بّـــــــًسًــــــــمِ آلَلَهِ آلَرحً ـمِــــــــن آلَرحً ـيـــــــّمِ
" اتمنَى أنِ نبقى معًا للابُد
وأنِ أحُبك بَهذا الشكُل
البسّيط وأنِ تُحبني كذلكَ
مهمَا تعثرنَا أنِ يكَون حتى
ذلك الصمَت البغيِض الذيَ
بيننَا هوُ حُب أيضًا ".
وأتمنى أن أقضي ما تبقى من حياتي في سلام تام
وأن لا تطيح بي الهزائم مرة أخرى ، أظن أنني أستحق حياةً أقل قسوة، فلقد استهلكتُ تماماً في ربيع شبابي.
أنا أنتمي إلى كُلِّ أولئك الذين لا ينتمي إليهم أحد إلى كُلِّ الذين وجدوا أنفسهم غُرباء حتى عن قلوبهم .
؛ اذا تحتاجين شي اتصلي عليه من موبايل هدى
:ماشي راحو نضفنه البيت وبقينه گاعدين بالهول صارت ساعه 12 ونص ندگ الباب هدى ترضع بأبنها رحت فتحت الباب وصار بوجهي جدي عامر بقيت فاتحه عيوني ومصدومه
عامر؛ مو گتلج راح اخذج روحج
:سحبني من شعري وذبني بالسياره صعد يم عمي سلمان تحركت السياره واني بعدني ممستوعبه شي
سلمان؛ ها ولج صاقطه ترحين وياهم اختج ذيج صاحب وتتمعشگ وانتي ترحين ويه الي اجو يردون يكتلون ابوج وكتلو گدام عينج وما رفلج جفن عفتي ابوج بدمه ورحتي وياهم
عامر؛ هسة اني اعرف شلون اصرف وياها بس خلينه نوصل
:بقيت بمكاني ودگات گلبي تنسمع صرت مثل السعفه بس ارجف ياربي كون هذا يطلع حلم واگعد منه بقو يمشون بسياره وصلنه للبيت نزلو من السياره اجه عليه عمي سلمان جرني من شعري وشمرني بنص الحوش نزل عليه عمي بقه يضرب بيه ع وجهي داخت دنيه بيه جرني من شعري وشمرني بالهول بقه جدي يضرب بيه دفرات ع بطني گمت اصرخ من الوجع جرني من شعري وشمرني بالحمام نضرب ضهري بالبوري گعدت ضليت ابجي من الوجع حسيت نزل عليه شي باوعت لگيت نفسي انزف بقيت ابجي واصرخ لا فدوه راح يموت والله فدوه طلعوني والله راح يموت الطفل فتح الباب عليه عمي سلمان ودفرني ع وجهي نضرب راسي بالحايط وبعد محسيت ع شي
؛ وصلنه للنجف دخلنه نزور خليت الموبايل بلأمانات دخلنه زرنه صليت وگعدت يم الضريح دعيت وبدون وعي نزلت دموعي أجت موده ع بالي
حسام؛ يله خويه خلينه نطلع جدي ينتضر
؛ يله سلمت وطلعت
حسن؛ شكو هدى متصله عليه 10 مرات
؛؛ حته عليه متصله بويه
؛ فتحت الموبايل صاير شي بالبيت لأن حته عليه متصله
؛؛ هاي اكيد عذرا مسويه شي
قاسم؛ والله اذا صدگ اخليكم اليوم تغبشون بيها لعلي
؛ هسة راح اتصل عليها واشوف شكو ألوو ها هدى شكو
.. ليث جنه گاعدين وندگ الباب وراحت موده فتحته وبعد مرجعت
؛ غوشت عيوني سديت الخط
حسام؛ شكو شبيك
؛ موده ما موجوده بالبيت
جنان؛ بعد احسن نخلص منها
؛ يمه وحق هذا علي لا تخليني اطلع نار گلبي بيج جدي اني راجع للبيت
حسام عمر؛ نروح وياك
