الكاتبة: ماريا لعبد
: العقد
lnstagram : it.maria2
.
كعدت ع صوت كلش قوي فتحت عيوني اريد اركز بشي ماكو مطفية من النعس
غسلت وجهي ونزلت
وكفت ع الدرج
لمحت بنية شايلة طفل وتبجي مافهمت الموضوع شنو
ابو يوسف: تعاي كعدي بنيتي وكلشي ينحل ، مريم جيبي ماي
_ يابة والله اني ممسوية شي
ابو يوسف: ادري ادري أخذي نفس
حجه بعصبية
يوسف : يابة صدك تحجي ؟؟؟ عجيب من أمرك بنتك تنهان وانت ساكت !! افهمممم تاهمااا بشرفها وضاربها
ابو يوسف : اكيدددد لااا العصبية متنحل شي
اشوف ابنها يباوع ع أمه ويبجي خايف من الصوت
من شافت يوسف يبجي شالة وشمرة علية
يوسف: صعدي فوك يخاف
اني هم صعدت أسكت بي ميسكت يستغرب مني
شلون ورطه هاي
شغلت الموبايل طيور الجنه سكت يباوع علية يبرطم عيونه كلها دموع كزكزت علية بوسته نوب صار يبجي اقوة
قمر : ديلا عيني اسكت شسويلك هيا بس بوسه
شلته ضليت افتر داخل الغرفة شوية وينام داخ من الهز ضحكت نومته ع جرباية صفنت شلون ناس ذول معقولة يتهم زوجته!!! لو يضربها بدون ميفهم منها خطية كسرت كلبي شلون تبجي وخايفة
الله يبرد كلبها يارب ، استحي انزل بعد يمكن يردون يحجون بشي خاص اني شكو المهم كعدت ع موبايل صورت نفسي ونشرت ستوري ، شوية وخابرني النسيب
صالح : لك ها المعضل
قمر : ها نسيب شلونك
صالح: هلا كلبي الحمدلله بخير انتِ شلونج
قمر : ع الله بخير
صالح : ونعم بالله ، شكو ماكو مشتاق لسوالفج وعلي
قمر : اويلييييييييييي لا ذكرني شبعت قهر هنا وحدي بين ناس غربة
صالح : شكد كلت لـعمي بقيها يمنه ماقبل يكول ماريد خطر عليكم
قمر : صحيح انتو هم خطية شنو ذنيكم ، وانت تعرف بابا من يقفل بعد
صالح : الحمدلله على كل حال ، عسى أن تكرهوا شيئاً هو خيرا لكم فه حبيبتي اتحملي هاي الاسبوعين
قمر : الله كريم حبيبي ، شمس وين ؟
صالح: تعاي ولك مشمش
اجتي تضحك وأصوات هوسة يمهم ميزت صوت حيدر
شمس : هلاووووو قمراي شلونج
قمر : هلااا شموسة الحمدلله حبيبتي بخير انتِ شخبارججج
شمس : حقيرة بذاته مشتاقتلج
قمر : هههههههههههه فدوة لكلبج حبيبتي والله انيهم مشتاقتلكم كلكم
شمس : شكو ماكو بعد شلون الأمور مرتاحه هناك ؟
قمر : الحمدلله والله زينين
شمس : بالي يمج ونبي
قمر : حبيبتي لا يضل بالج اني زينه ، حيدر وين لعد
شمس : اوففف من حيدر فد يعاند خبلني
قمر : انتِ خبلة حبي مو حيدر
شمس : ياجلبة يااختي ليش هو ينجرع صاير وكح
قمر : يمون حيدري
شمس : نجبي ، يلا راح اروح معزومين يم بيت خالي
قمر : روحي حبيبتي ديربالج ع نفسج وع حيدري ونسيب
شمس : يروحي تمام انتِ هم ديربالج وتحملي أسبوعين لحد متنحل المشاكل وترجعين النه
قمر : إنشاءالله حبيبي
شمس : باي
قمر : الله وياج
سديت الخط وتنهدت بحسرة ضايجه من الوضع
اجتي مريم والبنية شافتني دارت وجها وراحت ع أبنها حضنته وتبجي أشرتلي مريم اطلع وياها
طلعت برا حجت وياي
مريم : قمر خلي وليان وحدها بغرفتج انتِ تعاي نامي يمي هلفترة
قمر : ميخالف حبيبي
أنت تقرأ
العقد
General Fictionخلصت ورحت اغسل واعدل بملابسي رجعت لمكان بابا مالكيته !! وين راح ضليت اتلفت ماكو وصلني مسچ من بابا كان محتوى محمد : طلعي برا بلكراچ انتظرج استغربت بابا ميروح لمكان بدوني خاصة اني ماندل هنا شفت شباب ثنين واكفين استحيت اسئلهم تالي تشجعت ورحت قمر :...
