بّـــــــًسًــــــــمِ آلَلَهِ آلَرحً ـمِــــــــن آلَرحً ـيـــــــّمِ
أني خايف مدري مِن مَن
من رحيلك من ضياعي
من خليل يعوف خله
بلا سبب ويگلة أبچي أنت
مو رايد وداعي .
حقي أزعل بس شسوي
ما أريد بحقي أداعي
ب البحر غرگت سُفنا
ومن درت وجهي
شفت كاسر شراعي
بيش اداعي بضيمي ،
بأحزاني ، بكسرتي
فدوة كلهن يرحن الكم
دمعتي وحتى صداعي
لم يكن حظنا كافياً
لكي نشيب ونذهب برحلة العمر معاً
وأن نشاهد بعضنا الأخر وهو يكبرُ
لم يكن حظنا كافياً
لكي نحتسي القهوة معاً ونحنُ في عمر السبعين
وأن أرى شعركِ الأبيض
وأن أقبل يداكِ المُمتلئ بالتجاعيد
لم يكن حظنا كافياً
بأن نشاهد ريال مدريد معاً
ونحنُ في السبعين من عمرنا
لم يكن حظنا كافياً
بأن نمضي متعبين إلى
السينما
لم يكن حظنا كافياً !
؛ هاي شلابسه بت الكلب اريد باجر اطلع بيها
:لعد شلبس ماعندي ملابس
؛ تلبسين دشداشتي
:اي غير ماعندي ملابس باوع ع چربايه ورجع نضره عليه
؛ اكفر بيج مبلله الفراش بشعرج هسة وين انام اني
:شبيك بس صيح يعني وين اروح انام نمت هنا
؛ شوفي ولج انزعي الدشداشه لا اشگگها عليج شوفي من غفران والبسي
:لا ماريد ماحب البس شي مو اليه او من احد
؛ چا شلون لبستي دشداشتي
:مو مبينه جديده لو لابسها انته
؛ عدلي حلگج تلعب نفسج مني ولج
:هسة شنو وين انام اني ابقه واگفه طول لليل
؛ مشكلتج طفي الضوه اريد انام
:امشي بدشداشه تسحل وراي طفيت الضوه بس لحضه اني وين انام
؛ ولج اسكتي اريد انام تعبان والله تعبان أذا اگوم اموتج والله
:يابه اريد انام زين راح انام ع صفحه ثانيه مال چربايه
؛ أوصلي للجربايه اذا مكسرت رجلج
:كبر خليت مخده ولحاف ونمت بالگاع
؛؛ وينك هيثم قاسم يله بويه نروح اليوم عدنه طلعه
دلال؛ عمو هيثم جاي يسبح هسة علما اسوي ريوگ الكم
؛ گومي شهل وضع هذا نايمه جوه رجلي وين ادوس اني
:وخر رجلك طبت بطني وخرت الحاف وگمت صار بوجهي واني منضري يلعب نفس كوشه ولابسه دشداشته لزم دشداشه بيده ويباوع عليه
؛ شوفي شلون تعقجت بيمن اطلع اليوم
:هسة من صباح الك خلگ تعارك دفعني ودخل الحمام رحت ورا اكلك اريد ملابسي يمك عفيه
؛ أخذت ثوب فتحت الباب وشمرته عليها بعد لتخلين ملابس بالحمام تره اشگهن اذا لگيتهن
:والله الك خلگ خزرني واني ركضت صرت ورا الكنتور لبست وأخذت حجابي نزلت دخلت الحمام غسلت وجهي وطلعت لگيت العائله ملتمه شويه ونزل ليث گعد يشرب جاي
هدى؛ منين هاي البنيه
غفران؛ هاي بت ابو العرگ
:خطيه وانتي ابوج شيخ جامع ليش تحجين ع ابوي
حيدر؛ بويه انتي شبيج شهل حجي هذا
:لعد شكو تحجي ع ابوي خل تحترم نفسها ولجيب طاري اهلي
؛؛ ليث اخذ مرتك ضبها امشششي
:يمه صدگ هسة ستحيقتها جرني من أيدي وسحلني ورا ع درج مگدرت احجي كلمه وحدة
شمرني بالغرفه وگعد گبالي
؛ شسويلج هسة فهميني
:والله اني مسويت شي غلط هية جاوزت شنو تگول ابو العرگ
؛ چا شيشرب ابوج مي زمزم غير عرگ وليش تحجين ع عمي ولج بگدج هوا
:والله هية جاوزت واني رديت عليها گام يخنزر واني گمت ارجف والله هسة اذا ضربني يكسر بيه شي شوف اني عندي حل
؛ الصمي لا اطيح حضج ع كل سوالفج اني لليوم مماد ليدي عليج منوو
هدى؛ اني ليث افتح الباب
؛ تعاي فوتي
.. شسمج انتي
.. موده
.. شوفي عيني الي صار جوه عيب انتي فوگ المصيبه الي صارت يعني مو صح تتلاسنين ويه احد بالبيت خلي الج صاحب مو كل واحد تعاركي
:بس هية تتجاوز و مو بس هسة كل متشوفني تتعارك وتذب كلمه
.. اي طبعآ غير اخذتي ليث
؛ وهية شعليها غفران
.. مو عمي جدك عود راد يخطبها الك
:ايع واني شعليه بيهم عاد هوا شلونه خل تأخذه ميته عليه اني اشو هذا يريد يهجم عليه