حسن؛ انتضر اني هم اجي
؛ أخذت الولد وجدي والولد والعائله بقو يزورون أخذت الولد ورجعت واني الطريق صار عليه بسنه
حسام؛ ع كيفك خويه لا تگلب السياره بينه
؛ حسام خليني اوصل لا تحجي وياي
حسن؛ يله خويه ستعجل وين راحت هاي البت
؛ لا موده ماطلعت من البيت بأرادتها صاير شي
عمر؛ ان شاء الله خير يجوز هسة ترجع
؛ وحق الله اذا طلع عامر وراها اني الهم وصلنه للبيت دخلت للهول
.. ليث ها لگيوتها
حسن؛ رجع الكامرات خلينه نشوف شصار شلون طلعت
؛ رجعت الكامرات وبقيت اراقب مو گتلكم هذا عامر الجلب صعدت فوگ أخذت المسدس ونزلت يله نروح الهم واني اعرف شلون اتحاسب وياهم
:فتحت عيوني واني بطني موتتني تجيت ع حايط وگمت وگفت بقيت ادگ بالباب محد يرد عليه بقيت اصرخ ولكم افتحو الباب والله الطفل راح يموت بطني جدي فدوه افتحو الباب والله جاي اتأذه فدوه ندفع الباب عليه صرت ورا الباب دخل جدي جرني من شعري من ورا الباب وطلعني بالهول
عامر؛ ياطفل ابن الجلب خايفه عليه
:ضربني ع بطني وگعت بالگاع بقه يدفر بوجهي حسيت خشمي نكسر عيوني نعمت بقيت ما اشوف سودت الدنيه بعيني جرني من شعري وضرب راسي بالحايط شمرني بالگاع وگعد يدخن فتحت عيوني واني لازمه بطني وابجي الله لا ينطيك ولا يوفقك شسويت بيه مو انت انطيتني فصليه الهم اني شعليه لزمني من شعري ورجع ضرب راسي بالحايط وگعت بالگاع راسي بقه ينزف مدري شصار بيه جسمي كله يصل عليه من الوجع ندگ الباب طلع جدي يشوف منو ليث وينك عليه صار صياح برا نزل عمي سلمان يركض وطلعو الولد نصدمو بمنضري راحو ورا جدي لميت نفسي وگعدت يم التخم يارب ذكرت ليث بيه وخلي يرجع عليه
؛ موده وين انطوني موده ليش صير مشاكل
سلمان؛ انت شني ولك تهدد
حسن؛ بالقرآن الكريم اذا منطيتونه البنيه ترجع المشاكل ودم يجر دم خلوها ترجع ويانه
عامر؛ راح ترجع وياكم بس يجي يوم واخذها من عيونكم واكتلها گدام عينك سلمان روح جيبها هاي الصاقطه اني بعدين اعرف شلون احاسبها
حسام؛ ليث شراح سوي
؛ خليها تجي يمي واني اعرف شلون اردها الهم
:اجه عليه عمي سلمان جرني من شعري وسحلني بالبيت طلعني بالحوش شمرني يم رجلين جدي رفعت راسي شفت ليث اجه عليه
؛ موده منو سوه بيج هيج
:ليث بس طلعني منا الطفل راح يموت بطني فدوه
حسام؛ هاي شمسوين بيها
سلمان؛ بتنه واحنه نعرف شلون نأدبها
عمر؛ انتم شلون تجون تاخذوها وانتم طيتوها فصليه النه
حسن؛ يله خويه جيب مرتك وتعال
:شالني وطلعني منهم
؛ حسن اطلع للمستشفى بسرعه
حسن؛ يله خويه طالع
:خله راسي بحضنه ويمسح ع راسي ليث كلشي ولا الطفل يصير بي شي والله اني تأذيت بعد مابيه اخسر هذا الطفل عوضي الله يخليك لا تخلي يروح مني
