العقد

البارت 7

الكاتبة: ماريا لعبد
_العقد
Instagram : it.maria2

أتقال فيك قصيدة مرموقة
أنت القصائد ، مطلعاً ، وختاماً .

رجعت للبيت بوقت متأخر الاضوية مطفية صعدت لغرفتي اسحل بروحي سحل سبحت عسريع ونمت جفي ع وجهي بدون شسوار شعري كلة مي ادري راح اتمرض بس مابية حيل غمضت عيوني ونمت نومه أهل الكهف
كعدت ع صوت  مزعج مي آرو  يصيح بصوت عالي
فتحت عيوني ورجعت غمضت نعسانه كلش هواي
غفيت ، ماكعدت إله ع صوت موبايلي يدك
فتحت عين وحدة شفت إسمه
قمر : بابا
محمد : عيون ابوج

كعدت عدل وحجيت
قمر : شلونك عيوني
حجه بصوت مخنوگ مادري شلون اوصفه دمعت عيوني
محمد : بخيررر حبيبتي ، بابا تدرين انتِ أعز الناس أعز من كلشي أملكه انتِ وصيتها وصتني عليج قبل لا تروح خايف ماصون هاي الامانه انتِ امانه عندي مو بنتي روح ابوج  ، خايف مارجع اشوفج ،

قاطعته
قمر : لا بابا عيوني لا تحجي هيج شبيك انت
محمد : كلنه نعرف هذا المنصب خطر وبنفس الوقت نحبة حتى انتِ تحبي بس اني ماريدج تتعبين تهمني مصلحتج تهميني انتِ بابا اني ماريد اخاطر  نعمه من الله شلون أفرط بيج ؟ ممكن تزعلين كم يوم و بـتالي
ترضين وتتقبلين أمر الواقع

قمر : شنو مناسبة هذا الكلام بابا صاير شي ؟ وبهيج وقت دك علية وتحجي كلامك

حجيتها  وطلعت برا كلشي صار يخنكني أدري بي من يصير شي مو زين يحجي هيج كلام

محمد : عدنه مهمه اني واخوتج
قمر : بخصوص الخطف ؟ بابا بربك عوف كلشي المهم اني مابيه شي عوفهممم يولون
محمد :  لا تخافين نصفيهم ونجي منطول ساعتين
قمر : بابا
محمد : روح ابوج لا تخافين اني اخابرج من نخلص
قمر : ديربالكم ع نفسكم عيوني بابا من ادك عليكم ردو علية
محمد : إنشاءالله حبيبي ، ديربالج ع نفسج باباتي خاف مارجع
قمر : عمرك طويل بابا ، الله وياك
محمد : يعيوني ، يوسف يمج ؟  ادك علية ميجاوب
قمر : مادري والله لا ماكو
محمد : تمام عمري روحي كملي نومتج
قمر : اوك
سديت الخط واني هوايييي ضايجه من الوضع يوسف يروح وياهم !  ليش
اريد ارجع للغرفة شفته ينزل من فوك كاشخ ليكول رايح ونسة
باوعلي
يوسف : صباح الخير
قمر : هلا ، تروح وياهم ؟
يوسف: اي
قمر : هسة خابر بابا يكول اخابرة ماكو
باوعلي من فوك ليجوة رفع حاجب
رجعت  باوعت ع نفسي اريد اشوف شبي جنت لابسة تراك ستن عادي

يوسف: هسة اطلع ، رجعي نامي 
ميلت راسي بطريقة لطيفة
قمر : يوسف
بسرعه باوعلي حگ راسة
يوسف: ها أبوية
قمر : فدوة من ادك عليك جاوب
يوسف: يدلل
قمر : بيباي
يوسف: باي
طلع وعافني بتفكيري وقلقي رجعت للغرفة ضليت اتگلب ماكدر انام يانوم يجيني بعد الكلام سمعته من بابا خايفة عليهم كلهم ياربي ترجعهم الي ماعندي غيرهم يارب اني بدونهم ماسوة شي  صافنه ع سگف مادري شون غفيت 
فتحت عيوني باوعت ع الساعه 10 الصبح هدوء ماكو صوت شعجب كل مرا صوتهم عالي
غسلت وجهي ونزلت هم ماكو سمعت صوتهم برا طلعت لكيتهم يتريكون بلحديقة الجوو يجنننن والاجواءء ع العالم
قمر : صباح الخير
ابو يوسف: صباح النور عمو تعاي تريكي
رحت بست جدو وكعدت يمه
جدو : يمه فدوة للبنات عشرة واكول گليلات
ضحكت بصوت شكد حلو كالها
قمر : فدوة الك جدو
مريم : جدددددي شووووو بس القمر عيني واحنا صرنه گخه
ضحك بخفة
جدو : انتو كلكم روحي من الدنيا بس قمر لان جديدة لازم ندللها