هدى؛ اگعد يمعود عوفها اني احجي وياها انت انزل يله ليث سد الباب وراك ولج انتي شبيج
.. مابيه شي بس همة كلش يأذوني بكلامهم يعني حته امه أجت ضربتني اني شعليه اني هم تأذيت وأهلي خسرتهم اني لحد هسة مصدومه كلشي صار بيوم واحد امي طلگت ابوي واخوي توفو حدي كتل اختي صارت مجزره گدام عيني
.. الله كريم عمري يله تعاي انزلي ها اني هدى زوجه حسن اخو ليث يله واني راح اساعدج بكلشي بس لا طولين السانج
.. ماشي عدلت حجابي ونزلت لگيتهم ع گعدتهم امشي واني گوه كاتمه ضحكتي جرتني هدى ودخلت المطبخ خليني اسوي اكل جوعانه والله
.. انتي ليش ضحكين شوفي ولج المسيطر هنا جدهم حاولي تحسنين علاقتج ويا مو تخلينه يضوج منج تره اذا جدهم حباج بعد اي واحد ميگدر يأذيج
:ماشي ان شاء الله حميت الچاي وطلعت جبن وگعدت اكل
جنان؛ ولج صوتج هواي جاي يعله بالبيت
.. عمه عوفيها اني حجيت وياها وفهمتها
جنان؛ عوفيها عليه اني اربيها
:جاي اگوم احجي وياها وهدى عضتلي شفتها وگعدت
غدير؛ هدى شسوي انتي وهاي البت
:هاي البت اسمها موده
.. ولج اسكتي اني شحجيت وياج
:ماشي راح اسكت أجت دلال وبتها سوينه غده واني طلعت نضفت الحوش و الإستقبال
محَد موجود بيها دخلت كنستها وشغلت بخور وطلعت صار وجهي بوجه غفران باوعت عليها من فوگ ليجوه عفتها ودخلت وين هدى
غدير؛ جوه تنضف غرفة عمي
:تمام دخلت يمها اكلج هدى عفيه اريد ملابس اريد اغير هذا ثوبي حته محزنت ع اختي
.. تمام هسة انطيج عندي هواي
:خلصت تنضيف البنات گعدن تغدن إنني ماكلت لان شبعانه دخلت غسلت المواعين و نضفت المطبخ وصعدت ويه هدى اطتني هواي ملابس همزين سود اخذتهن ودخلت للغرفه نضفت ها
وغسلت الملابس مال ليث وغسلت الدشداشه دخلت سبحت وبدلت همزين لبست اسود خليت راسي ونمت والله تعبت ندگ الباب عبالي ليث فتحت الباب طلعت عذراء ها محتاجه شي دفعتني للغرفه وسدت الباب
.. ابوس أيدج بس انتي تگدرين تساعديني
:شكو بشنو أساعدج
.. اريد اطلع اروح لامي
:يمه والله جدج حلف عليج اذا سوين بعد شي غلط يذبحج والله اني اخاف عليج
.. انتي بس شوفي لي منو موجود جوه واني الباقي عليه
:لا فدوه اني ما ادخل هذا ليث والله يموتني عافتني وطلعت طلعت وراها أخذت عبايه وطلعت من غرفتها نزلت وراها طلعت بشارع يممه شلون صعدت دگيت الباب ع هدى هسة همة ليش يطلعون كلهم سوه خلو زلمه بالبيت
.. ها موده تعاي فوتي
:لا فدوه اريد موبايلج اتصلي ع جدكم جابت الموبايل انطتني ياها
.. شكو ليش تردين تحجين ويا ديري بالج لا جفصين بكلمه تره عمي يفتح سبيكر
:بعدين أخذت الموبايل غير يجاوب
؛؛ الووو ها بويه هدى
:عمو اني مودة
؛؛ شكو هم عركه بالبيت
:لا عمو بس عذرا طلعت من البيت وخاف يصير عليها شي اشو هذا سده بوجهي
.. ولج ليش مگتيلي اطلع وراها
:وين طلعين وراها هية طلعت تركض
جنان؛ شكو ولجن
.. عمه هاي عذرا طلعت من البيت
جنان؛ وين راحت والله عمي يذبحها دهر فرها احنه عايزين
:رجعت بالغرفه يمه شلون بيه دخيلك يا علي بس لا ترجع عليه المشكله سمعنه صوت صياح فتحت الباب وطلعت اركض نزلت جوا لگيت الولد موجودين من غير حسام وليث
؛؛ تعاي ولج شون عرفتي بيها طلعت
:يمه عمو هية اول شي اجتني رادت اني اطلعها گتلها عمو ميقبل عافتني وهية طلعت
قاسم؛ اي بت امها تعرف شلون تستغل الوقت وتطلع
هيثم؛ والله يخوي صوجك انت ردت من البدايه أخذها لحيدر بقيت تأجل بيها يله استلم هسة راح تصير مطمطه
عمر؛ جدي ملازم نطلع كلنه ونعوف البيت بدون زلمه
جنان؛ يمه انتم لا تدخلون شعليكم بيها
حمزه؛ شلون يمه غير بتنه شلون شعلينه
؛؛ ولج دلال اخذيها فوگ ليش اطفي ناري بيها