؛ انت بس خليج قويه هسة راح نوصل ونشوفه يله حسن ستعجل
عمر؛ يله خويه راح نوصل
حسام؛ يله خويه اطبگ ليث نزلها انت
؛ حجاب ماكو شلون انزلها هيج
عمر؛ خويه نزلها بسرعه البنيه راح تروح من أدينه
:شالني ودخلني للمستشفى اخذني ع استشاره خلوني ع سديه ودخلو بيه للغرفه
::انتي حامل
:اي
::شگد صارلج حامل
:تقريب الشهر
::تمام مدي رجليج خليني افحصج
:بدت تفحص بيه واني احس نفسي راح اموت وخرت مني ها دكتوره فدوه طفل ببي شي
::خلي يجي زوجج
:دخلو الولد وبدت الدكتوره تحجي وياهم
::البنيه ليش هيج وضعها
؛ جدها جلب المهم شبيها هية
::صاير عدها نزيف قوي وللأسف الطفل مابي نبظ
:يعني شنو مات فدوه احجي شبي
؛ انطي مجال بويه خلينه نفهم شبيها دكتوره طفل شبي
::ماعرف بس الطفل مابي نبض
؛ يعني شنو صار عدها اسقاط
::راح اكتب الها علاج وترجع اليه بعد 10 ايام اذا بقه نزيف وماكو نبض للأسف يكون أفضل نزل الطفل لأن يكون مات ومنگدر نخلي لأن الام راح تتأذه
:طلعت الدكتوره اجه يمي ليث اخذني وطلعنة صعدني بالسياره ورجعنه للبيت خليت راسي ع چتفه ونمت
عمر؛ لا ضوج نفسك ليث كلشي يتعوض
؛ اني الهامني هسة بس موده
حسام؛ لا ان شاء الله مابيها شي
؛ يعني اني اقصد ماريدها تتاذه منا لحد مجيب طفل
حسن؛ اي خويه فاهمينك اي اي والله وكت
عمر؛ هسة احنه نوصل للنجف و منزور ابونه والله بسبب الجلب ابن الجلب عامر
؛ والله اله اردها الهم بسيطه
حسام؛ يله شنسوي ممقسوم. النه نزور بيها صالح ان شاء الله
؛ يله افتح الباب خليني انزل كسرت چتافي
عمر؛ اه اه تعال حسن اخذ مرة اخوك
؛ لا اني انزلها... يعني خليها اني
حسام؛ يله خويه يله خلينه نروح نام وانت اخذ مرتك واصعد يله
حسن؛ عفيه خوش تقسم
حسام؛ شبيك حسن والله تره اسويلكم شغله هسة اخليكم تتسودنون
؛ وخر هيج خليني اصعد
عمر؛ روح خويه محروس الله وياك روح
؛ عمر والقرآن اشمرها بالگاع واجي اكسرك اسكت
:ليث نزلني شنو هاي
؛ اشش هسة راح ترجعين تنامين منطينج مسكن قوي
:لا فدوه خليني انزل باوع عليه بطرف عينه نزلني وبدون ميحجي اي شي نزع حذاء ونام ع چربايه دخلت الحمام غسلت واني احس جسمي متكسر گعدت بالحمام بالگاع فتحت المي وبقيت گاعده جوا جسمي كله يصل عليه
أخذت البرنص وطلعت لگيته نايم لبست ثوبي ونمت ع تخم خليت أيدي ع وجهي خشممي مورم گصتي بيها جرح من ضربات جدي ياربي وين يوصل بيه الوكت بعد مديت ايدي ع بطني ياربي لا تحرمني من هذا الطفل بقيت اردد
يا محيي العضام وهية رميم احيي عضام طفلي بقيت اردد بيها ونمت
حيدر؛ ليث ليث يمعود ليث
:گعدت فتحت الباب طلع حيدر ها
.. گعدي ليث جدي يريده
