانه هواييي
بعد ماخلصت الحفلة
رجعنه للبيت بابا كال
محمد : فرشي لعمامج بالاستقبال تعبانين
قمر : تمام
رحنه اني وبنات عمامي فرشنه الهم كلهم للجعويط وللكبار بعد ماتأكدت كلها نامت وارتاحت بمكانها
صعدت لغرفتي تعبانه اخذت ملابس سبحت و شسورت شعري ذبيت نفسي على الجرباية ضليت صافنه وافكر معقولة ! اني اطلع هيج معدل كمزززتتت عبالك مخبلة ضحكتتت بصوت عالي واكمززز ع الجرباية
قمر : واخيراااااااا ياربي واخيراااااااا خلصت من السادس معقولة !  ياربي ممصدكه يامحمد
رفعت أيدي ادعي
قمر :  ياربي كوووون بابا يقبل ادخل كلية عسكرية ياربي والله حلمي امنيتي

اني اريد بس الزم الاسلاح وافر واصير هيبة وهاهي ماريد شي بعد
بعد ماتعبت ذبيت نفسي ونمت جفي ع وجهي

حسيت واحد يبوسني من وجهي شي  يجكجك
فتحت عيوني لكيت عمر كبالي يعدل بشعري ابتسمت وحجيت بصوت نعسان
قمر : عمر شبيك عوفني انام
عمر : حبيبتي كومي ميصير تنامين للمغرب

كبل فزيت وعطت بوجهه
قمر : شنوووووووو مغرب !!!!!!!
عمر : لجج صار ساعات اجي اكعدج متكعدين يلا عادد تعاييي اكلي
ضليت صافنه متعجبة من نفسي شلون عندي إمكانية نايمه النهار كلة ماحسيت ع نفسي
قمر : عجيببب والله ماحسيت بيك
عمر : ميخالف بابا كومي هسة اكلي من البارحه مماكلة شي
هزيت راسي ب اي وكمت طبيت للحمام غسلت من طلعت مالكيته عرفته نازل جوة
فتحت الباب ونزلت شفت هو وبابا كاعدين وكدامهم جبن وبيض
ضليت فاكه حلكي طلعت شكد مضحكه اني
كعدت بصف بابا واباوع لـ عمر صفح معاجبني
عمر يضحك وساكت
انيهم غلست كعدت اكل لحد ماشبعت كلت الحمدلله
وكمت رحت غسلت
وعزلت البيت كلة ومسحته وبخرته صعدت ع غرفة بابا هم طلعت ملابسة الوصخه اغسلهم ومسحتها وعطرتها من عطرة وطلعت
وغرفة عمر هم كذالك
وغرفتي هم
رحت كعدت ميته تعب ممتعودة انظف جنت 24 ساعه كاعدة بحجه عندي دراسة وعمر خطية ينظف هههههههههههه
المهم مرت فترة مو طويلة تقريبا وكلت لـبابا اروح ازور امي للنجف
محمد : اي بابا نروح لجمعه ماعندي شي
قمر : براحتك باباتي
مرت الأيام واجه اليوم النحس لو ادري هيج يصير ماروح
كعدني منصبح بابا كال
محمد : تحظري هم يلا نلحك
كعدت افرك بعيوني نعسانه كمت بكسل طبيت للحمام سبحت عسريع شوية نشاط وشسورت شعري خليت مرطب ومسكارة مورد خدود رحت للكنتور ضليت صافنه شلبس ! شفت بشت اسود بي سحاب وطلعت بنطرون وتشيرت اسود
لبستهن وسويت شعري ذيل حصان وخليت طوگ ع شعري وليست حذاء فلات اسود
حضرت جنطه صغيرة وخليت الشاحنه وموبايلي وخليت حمرة ضحكت بداخلي اني وين رايحه قابل
المهم طلعت ع بابا شفته ينتظرني أشر اصعد بسيارة متوجهين للنجف طول الطريق واني نايمه لحد ما صلنه كعدني بابا حارة الدنيا نار اهفي ع وجهي بابا غسلي بماي بارد لزم ايدي دخلنه جوة لمحت قبر امي من بعيد الدمعه بطارف عيني ماريد ابجي كدام بابا  نزل بابا كعد ع ركبة وقرة الفاتحه على روحها واني كذالك كعدت بصفه وقريت الفاتحه بابا ادري بي ينقهر من يجي بس ميبين كدامي ينزل راسة ويسمح بعيونه نقهرت هواي ع بابا ميقبل يتزوج