:تمام نزل سديت الباب رحت يم ليث اريد اگعده اول ما تقربت منه ومديت أيدي عليه سحب نفسه ودخل الحمام هذا شبي رجعت گعدت ع تخم
؛ وينج حضري ملابسي
:ماشي گمت طلعت ملابسه وخليت المنشفه ع چربايه شويه وطلع لابس البرنص اخذ المنشفه وراح يباوع ع نفسه بالمرايه وينشف بشعره اخذ ملابسه لبس ومشط شعره رحت يمه اريد احجي ويا ليث ندار عليه لزمني من زندي عصر أيدي حيل
؛ كلمه وحده ماريد اسمع منج
:شمرني ع چربايه وطلع شكو شبي ليش هيج يحجي وياي
؛ ها جدي
؛؛ ولك انت شلون تروح البيت عامر
؛ باوعت ع حسام وحسن جدي شلون عرف
؛؛ اندار عليه احجي وياك ليش تروح لبيت عامر
؛ لان اجه واخذ موده
؛؛ وياخذها شلنه بيها ليث خليها بالك البت بس تولد ناخد الطفل وترجع لأهلها فهمت
؛ اي جدي فهمت خليني اطلع لأن شويه مختنگ حسام تعال وياي
؛؛ ليث وين رايح من الصبح
؛ مختنگ اريد اطلع اجي بالليل
:جوعانه واريد انزل بس والله مستحيه منهم بقيت گاعده واني عندي نزيف صار الوجع يزيد عليه يمه شلون بيه فتحت الباب وطلعت اريد هدى وينها مديت راسي من الدرج شفتهم گاعدين بس ليث مموجود هدى وين هدى فدوه خليها تجيني
جنان؛ شني يمه تجيج تشتغل عدج هية
قاسم؛ هدى تعاي بعد عمج شوفيها شتريد
.. ها موده شبيج
:ولج متت بطني راح أموت والله
.. اسم الله شبيج
:ماعرف بس صار عندي نزيف قوي والله خايفه بس لا طفل بي شي فدوه
.. لا اسم الله تعاي نامي خل اشوفج
:اخذتني نمت ع تخم رفعت ثوبي ومدري شسوي ها هدى فدوه شكو
.. هسة ارجعلج خليج نايمه
:اي عفيه بس لا تتأخرين ياعلي دخيلك بجاهك عند ربك احفضلي الطفل يامحيي العضام وهي رميم ياربي دخيلك
.. يله تعاي البسي خلينه نروح
:وين نروح شكو
.. ناخذج للدكتورة تفحصج
:لبستني العبايه وهية نزلت وياي اخذني عمر وحسن وهية أجت ويانه فدوه وليث
عمر؛ شبي ليث
:خاف يرجع يضربني لأن طلعت
حسن؛ ليش هوا ضربج بعد
:لا بس اكول لأن طلعت وهوا ميعرف
عمر؛ لا جدي عنده علم وانتي طالعه ويانه
.. هسة انتي بيا حال وتهمين باليث
:خليت راسي ع جامه واني كارهة نفسي شراح يصير بعد وين اوصل هذا ليث الي چنت سانده نفسي عليه دغير فززني صوت عمر
عمر؛ شنو تبقين بسياره
:يله نازله نزلت من السياره ودخلت للمستشفى دخلتني دكتوره وهدى وياي
::بعده عندج نزيف
.. اي دكتوره بس شوفي طفل شنو وضعه
::يعني اني گلت الهم للطفل مابي نبض وبعد 10 ايام اذا بقه ع هذا الوضع نزل الجنين لأن إذا بقه برحم راح تتاذه
.. تمام شوفيها بله شنو حلها
:رفعت ثوبي وبقت تفحص بيه ها دكتوره
::زوجها وين
.. صار عنده شغل وهوا ميدري احنه هنا ليش شكو
::تحتاج عمليه نزل الطفل ولازم لزوج يحضر
:بقيت مصدومه من كلامها ليش ياربي بعد مرزقتني بي وعلقتني بي تأخذه مني درت وجهي ع حايط وبقيت ابچي
.. حسن اتصل على ليث
عمر؛ ليش شكو شبيها
.. لازم تدخل عمليه تنزل الطفل
حسن؛ لا اله الا الله وين هسة الگى هذا اتصل عمر شوفه وينه
:نزت رحت يمهم حسيت بعيونهم نضرت الشفقه
عمر؛ هسة راح يجي
حسن؛ اجيبلج شي تاكلين خويه
.. لا غير راح تدخل عمليه تختنگ بالبنج
:بقينه ننتضر اجتي سوتلي تحاليل واني باقيه بس جسد حسيت روحي طلعت مني اشويه واجه ليث
؛ ها شكو
.. العوض بسلامتك الطفل لازم تنزله الها لأن مابي نبض
حسام؛ ليش هية مو انطت مدة 10 ايام ليش هسة تريد تنزله
.. والله ماعرف بس رجعت سوت الها فحص لگته ميت مابي نبض وميصير يبقه برحم تصير عدها أمراض اسم الله
:ليث ولا باوع عليه داير وجها ويحجي ويه هدى حته اخوانه حسو عليه وهوا ماحس
؛ هسة المطلوب شنو
حسن؛ شبيك خويه ع شنو مستعجل وقع ع أوراق العمليه وروح الله وياك
؛ يله وينهن لاوراق اريد اروح عندي شغل
حسام؛ بس شويه ليث بله تعال امشي
.. موده شبيج
:مابيه شي بس شويه خايفه
.. لا يروحي لا تخافين كلشي سهل بس اقري الفاتحه لأم البنين وهية تسهلج امرج
:اي والله ونعم منها قريت الفاتحه وهديتها الها اجه ليث وحسام دخلت علينه الدكتوره
::حضرنه غرفه العمليات راح يجيبون الها ملابس تلبسهن اذا لابسه تراچي حلقه سلسال انزعيهن
.. ماشي عيني اني يمها هسة راح اجهزها
؛ اني وقعت ع أوراق بعد تردون شي ها ودفعت الفلوس مال عمليه
حسن؛ يعني انت صدگ تحجي غير مرتك هية وين عايفها ورايح
؛ والله شتريدني اگعد ابوس بأديها واهدي بيها تره هية مجرد فصليه
:اسمع بالكلام واني ممصدگة هذا الكلام يطلع من ليث
حسام؛ وين تريد تروح
؛ اريد ارجع للبيت انام صدت عيني بعينها چنت متقصد هيج احجي وياها واسمعها لأن ماريدها تتعلق بيه واني راح ارجعها لأهلها
.. ليث صدگ راح ترجع للبيت
؛ اي
عمر؛ روحي ويا ابنج هسة تلگينه امي شابعته راشديات
؛ ههههههه أستغفر الله يله حسام خلينه نروح
:درت وجهي ومباوعت عليه بعد أخذ حسام وراح
.. معليج بي اني هنا يمج
:انتي تكفين وتوفين والله دخلت عليه سستر انطتني أغراض وطلعت طلعو الولد واني ميته قهر من ليث لبستني هدى ملابسه العمليه بقيت گاعده شويه دخلو عليه سديه
هدى؛ يله نامي هنا هسة راح ياخذوج لصاله العمليات
:هدى ليث ليش راح
.. يريد ينام يرتاح ويجي خطيه هوا تعبان
:راد يطلعني برا الغرفه بس لحضه هدى اتصلي على ليث اريد احجي ويا
.. ادخلي للعمليه ومن تطلعين تلگينه موجود وعد
:تمام اخذوني صعدت بالمصعد دخلوني غرفه كلها بيضه وبيها أجهزة هواي انطوني أبره بالكانونه صار عندي تنمل بجسمي وغوشت عيوني
